ముంబై, జులై 17: ప్రముఖ ఐటీ రంగ సేవల కంపెనీ మైండ్‌ట్రీ ప్రస్తుత ఆర్దిక సంవత్సరానికి గాను జూన్‌తో ముగిసిన తొలి త్రైమాసికం (Q1)లో రూ 89 కోట్ల లాభాలను ఆర్జించింది. గత యేడాది ఇదే త్రైమాసికంలో కంపెనీ రూ 34.6 కోట్లు నమోదు చేసింది. దీంతో Q1 లాభాలు రెట్టింపు అయ్యాయని కంపెనీ సిఈవో మరియు మేనేజింగ్ డైరెక్టర్ ఎమ్ క్రిష్ణకుమార్ నటరాజన్ తెలిపారు. దీనితో పాటు కంపెనీ రెవెన్యూ 36.2 శాతం వృద్దితో రూ 563 కోట్లకు చేరుకున్నాయని పేర్కోన్నాడు.

2011-12లో ఇదే కాలంలో రూ.413.1 కోట్ల రెవెన్యూ సాధించిందని కంపెనీ బీఎస్‌ఈకి తెలియజేసింది. అంతర్జాతీయ ఏర్పడిన మాంద్యంచాయలు కంపెనీకి పలు ఇబ్బందులు సృష్టిస్తున్నాయి. కంపెనీలు ఐటి రంగంపై పెట్టుబడులు తగ్గించుకుంటున్నాయని అన్నాడు. గత నాలుగు త్రైమాసికాలుగా లాభాలను పెంచుకుంటున్నామని చెప్పారు. తొలి త్రైమాసికంలో 272 మంది ఉద్యోగులను అదనంగా తీసుకున్నామని చెప్పారు. దీంతో సంస్థ మొత్తం ఉద్యోగుల సంఖ్య 10,830కి చేరిందన్నారు.

జూన్‌30, 2012 నాటికి కంపెనీకి అదనంగా 245 కస్టమర్లు వచ్చి చేరారు. ఒక మిలియన్‌ డాలర్ల కస్టమర్లు సుమారు 78 వరకు చేరారని, 10 మిలియన్‌ విలువ చేసే కస్టమర్లు ఎనిమిదికి పెరిగారని ఆయన చెప్పారు. ఇదిలా ఉండగా మైండ్‌ ట్రీ అద్భుతమైన ఫలితాలు ప్రకటించడంతో స్టాక్‌ మార్కెట్లలో దీని షేరు బీఎస్‌ఈలో ఏకంగా 5.46 శాతం పెరిగి రూ 694.15 వద్ద ముగిసింది. ఎన్‌ఎస్‌ఈలో 5.74 శాతం పెరిగి రూ 694.80 వద్ద ముగిసింది.

తెలుగు వన్ఇండియా