ఇక ప్రపంచ స్టాక్ మార్కెట్లన్నీ లాభాలతో కళకళలాడుతున్నాయి. ఫెడరల్ రిజర్వ్, స్టిమ్యులస్ ప్యాకేజి ఇవ్వాల్సిన పరిస్దితి ఉందనే భావనతో ఇన్వెస్టర్లు జోరుగా కొనుగోళ్లు జరుపుతున్నారు. యూరప్‌లో తయారీ రంగం మూడేళ్ల కనిష్ట స్దాయికి పడిపోయింది. యూరో జోన్‌లో ఉద్యోగాలు కోల్పోతున్న వారి సంఖ్య మే నెలలో రికార్డు స్దాయికి చేరింది. ఇలాంటి పరిస్దితి నుండి బయట పడాలంటే స్టిమ్యులస్ ప్యాకేజి తప్పదనే భావన విశ్లేషకులలో వచ్చింది.

దీంతో యూరో మార్కెట్లు బాగా లాభపడ్డాయి. యూరప్‌లో ఉన్న ప్రధాన సూచీలు సుమారుగా 1.3 శాతం లాభపడ్డాయి. అమెరికా మార్కెట్లలో నాస్ డాక్ 0.5 శాతం లాభపడగా.. డౌజోన్స్ ప్లాట్‌గా ముగిసింది. ఇక ఆసియా మార్కెట్ల విషయానికి వస్తే హాంకాంగ్ సూచీ 1.5 శాతం లాభపడుతోంది. సింగపూర్ నిప్టీ 30 పాయింట్ల దాకా లాభపడుతూ 5,320 పాయింట్ల సమీపంలో ట్రేడ్ అవుతుంది.

తెలుగు వన్ఇండియా