ముంబై, జూన్ 18: ఈరోజు ప్రకటించిన మానిటరీ పాలసీ రివ్యూ ప్రకారం రిజర్వ్ బ్యాంక్ ఆఫ్ ఇండియా, మార్కెట్లు మరియు పరిశ్రమలకు ఒక పెద్ద షాక్ నిచ్చింది. ఆ షాక్ ఏమిటంటే రిజర్వ్ బ్యాంక్ ఆఫ్ ఇండియా రెపో రేట్లు మరియు క్యాష్ రిజర్వ్ నిష్పత్తి మార్పులేకుండా నిర్ణయం తీసుకుంది. RBI తీసుకున్న ఈ నిర్ణయంతో స్టాక్ మార్కెట్లు ఒక్కసారిగా అల్లకల్లోలం అవడానికి కారణమైంది. అదృష్టవశాత్తూ, RBI వ్యవస్థ లోకి కొన్ని లిక్విడిటీ దృఢంగా చొప్పించుకొని ఉండడం వల్ల ఓపెన్ మార్కెట్ ఆపరేషన్స్ కొనసాగించటానికి అవకాశం ఉంది.

ఆర్దిక వేత్తలు, విశ్లేషకులు మాత్రం రెపో రేటులో 25 బేసిస్ పాయింట్లు కట్ చేసి అదే విధంగా CRR రేటులో కూడా కట్ చేస్తే బాగుంటుందని ఎదురు చూస్తున్నారు. ఐతే RBI మాత్రం అభివృద్ధి మరియు ద్రవ్యోల్బణం,, ద్రవ్యోల్బణం వైపు వంగి ఉండడాన్ని దృష్టిలో పెట్టుకోని రెండింటిని బ్యాలెన్స్ చేసేందుకు గాను రేట్స్‌ ఎటువంటి మార్పులు చేయలేదు. వడ్డీ రేట్లను తగ్గిస్తుందని అంచనా వేస్తూ వచ్చిన పరిశీలకులను ఆశ్చర్యపరుస్తూ రిజర్వ్ బ్యాంకు గవర్నర్ దువ్వూరి సుబ్బారావు మానిటరీ పాలసీ విధానాన్ని ప్రకటించారు.

రెపోరేటులో గానీ, CRR రేటులో గానీ ఎలాంటి మార్పు చేయలేదు. రెపో రేటును 8 శాతం వద్దే ఉంచారు. క్యాష్ రిజర్వ్ నిష్పత్తిని 4.75 శాతం వద్ద ఉంచారు. ప్రస్తుత పరిస్దితుల్లో వడ్డీ రేట్లు తగ్గిస్తే ద్రవ్యోల్బణం పెరిగిపోతుందని రిజర్వ్ బ్యాంకు అభిప్రాయపడింది. రిజర్వ్ బ్యాంకు నిర్ణయంతో సెన్సెక్స్ 150 పాయింట్ల లాభం నుండి 150 పాయింట్ల నష్టానికి చేరుకుంది. నిప్టీ ప్లస్ 50 నుండి మైనస్ 50లోకి వెళ్లింది. వడ్డీ రేట్లు ఎక్కువగా ఉండడం వల్ల పారిశ్రామికోత్పత్తి మైనస్ లోకి వెళుతోంది.

తెలుగు వన్ఇండియా