కాగ్నిజెంట్ విడుదల చేసిన Q2 ఫలితాల ప్రభావం సాప్ట్ వేర్ దిగ్గజ కంపెనీలైన ఇన్ఫోసిస్, టిసిఎస్, హెచ్‌సిఎల్ టెక్నాలజీస్‌పై పడింది. వీటితో పాటు హీరో మోటార్ కార్ప్, హెచ్‌డిఎఫ్‌సి, మారుతి సుజుకి స్వల్ప నష్టాల్లో కొనసాగుతూ లూజర్స్‌గా ఉన్నాయి. ఇక ప్రపంచ స్టాక్ మార్కెట్లు ఈరోజు లాభాల్లో ఉన్నాయి. యూరో జోన్‌ రుణ సమస్యను పరిష్కరించేందుకు తగు చర్యలు తీసుకుంటారనే వార్తలు ఇన్వెస్టర్లలో కొంత నమ్మకాన్ని కలిగిస్తున్నాయి.

గత రాత్రి జర్మనీ సూచీ 0.77 శాతం, ఫ్రాన్స్‌ సూచీ 0.8 శాతం, బ్రిటన్‌ సూచీ 0.37 శాతం లాభపడ్డాయి. అమెరికా మార్కెట్లు మూడు నెలల గరిష్ఠ స్థాయిలో ఉన్నాయి. గత రాత్రి డౌజోన్స్‌ 0.16 శాతం లాభపడింది. నాస్‌డాక్‌ 0.74 శాతం పెరిగింది. ఈ ఉదయం ఆసియా మార్కెట్లలో తైవాన్‌, షాంఘై స్వల్పంగా నష్టపోతుండగా మిగిలిన సూచీలన్నీ లాభాల్లో ఉన్నాయి. జపాన్‌ సూచీ అర శాతానికి పైగా పెరుగుతోంది. సింగపూర్‌ నిఫ్టీ 10 పాయింట్ల దాకా లాభపడుతూ 5,300లకు సమీపంలో ట్రేడవుతోంది.

తెలుగు వన్ఇండియా