2010లో 20 శాతంగా వున్న ఆహార ద్రవ్యోల్బణం ప్రస్తుతం పది శాతానికి తగ్గిందని ఆయన గుర్తు చేశారు. ఈ ఆహార ద్రవ్యోల్బణం ప్రస్తుతం కొనసాగుతున్న తీరు సవ్యంగానే ఉన్నప్పటికీ ఇంకా ఎక్కువేనని అంగీకరించారు. నిత్యావసర వస్తులు, ద్రవ్యోల్బణం అదుపునకు ప్రభుత్వం దగ్గర మంత్రదండమేదీ లేదన్నారు. అనేక రకాల ద్రవ్య, ఆర్థిక చర్యల రూపంలో ద్రవ్యోల్బణాన్ని కట్టడి చేయాలన్నారు. అనేక ఇతర వర్ధమాన దేశాలతో పోల్చినపుడు భారత ద్రవ్యోల్బణం నిర్వహణ సరిగానే సాగుతోందన్నారు.

అంతర్జాతీయ రేటింగు సంస్థలు భారత్‌ రేటింగును తగ్గించడంపై మాట్లాడుతూ ఆయా రేటింగు ఏజన్సీల తప్పిదంగా కౌశిక్ బసు వ్యాఖ్యానించారు. ఇష్టపడినా లేకపోయినా ఆయా సంస్థల ప్రకటనలనూ ముఖ్యమైనవిగానే పరిగణించాలని బసు తెలిపారు. యూరో తదితర కరెన్సీల పతన భయం కారణంగానే రూపాయి విలువ తగ్గిందన్నారు. ప్రస్తుతానికి ఇన్‌ఫ్లేషన్‌ గణాంకాలు వ్యవస్థకు ప్రమాదాన్ని కలిగించే స్థాయిలో ఏమీ లేవని ఆయన అభిప్రాయపడ్డారు.

తెలుగు వన్ఇండియా