వివరాల్లోకి వెళితే సత్యం కంప్యూటర్స్‌ని మహీంద్రా కంపెనీ కొనుగోలు చేసిన తర్వాత దాని ఆర్దిక పరిస్దితి సక్రమంగా లేదని.. నిజాలను తప్పుదోవ పట్టిస్తూ ఉద్దేశపూర్వకంగా తప్పుడు ఖాతాల ఆధారంగా విలీనం జరుగుతుందని ఆయన తెలిపారు. తమ 37 సంస్థలకు రావాల్సిన రూ.1,230 కోట్ల బకాయిలను మళ్లీ లెక్కించి మహీంద్రా సత్యం బ్యాలెన్స్ షీట్‌లో అప్పుగా చూపించడంలో కొత్త యాజమాన్యం విఫలమైందన్నారు. దీంతో మహీంద్రా సత్యం-టెక్ మహీంద్రా విలీనాన్ని తిరస్కరించాలని హైకోర్టును సత్యం రామలింగ రాజు కోరారు.

అలాగే అన్-సెక్యూర్డ్ రుణాలు అందించిన వారితో ఒక సమావేశాన్ని ఏర్పాటు చేసి, విలీనానికి వారి అనుమతి కూడా తీసుకొనేలా మహీంద్రా సత్యంను ఆదేశించాలని అభ్యర్థించారు. ఎన్‌ఫోర్స్‌మెంట్ డెరైక్టరేట్ ఆదేశాల ప్రకారం నడుచుకొంటున్నామని మహీంద్రా సత్యం యాజమాన్యం చెబుతోందని, అలాంటి ఆదేశాలు జారీ చేసిన లేఖ ఉంటే చూపేలా కంపెనీని ఆదేశించాలని కూడా పిటిషనర్లు కోరారు.

తెలుగు వన్ఇండియా