ముంబై, జూన్ 20: పాలసీ రేట్లను తగ్గించకుండా యథాతథంగా ఉండచడంపై విమర్శలు వెల్లువెత్తున్న నేపథ్యంలో తమ నిర్ణయాన్ని రిజర్వ్ బ్యాంక్ గవర్నర్ దువ్వూరి సుబ్బారావు హైదరాబాద్‌లోని ఏఎస్‌సీఐలో ఏర్పాటైన 'రోజువారీ జీవితంపై ఆర్ బిఐ ప్రభావం' కార్యక్రమంలో మాట్లాడుతూ సమర్దించుకున్నారు. మే నెలకు సంబంధించి ద్రవ్యోల్బణం ఒక మోస్తారుగా పెరిగి 7.55 శాతానికి చేరడం, ఈ నెల 18న ఆర్ బిఐ మధ్యంతర త్రైమాసిక పరపతి విధాన సమీక్షల తరుణంలో దువ్వూరి వ్యాఖ్యలు ప్రాముఖ్యాన్ని సంతరించుకున్నాయి.

ప్రస్తుత ద్రవ్యోల్బణ ఆమోద యోగ్యంగా లేదని, నిలకడైన అభివృద్దిని సాధించేందుకు కఠిన పరపతి విధానం అవసరమని ఆయన చెప్పారు. ద్రవ్యోల్బణాన్ని తక్కువ స్తాయిలో, స్దిరంగా ఉంచడం ద్వారా మధ్యకాలికంగా వృద్దికి ఊతమివ్వాలనేది తమ ఉద్దేశమని తెలిపారు. దేశంలో 1991 నాట పరిస్దితి తిరిగి నెలకొంటుందా అని కొందరు ప్రశ్నించగా.. నాటి చెల్లింపుల సంక్షోభం పువరావృతం కాదనే చెబుతున్నాం. అప్పటిలో రూపాయి విలువ వాస్తవ పరిస్దితిల కన్నా అధికంగా, విదేశీ మారక నిల్వలు కొన్ని వారాలకు సరిపడా మాత్రమే ఉన్నాయి.

ప్రస్తుతం 285 బిలియన్ డాలర్ల మేరకు విదేశీ మారక ద్రవ్య నిల్వలు ఉన్నాయి. ప్రస్తుతం రూపాయి విలువను మార్కెట్లు నిర్ణయిస్తున్నాయి. అప్పట్లో ఈ పరిస్దితి లేదని స్పష్టం చేశారు. పరపతి విధానంపై నిర్ణయం తీసుకునే ముందు తాము ద్రవ్యోల్బణానికి సంబంధించిన అన్ని సూచీలను పరిశీలిస్తాని అన్నారు. అనవసరంగా ఆందోళన చేస్తూ.. మమ్మల్ని విమర్శించే వారు ఆయా సూచీలను కూడా తెలుసుకుంటే మంచిదన ఘాటుగా స్పందించారు.

తెలుగు వన్ఇండియా