ఇక ప్రపంచ స్టాక్ మార్కెట్లు కూడా ఈరోజు లాభాల్లో ట్రేడ్ అవుతున్నాయి. యూరోపియన్ యూనియన్ సదస్సు నేపథ్యంలో ఇన్వెస్టర్లు కొనుగోళ్లు జరుపుతున్నారు. ఈ సదస్సులో యూరో జోన్ రుణ సమస్యకు పరిష్కార ప్రయత్నం జరుగుతుందనే ఉద్దేశ్యంతో మార్కెట్లు పెరుగుతున్నాయి. యూరోప్ మార్కెట్లు ఒకటిన్నర శాతం దాకా లాభపడ్డాయి. అమెరికా మార్కెట్లు 0.7 శాతం పెరగగా.. దక్షిణ కొరియా, షాంఘై సూచీలు మాత్రం నష్టాల్లో కొనసాగుతున్నాయి.

ర్యాన్ బ్యాక్సీ పై సండూజ్ ఒక పిటీషన్ దాఖలు చేసింది. నెక్సియం ఔషధం జనరిక్ వెర్షన్‌కు ఇచ్చిన అనుమతిని వెనక్కు తీసుకోవాలని ఈ పిటీషన్లో ఎఫ్‌డీఎని కోరింది. యూరియా ఉత్పత్తి కోసం రూ 40 వేల కోట్ల పెట్టుబడులను ఆహ్వానించేందుకు కేంద్రం ఒక పాలసీని రూపొందించింది. యాక్సిస్ బ్యాంకు, యెస్ బ్యాంకుల్లో ఉన్న 245 కోట్లు రూపాయల షేర్లను అమ్మేందుకు హెచ్‌ఎస్‌బిసీ సిద్దమైంది.

తెలుగు వన్ఇండియా