పేర్లు నమోదు చేసుకోని.. వెబ్‌సైట్ ద్వారా రుణాలు పొందండి

ఈ సంస్ద ఫౌండర్ డైరైక్టర్ వివిఎస్ఎస్‌బి శంకర్ మాట్లాడుతూ తమ వెబ్‌సైట్‌లో రుణం ఇవ్వడానికి లేదా తీసుకునేందుకు ఆసక్తి ఉన్నవారు తమ పేర్లను నమోదు చేసుకుంటే వారి వివరాలను పరిశీలించిన తర్వాత సదరు వ్యక్తులకు ఈ సమాచారం అందిస్తామని, ఇద్దరికీ అంగీకారం కుదిరితేనే రుణం ఇవ్వడం జరుగుతుందన్నారు. ఇద్దరికీ మధ్యలో ‘ఐ-లెండ్' ఒక వారధిగా మాత్రమే పనిచేస్తుందని, ఈ లావాదేవీలకు తాము ఎలాంటి బాధ్యత వహించబోమని స్పష్టం చేశారు. రూ.25,000 నుంచి గరిష్టంగా రూ.3,00,000 వరకు రుణాలను ఈ వెబ్‌సైట్ ద్వారా తీసుకోవచ్చు.

సభ్యునిగా నమోదు చేసుకున్న తర్వాత ఆ వ్యక్తి ఇచ్చిన సమాచారాన్ని పూర్తిస్థాయిలో తనిఖీ చేయడం జరుగుతుందని, ఆ తర్వాతనే వారి వివరాలను వెబ్‌సైట్‌లో పొందుపరుస్తామన్నారు. ఈ సేవలను అందిస్తున్నందుకు రుణదాతల నుంచి ఒక శాతం, స్వీకరించబోయే వారి నుంచి నాలుగు శాతం ఫీజును ‘ఐలెండ్' వసూలు చేస్తుంది. రుణం తీసుకున్న వారి బాకీలు చెల్లింపులపై ‘ఐ-లెండ్' ఎలాంటి హామీ ఇవ్వదని శంకర్ స్పష్టం చేశారు.

తెలుగు వన్ఇండియా