న్యూఢిల్లీ, ఆగస్టు 31: టాటా మోటార్స్ ఛైర్మన్ పదవికి త్వరలో టాటా చెప్పబోతున్న 'రతన్ టాటా' శుక్రవారం జరిగిన యాన్యువల్ జనరల్ మీటింగ్‌లో పశ్చిమ బెంగాల్‌లోని సింగూర్‌లో కర్మాగారం ఏర్పాటు చేయలేకపోయిన విషయంలో తన విషాదాన్ని వ్యక్తం చేశాడు. వివరాల్లోకి వెళితే కోల్‌కత్తాలో జరిగిన టాటా టీ వార్షిక సర్వసభ్య సమావేశంలో సింగూర్‌లో కర్మాగారం ఏర్పాటు చేయలేక పోయిన విషయంలో ఏమాత్రం కోపం, బాధ లేనప్పటికీ.. కుటిల రాజకీయాల వల్ల అక్కడ నుండి వేరే రాష్ట్రం తరలిపోవాల్సిన వచ్చిన విషయంలో తన విషాదాన్ని వ్యక్తం చేసాడు.

పశ్చిమ బెంగాల్‌లో రాజకీయ వాతావరణం మనకు అనుకూలంగా ఉంటే మనం ఇక్కడే ఉండే వాళ్లమని అన్నారు. 74 సంవత్సరాల వయసు కలిగిన రతన్ టాటా డిసెంబర్‌లో టాటా ఛైర్మన్ పదవికి వీడ్కోలు పలకనున్నారు. రతన్ టాటా తర్వాత ఆయన స్దానంలో ప్రస్తుతం వైస్ ఛైర్మన్‌గా కొనసాగుతున్న సైరస్ మిస్త్రీని కొనసాగే అవకాశం ఉంది.

సింగూర్ వివాదం నాలో కోపం భావాలను తీసుకుని రాలేదు. కేవలం విషాదాన్ని మాత్రమే కలగజేసింది.. అందుకే మనం ఏమీ చేయలేకపోయాం. ఎవరికి తెలుసు భవిష్యత్తులో పశ్చిమ బెంగాల్‌ టాటా మోటార్స్ కర్మాగారం వస్తుందేమోనని అన్నారు. టాటా మోటార్స్ ఛైర్మన్ రతన్ టాటా సింగూర్‌లో టాటా మోటార్స్ కర్మాగారం ఏర్పాటు చేయాలనే భావించగా.. తృణమూల్ కాంగ్రెస్ నేత, ప్రస్తుత ముఖ్యమంత్రి మమతా బెనర్జీ భూముల స్వాధీనం వ్యతిరేకించి పెద్ద వివాదానికి దారి తీయగా.. ఐదు రోజుల తర్వాత అక్టోబర్ 3, 2008న గుజరాత్‌లోని సనందలో టాటా నానో కర్మాగారాన్ని ఏర్పాటు చేస్తున్నట్లు రతన్ టాటా ప్రకటించారు.

తెలుగు వన్ఇండియా