ముంబై, ఆగస్టు 3: ఆగస్టు 3(శుక్రవారం) స్టాక్ మార్కెట్లు నష్టాలతో ప్రారంభమయ్యాయి. యూరోపియన్ సెంట్రల్ బ్యాంక్ నిండి స్టిమ్యులస్ ప్యాకేజీకి సంబంధించి ఎలాంటి వార్తలు రాకపోవడంతో ప్రపంచ వ్యాప్తంగా స్టాక్ మార్కెట్లు నష్టపోతున్నాయి. ఇక ఆసియా స్టాక్ మార్కెట్ల విషయానికి వస్తే ఈరోజు నష్టాల్లో కొనసాగుతున్నాయి. మధ్యాన్నం 12.30 గంటల ప్రాంతంలో బాంబే స్టాక్ ఎక్సేంజ్ సెన్సెక్స్ 164 పాయింట్ల దాకా కోల్పోతూ 17,060 పాయింట్ల సమీపంలో ట్రేడ్ అవుతుంది. నిప్టీ 55 పాయింట్ల దాకా కోల్పోతూ 5,172కు సమీపంలో ట్రేడ్ అవుతుంది.

ఈరోజు అన్ని సెక్టోరియల్ సూచూలు నష్టాల్లో ఉన్నాయి. పవర్, ఆటో, క్యాపిటల్ గూడ్స్ సూచీలు ఎక్కువగా కోల్పోతున్నాయి. బాంబే స్టాక్ ఎక్సేంజ్ గ్రూప్ ఏలో మణప్పరం పైనాన్స్, రిలయన్స్ పవర్, సుజ్లార్ ఎనర్జీ, ల్యాంక్ ఇన్ ఫ్రా హెచ్‌డీఐఎల్ షేర్లు 2.8 నుండి 3.8 శాతం దాకా నష్టపోయాయి. మరోవైపు టెక్ మహీంద్రా, ఒరాకిల్ పైనాన్సియల్ సర్వీసెస్, యునైటెడ్ బ్రీవరీస్, క్యాస్టోల్ ఇండియా షేర్లు ఉదయం 1 నుండి 4.5 శాతం లాభపడుతూ టాప్ గెయినర్స్‌గా ఉన్నాయి.

తెలుగు వన్ఇండియా