జూలై నెలలో టోకు ధరల ద్రవ్యోల్బణాన్ని (డబ్ల్యూపీఐ) అనుసరిస్తూ సీపీఐ కూడా తగ్గినప్పటికీ ఇది కొనసాగకపోవచ్చునని నోమురా ఫైనాన్షియల్ అడ్వయిజరీ తన అభిప్రయాన్ని తెలిపింది. వర్షాభావం కారణంగా ఆహార, సరుకుల ధరల పెరుగుతాయని స్పష్టం చేసింది. సీపీఐలో భాగమైన కూరగాయల ధరలు గతేడాది జూలై నెలతో పోలిస్తే గరిష్టంగా 27.33% ఎగశాయి. ఈ బాటలో వంట నూనెల ధరలు 17.37%, పప్పుదినుసులు, తదితర ఉత్పత్తులు 12.49% చొప్పున పెరిగాయి.

ఈ సంవత్సరం మొత్తంమీద సీపీఐ నెమ్మదించడం వరుసగా ఇది రెండోసారి. ఈ ఏడాది మే నెలలో సీపీఐ 10.36%గా నమోదుకాగా, జూన్‌లో 10.02%కు తగ్గింది. మళ్లీ ఇప్పుడు (జూలై) 9.86శాతంగా నమోదైంది.

తెలుగు వన్ఇండియా