దీని ప్రభావం ఎలా ఉన్నప్పటికీ.. రూపాయి మాత్రం రోజు రోజుకీ పతనమవుతుంది. నిన్న 56 రూపాయలు 57 పైసల వరకు వెళ్లి 56 రూపాయల 30 పైసల వద్ద ముగిసింది. ఈరోజు ప్రారంభంలో మరో కొత్త రికార్డు సృష్టించింది. 60 పైసల దాకా పతనమై 56 రూపాయల 89 పైసలకు పడిపోయింది. ప్రస్తుతం 56.86కు సమీపంలో ట్రేడవుతోంది. ఆసియాలో ఇంత దారుణంగా పడుతున్న కరెన్సీ మరొకటి లేదు. అంతర్జాతీయ ఆర్థిక ప్రతికూల ఉండటం మన రూపాయి కష్టాలకు కారణమని విశ్లేషకులు అభిప్రాయపడుతున్నారు.

డాలర్‌ ఇండెక్స్‌ 82 పైన ఉండటంతో భారత్‌లాంటి వర్థమాన దేశాల కరెన్సీల తిరోగమనంలో వెళుతున్నాయి. అత్యంత ఎక్కువగా పతనమవుతున్న కరెన్సీల్లో రూపాయి ముందు వరుసలో ఉండటం ఆందోళన కలిగిస్తోంది. వచ్చే రెండు మూడు నెలల్లో 58 దాకా వెళుతుందని కొందరు అనలిస్టులు అంచన వేస్తున్నారు. రూపాయి ఎంతగా బలహీనపడితే దేశ ఆర్థిక వ్యవస్థ అంతగా ఇబ్బందుల్లో వెళుతుంది. ఎందుకంటే మన దేశం ఎగుమతి చేసే వస్తువుల కంటే దిగుమతి చేసుకునే వస్తువులు ఎక్కువగా ఉండటం ఇందుకు కారణం అంటున్నారు.

తెలుగు వన్ఇండియా