రిజర్వ్ బ్యాంక్ ఆఫ్ ఇండియా(ఆర్‌బీఐ) ఈరోజు తన ద్రవ్య పరపతి విధాన సమీక్షను ప్రకటించింది. ఈ సమీక్షలో ఆర్‌బీఐ గవర్నర్ దువ్వూరి సుబ్బారావు రెపో రేటుని యధాతథంగా ఉంచి.. సీఆర్ఆర్‌ను 25 బేసిస్ పాయింట్లకు ఆర్‌బీఐ తగ్గించింది. రెపో రేటు 8 శాతం, రివర్స్‌ రెపోరేటు ఏడు శాతంగా ఉంచింది. వడ్డీరేట్లలో ఎలాంటి మార్పులు చేయలేదని ఆర్‌బీఐ పేర్కొంది. దీంతో నగదు నిల్వల నిష్పత్తి తగ్గడంతో ప్రభుత్వానికి భారీగా ఆదాయం లభించనుంది. సీఆర్‌ఆర్‌ను తగ్గించడంతో ఆర్దిక వ్యవస్దలోకి సుమారు రూ. 17 వేల కోట్ల మేరకు విడుదల కానున్నాయి. అంతేకాకుండా నగదు నిల్వల నిష్పత్తిని 0.25 శాతానికి తగ్గిస్తూ ఆర్‌బీఐ నిర్ణయం తీసుకుంది.

సాధారణంగా రెపోరేటు తగ్గితే రుణాలపై వడ్డీ రేట్లు తగ్గేవి. అంతేకాదు గృహ రుణాలు, ఆటో రుణాలపై భారం తగ్గేది. ద్రవ్యోల్బణం ఎక్కువగా ఉన్నందున వడ్డీరేట్లు తగ్గించేది లేదని రిజర్వ్ బ్యాంక్ ఆఫ్ ఇండియా గవర్నర్ దువ్వూరి సుబ్బారావు తెలిపారు. డీజిల్ ధర పెంచినందున రాబోయే కాలంలో ధరల పెరుగుదల ఎక్కువగా ఉంటుందని సెంట్రల్ బ్యాంక్ ఆందోళన చెందుతుంది. దీంతో స్టేట్ బ్యాంక్ ఆఫ్ ఇండియాకు అదనంగా రూ.200 కోట్లు మేరకు ఆదాయం వస్తుందని ఆ బ్యాంక్ మేనేజ్ మెంట్ తెలిపింది. ఈ ఏడాదిలో సీఆర్‌ఆర్‌ను 1.25 శాతం మేరకు ఆర్‌బీఐ తగ్గించడం విశేషం.

ఇది ఇలా ఉంటే రిటైల్, విమానయాన రంగాల్లోకి విదేశీ పెట్టుబడులను కేంద్ర ప్రభుత్వం ఆహ్వానించడంతో సోమవారం స్టాక్ మార్కెట్లు లాభాల్లో ప్రారంభమయ్యాయి. ఈ రోజు ఉదయం సెన్సెక్స్ 12 నెలల గరిష్ట స్దాయిలో ప్రారంభమైంది. 11 గంటల ప్రాంతంలో బాంబే స్టాక్ ఎక్సేంజ్ 142 పాయింట్ల వరకూ లాభపడుతూ 18,606కి సమీపంలో ట్రేడవుతోంది. అదే విధంగా నిప్టీ 41 పాయింట్లకు పైగా లాభపడుతూ 5,618 సమీపంలో ట్రేడవుతోంది. గత వారంలో మల్టీ బ్రాండ్ రిటైల్, విమానయాన రంగం, బ్రాడ్ కాస్ట్ సర్వీసుల్లోకి ఎఫ్‌డీఐలను అనుమతిస్తూ కేంద్ర ప్రభుత్వం తీసుకున్న నిర్ణయాన్ని ఇన్వెస్టర్లు స్వాగతిస్తున్నారు.

తెలుగు వన్ఇండియా