జులైలో ద్రవ్యోల్బణం 7.25 నమోదు కాగా.. ఆగస్టులో 6.87 శాతంగా నమోదైంది. దీనిని బట్టి చూస్తే ద్రవ్యోల్బణం 0.38 శాతం తగ్గినట్లు లెక్క. మంగళవారం విడుదలైన అధికారిక గణాంకాల ప్రకారం... 2009 నవంబర్ తర్వాత ద్రవ్యోల్బణం ఇంత తక్కువ స్థాయిలో నమోదు కావడం ఇదే తొలిసారి కావడం గమనార్హం. గతేడాది ఇదే నెలలో ద్రవ్యోల్బణం రేటు 9.36 శాతంగా ఉంది. అయితే, ఆహారోత్పత్తుల ధరల రేటు మాత్రం ఇంకా రెండంకెల్లోనే కొనసాగుతుండటం కొంత ఆందోళన కలిగిస్తోంది.

జూన్‌తో పోలిస్తే జూలైలో కూరగాయల ధరల జోరు తగ్గుముఖం పట్టింది. జూన్‌లో వార్షిక ప్రాతిపదికన వీటి ధరలు 49% పెరగగా, జూలైలో 24% పెరుగుదల నమోదైంది. మొత్తం ఆహార ద్రవ్యోల్బణం రేటు కూడా 10.81% నుంచి 10.06 శాతానికి తగ్గింది. కాగా, ద్రవ్యోల్బణం శాంతించడం కొంత ఆహ్వానించదగ్గ పరిణామమే అయినప్పటికీ... 5-6% ఆమోదనీయమైన స్థాయి కంటే ఇంకా అధికంగానే ఉందని ప్రణాళికా సంఘం ఉపాధ్యక్షుడు మాంటెక్ సింగ్ అహ్లూవాలియా అభిప్రాయపడ్డారు.

తెలుగు వన్ఇండియా