ముంబై, ఆగస్టు 3: 2013-14 కల్లా దేశంలోని వివిధ ప్రాంతాల్లో ప్రభుత్వ రంగ బ్యాంకులకు చెందిన 14వేల ఏటీఎంలను ఏర్పాటు చేసి, నిర్వహించే కాంట్రాక్టును దక్కిం చుకున్నట్లు టాటా కమ్యూనికేషన్స్ బ్యాం కింగ్ ఇన్‌ఫ్రాసొల్యూషన్స్ (టీసీబీఐఎల్) తెలిపింది. ఈ కొత్త కాంట్రాక్టుతో ఏటిఎమ్‌ల నిర్వహణలో దేశీయంగా అతి పెద్ద సర్వీస్ ప్రొవైడర్‌గా ఎదిగినట్లవుతుందని వివరించింది. ఈ 14వేల ఏటీఎంలలో సుమారు 5,104 ఏటీఎంలను ఆంధ్రప్రదేశ్‌లో కొత్తగా ఏర్పాటు చేస్తున్నట్లు టీసీబీఐఎల్ ప్రెసిడెంట్ సుదీప్ కుమార్ తెలిపారు.

మిగిలిన తమిళనాడు. పుదుచ్చేరి, పశ్చిమ బెంగాల్, అండమాన్ నికోబార్‌లో ఉంటాయని పేర్కొన్నారు. 21 ప్రభుత్వ రంగ బ్యాంకుల ఏటీఎంలను టీసీబీఐఎల్ రెండేళ్ల వ్యవధిలో నెలకొల్పనుంది. ఇందులో 50% ఏటీఎంలు సెమీ అర్బన్, గ్రామీణ ప్రాంతాల్లోనూ.. మిగతా 50% మెట్రోలు, పట్టణ ప్రాంతాల్లోనూ ఏర్పాటు చేస్తుంది.
ఇప్పటికే దేశంలోని 25 బ్యాంకులకు చెందిన 12,900 ఎటిఎమ్‌లను ఈ సంస్థ నిర్వహిస్తోంది.

తెలుగు వన్ఇండియా