12వ ప్రణాళికలో 9 శాతం మేర భారత్ వృద్ధిరేటు ఉండొచ్చన్న అంచనాలను ఆధారంగా చేసుకుని ఇంతకుముందు ఈ లక్ష్యాన్ని నిర్దేశించుకున్నాం. ఇప్పుడు వృద్ధి గనుక తగ్గితే మౌలికరంగంలో పెట్టుబడి అవసరాలు కూడా తగ్గడం ఖాయం. లక్ష కోట్ల డాలర్లు అని మనమేమీ ఒక శిలాశాసనాన్ని రాసుకోలేదు. అయినా, ఇదేమీ ఉల్లంఘించడానికి వీల్లేని అంశమేమీ కాదని అన్నారు.

దీనితో పాటు ద్రవ్యోల్బణం ఇంకా అందుబాటు స్థాయిలోకి రాలేదని కాస్తా తగ్గినందుకు సంతోషమని భవిష్యత్తులోఎలా ఉంటుందో చూద్దామన్నారు. ఆర్థికమంత్రిత్వశాఖ అంచనా ప్రకారం ద్రవ్యోల్బణం బడ్జెట్‌లో అంచనా వేసిన దాని కంటే చాలా ఎక్కువగా ఉంది. వచ్చే కొన్ని నెలల్లో 7 శాతానికి దిగి రావచ్చునని అంచనా వేస్తోందని ఆయన అన్నారు. ఆహార ద్రవ్యోల్బణం ఆందోళన కలిగిస్తోందని త్వరలోనే ద్రవ్యోల్బణాన్ని సాధారణస్థాయికి తెస్తామని అన్నారు.

తెలుగు వన్ఇండియా