ముంబై: రిటైల్ ఇన్వెస్టర్లకు మరింత సానుకూలంగా చర్యలను తీసుకొస్తూ సెబీ(SEBI).. మ్యూచువల్ ఫండ్ పథకాల్లో పెట్టుబడులపై కఠినతరం చేసింది. ఐపీఓ, ఎంఎఫ్ పథకాల నిబంధలకు సంబంధించి సంస్కరణలను ప్రకటించింది. ఐపీఓల్లో పెట్టుబడులకు బిడ్‌లు వేసే రిటైల్ ఇన్వెస్టర్లకు ఇకపై కనీస సంఖ్యలో షేర్లు గ్యారంటీగా దక్కేలా హామీనిచ్చింది. ప్రభుత్వం ఈ ఏడాది బడ్జెట్‌లో ప్రకటించిన రాజీవ్‌గాంధీ ఈక్విటీ సేవింగ్స్ స్కీమ్(ఆర్‌జీఈఎస్‌ఎస్) కింద ఈక్విటీ ఎంఎఫ్‌లలో పెట్టుబడి పెట్టే ఇన్వెస్టర్లకూ పన్ను ప్రయోజనాలు కల్పించాల్సిందిగా కూడా ప్రతిపాదించినట్లు సెబీ చైర్మన్ యూకే సిన్హా చెప్పారు.

దీని ద్వారా సాధారణంగా ఐపీఓల్లో బిడ్‌లు దాఖలు చేసేటప్పుడు రిటైల్ ఇన్వెస్టర్లలకు కొన్ని సందర్బాల్లో షేర్లు దొరకలేదని నిరాశపడడం లాంటి వాటిని తెరదించనున్నారు.
రిటైలర్లకు ఇకపై కచ్చితంగా మినిమం లాట్‌లో షేర్లు లభిస్తాయి. ఈమేరకు సెబీ నిర్ణయం తీసుకుంది. అదేవిధంగా ఐపీఓల్లో షేర్లకు దరఖాస్తు చేసుకునే ఇన్వెస్టర్లకు మరింత సౌలభ్యం కోసం ఎలక్ట్రానిక్ బిడ్డింగ్ విధానం(ఈ-ఐపీఓ) అందరికీ వర్తింపజేసేందుకు సెబీ బోర్డు ఆమోదం తెలిపింది.

ఇందుకోసం దేశవ్యాప్తంగా బ్రోకర్ టెర్మినల్స్ ద్వారా 1,000 ఈ-ఐపీఓ కేంద్రాలను ఏర్పాటు చేయనున్నారు. ప్రస్తుతం ఐపీఓ బిడ్డింగ్ ప్రారంభానికి 2 రోజుల ముందు ఆఫర్ ధరను కంపెనీలు ప్రకటిస్తుండగా, ఇకనుంచి 5 రోజుల ముందు ప్రకటించేలా మార్పులు చేశారు.

మ్యూచువల్ ఫండ్ పథకాల్లో పెట్టుబడుల పెట్టే మదుపరులపై రుసుముల భారం మరింత పెరగనుంది. ఇన్వెస్ట్‌మెంట్ మొత్తాలపై ఇకనుంచి సర్వీస్‌ట్యాక్స్‌లేవైనా సరే(ప్రస్తుతం 12.36%) ఇన్వెస్టర్లపైనే విధించేలా సెబీ నిర్ణయం తీసుకుంది. దీంతోపాటు జాతీయ మ్యూచువల్ ఫండ్ విధానం రూపకల్పనకు ఒక కమిటీని నియమించనున్నట్లు ప్రకటించింది.

తెలుగు వన్ఇండియా