ఐతే ఇప్పుడు చౌదరి వ్యాఖ్యలతో తాజాగా ఐసీఐసీఐ బ్యాంకు చైర్మన్ కేవీ కామత్ విభేదించారు. సీఐఐ నేతృత్వంలో నిర్వహించిన 8వ ఇండియా ఇన్నో వేషన్‌ సదస్సులో రిజర్వ్ బ్యాంక్ (ఆర్‌బీఐ) అన్నీ ఆలోచించే ఈ విధానాలను అమలు చేస్తుందని ఆయన అన్నారు. ద్రవ్యపరపతి విధానంలో పలు అంశాలుంటాయి. వాటిలో స్టాట్యుటరీ లిక్విడ్‌ రేషి యా (ఎస్‌ఎల్‌ఆర్‌) క్యాష్‌ రిజర్వు రేషియా (సీఆర్‌ఆర్‌)లు ఉంటాయి.

సీఆర్‌ఆర్ అన్నది ఇప్పుడు కొత్తగా ప్రవేశపెట్టినదేమీ కాదని కామత్ పేర్కొన్నారు. ‘నాకు తెలిసినంత వరకూ దేశంలో సీఆర్‌ఆర్ చాన్నాళ్లుగా ఉంది. నిజంగా చెప్పాలంటే.. దీనిపై వివాదం చేయాల్సిన అవసరమేమీ లేదు' అని ఆయన తెలిపారు. ద్రవ్య పరపతి విధానంలో చట్టబద్ధ ద్రవ్య నిష్పత్తి (ఎస్‌ఎల్‌ఆర్) సీఆర్‌ఆర్ వంటి అనేక సాధనాలను ఆర్‌బీఐ ఉపయోగిస్తుందని కామత్ చెప్పారు.

సీఆర్‌ఆర్‌ అంటే బ్యాం కులు తమ వద్ద ఉన్న మొత్తంలో కొంత భాగాన్ని రిజర్వు బ్యాంకు వద్ద డిపాజిట్‌ చేయడం దీనిపెై బ్యాంకులకు ఆర్‌బీఐ ఎలాంటి వడ్డీ ఇవ్వదు. నా అభిప్రాయం ప్రకారం ఆర్‌బిఐ ద్రవ్యపరపతి విధానంలో కొన్ని అంశాలు తమకు అనుకూలంగా వినియోగించుకుంటాయి. ప్రస్తుతం ఆర్‌బీఐ చేస్తున్నది ఇదే అని కామత్‌ అన్నారు. సీఆర్‌ఆర్‌ అనేది ఆర్‌బీఐ ద్రవ్యపరపతి విధానంలో ఒక భాగం చూడాలి తప్ప వేరే విధంగా బ్యాంకులు ఆలో చించరాదని కామత్‌ అన్నారు. కామత్‌ ప్రస్తుతం ఇన్ఫోసిస్‌ నాన్‌ ఎగ్జిక్యూటివ్‌ చైర్మన్‌గా వ్యవహరిస్తున్నారు.

తెలుగు వన్ఇండియా