ముంబై, ఆగస్టు 24: ఇండియా స్టాక్ మార్కెట్లు ఈరోజు నష్టాలతో ప్రారంభమయ్యాయి. ఉదయం 10 గంటల ప్రాంతంలో బాంబే స్టాక్ ఎక్సేంజ్ సెన్సెక్స్ 79 పాయింట్ల దాకా నష్టపోతూ 17, 771 పాయింట్ల వద్ద ట్రేడ్ అవుతుండగా... నిప్టీ 30 పాయింట్ల దాకా నష్టపోతూ 5,384 పాయింట్ల సమీపంలో ట్రేడ్ అవుతుంది.
ఇది ఇలా ఉంటే కింగ్ ఫిషర్ ఎయిర్ లైన్స్‌పై ఈరోజు డీజీసీఏ రిపోర్ట్ ఇవ్వనుంది. ఈ రిపోర్ట్ ప్రకారం కింగ్ ఫిషర్ ఎయిర్ లైన్స్‌ విమాన సర్వీస్ లైసెన్స్‌ను రద్దు చేసే అవకాశాలు లేవని సమాచారం.

ఇటీవల జీఎస్‌కే కన్జ్యూమర్‌పై బ్రిటానియా వేసిన కేసులో మద్రాస్ హైకోర్టు హార్లిక్స్ న్యూట్రిబిక్ ట్రేడ్ మార్కుతో బిస్కట్లను తయారీని నిలిపివేయాలని తీర్పు చెప్పింది. ఆసియా మార్కెట్లతో పాటు ప్రపంచ స్టాక్ మార్కెట్లు కూడా నష్టాల్లో ఉన్నాయి. అమెరికా స్టిముల్యస్ ప్యాకేజీ ఇవ్వాల్సినంత పరిస్దితి లేదని ఫెడ్ ప్రెసిడెంట్ జేమ్స్ బూల్లార్డ్ చెప్పడంతో అన్ని సూచీలు నష్టపోతున్నాయి.

యూరప్ మార్కెట్లలో జర్మనీ, ఫ్రాన్స్ సూచీలు ఒక శాతం దాకా కోల్పోగా.. బ్రిటన్ సూచీ ఫ్లాట్‌గా ముగిసింది. అమెరికా మార్కెట్లలో డౌజోన్స్ ఒక శాతం నష్టపోగా.. నాస్డాక్ అరశాతం నష్టపోయింది. సింగపూర్ 25 పాయింట్లకు పైగా కోల్పోతూ 5,400 పాయింట్ల సమీపంలో ట్రేడవుతోంది.

తెలుగు వన్ఇండియా