న్యూఢిల్లీ: మొబైల్ ఫోన్ వినియోగదారులకు విలువ జోడించే మొబైల్ సాఫ్ట్‌వేర్ సేవలను(వ్యాస్) అందించే సంస్ద కామ్‌వీవాలో 51 శాతం వాటాను రూ. 260 కోట్లు వెచ్చించి కొనుగోలు చేసినట్లు సాప్ట్‌వేర్ సేవల సంస్ద కంపెనీ టెక్ మహీంద్రా ప్రకటించింది. ఈ కొనుగోలు ప్రక్రియ పూర్తైన తర్వాత కామ్‌వీవా పేరుని మహీంద్రా కామ్‌వీవాగా మారుస్తారు. గుర్‌గావ్‌ ప్రధాన కార్యాలయంగా పనిచేస్తున్న కామ్‌వివాలో మెజారిటీ వాటా భారతి గ్రూపు దక్కించుకుందని టెక్‌ మహీంద్రా పేర్కొంది. అయితే తాజాగా ఎంత వాటా దక్కించుకుందో మాత్రం వెల్లడించలేదు. ఈ కంపెనీ టెకోవర్‌కు ముందుగా రూ.125 కోట్లు. మిగిలిన రూ.135 కోట్లు వచ్చే ఐదేళ్లలో చెల్లిస్తామని టెక్‌ మహీంద్ర వైస్‌ చైర్మన్‌ వినీత్‌ నయ్యర్‌ చెప్పారు. ఒప్పందం తర్వాత కూడా కామ్‌వీవా ప్రమోటర్లు సంస్థలో 20 శాతం వాటాను కొనసాగిస్తారు.

కామ్‌వీవా రూపంలో తమ క్లయింట్లకు సంపూర్ణ, సమగ్ర భాగస్వామి లభించినట్లయిందని అన్నా రు. మా భాగస్వాములకు కామ్‌వీవా కొనుగోలును ఓ విజయవంతమైన వెంచర్‌గా తీర్చిదిద్దగలమన్న పూర్తి నమ్మకంతో ఉన్నామని ఆయన పేర్కొన్నారు. కామ్‌వీవా 1999లో తొలుత భారతి టెలీసాఫ్ట్ లిమిటెడ్ పేరుతో స్థాపితమైంది. 2009లో ఇది కామ్‌వీవా టెక్నాలజీస్‌గా పేరు మార్చుకుంది. ఈ కంపెనీ సొల్యూషన్స్ 90 దేశాల్లో 130కిపైగా సర్వీసు సంస్థలు, బ్యాంకుల్లో ప్రవేశపెట్టి ఉపయోగిస్తున్నారు. కాగా, ఇటీవలే హచ్‌ గ్రూపునకు చెందిన హచిసన్‌ గ్లోబల్‌ సర్వీసెస్‌ (హెచ్‌జీఎస్‌) కాల్‌సెంటర్‌ను 87.1 మిలియన్‌ డాలర్లు (రూ.484.03) కోట్లు పెట్టి కొనుగోలు చేసిన విషయం తెలిసిందే.

తెలుగు వన్ఇండియా