విజయ్ దేవకొండ-రష్మిక పెళ్లి.. ఇప్పుడు అంతా వారు ధరించిన బంగారు అభరాణల గురించే చర్చ..

Vijay Deverakonda-Rashmika Mandanna వివాహం ఫిబ్రవరి 26, 2026న ఉదయపూర్‌లో ఘనంగా జరిగిన సంగతి విదితమే. ఈ పెళ్లి సంప్రదాయ పెళ్లిళ్లకు భిన్నంగా హై-ఫ్యాషన్, వారసత్వ వైభవాన్ని ఒకేసారి ప్రతిబింబించింది. సాధారణంగా పెళ్లిళ్లలో కనిపించే తొందర, హడావుడి కాకుండా.. ఇద్దరూ కొత్త పద్దతికి తెరలేపారు. పెళ్లి రోజు అందర్నీ ఆకర్షించింది వారి బంగారు ఆభరణాలు.

మాంగ్ టిక్కా, ఆర్మ్ కఫ్స్, నడుము బెల్ట్‌లు, చీలమండల వరకు.. ఈ జంట ధరించిన ఆభరణాలు కేవలం అలంకరణగా కాకుండా, ఒక సాంస్కృతిక ప్రకటనలా నిలిచాయి. కిలోల బంగారంతో, సంప్రదాయ నక్షి పనితో రూపొందిన ఈ ఆభరణాలు.. ఆధునిక మినిమలిజం యుగంలో ఒక ధైర్యమైన స్టైల్ ఎంపికగా మారాయి. హైదరాబాద్‌కు చెందిన Sri Jewellers మేనేజింగ్ డైరెక్టర్లు అభిషేక్ అగర్వాల్, కౌశిక్ కుమార్ మాట్లాడుతూ.. ఈ పెళ్లి తమకు భావోద్వేగపరంగా కూడా ప్రత్యేకమైన అనుభవమని తెలిపారు. వారిని వ్యక్తిగతంగా తెలుసుకోవడం, వారి జీవితంలోని ముఖ్యమైన క్షణంలో భాగం కావడం మా కోసం గౌరవయని వారు ఎన్టీటీవి ఇంటర్య్వూలో తెలిపారు.

విజయ్ తనను తాను మినిమల్ వరుడిగా చూపించలేదు. బదులుగా ఆయన గరిష్ట అలంకరణను ఒక స్టేట్‌మెంట్‌గా మలిచారు. నాణెం పరిమాణంలో ఉన్న చెవిపోగులు, చారిత్రక సినిమాల నుంచి వచ్చినట్లున్న మణికట్టు కఫ్స్, రెండు పొరల నెక్లెస్‌లు.. ఇవన్నీ కలిసి ఆయన లుక్‌ను రాజసంగా తీర్చిదిద్దాయి. ఏనుగు, పులి మోటిఫ్‌లు జ్ఞానం, శక్తి, చురుకుదనాన్ని సూచించగా, లోతైన నక్షి చెక్కడం ఆభరణాలకు శిల్పకళా బరువును యాడ్ చేసింది. వరుడు ధరించిన చీలమండ కడాలు, సంప్రదాయ వివాహాల్లో అరుదుగా కనిపించే అంశం కావడం విశేషం.

పెళ్లికి డబ్బులు లేవని బాధపడకండి, ఈ బ్యాంక్‌ మీకు రూ.50 లక్షల వరకు రుణం ఇస్తుంది

రష్మిక వివాహ ఆభరణాలు ఆమె మూలాలను గౌరవించడమే కాకుండా.. ఒక సమకాలీన భారతీయ తారగా ఆమె గుర్తింపును ప్రతిబింబించాయి. దక్షిణ భారత ఆలయ వాస్తుశిల్పం నుంచి ప్రేరణ పొందిన ఈ డిజైన్‌లలో హై-రిలీఫ్ నక్షి వర్క్, సున్నితమైన రవ్వ గ్రాన్యులేషన్ కనిపించింది. ఆమె మొత్తం 11 ఆభరణాలను ధరించారు.. అవేంటంటే హరామ్‌లు, ఝుమ్కాలు, జడ బిల్లా, మఠపట్టి, హత్ఫూల్, ముక్కుపిన్, బాజుబంద్, నడుము బెల్ట్, చీలమండలతో పొరలుగా ఉన్న చోకర్ వరకుఉన్నాయి. పురాతన మాట్టే పాలిష్‌తో పూర్తి చేసిన ఈ ఆభరణాలు, వారసత్వ సంపదలా తరాలకు అందేలా రూపొందించబడ్డాయి.

ఈ వైరల్ ఆభరణాల వెనుక ఉన్న ప్రయాణం సుమారు 10 నెలలు సాగింది. కాన్సెప్ట్ డిజైన్ నుంచి అనేక చర్చలు, అనుకూలీకరణ, ఉత్పత్తి, ట్రయల్స్ వరకు ప్రతి దశలో కళాకారుల చేతి పనితనం ప్రతిబింబించింది. రష్మికను జీవంత దేవతగా, విజయ్‌ను సార్వభౌమ రాజుగా ఊహించి రూపొందించిన ఈ ఆభరణాలు, చివరికి ఇంటర్నెట్‌ను షేక్ చేసి కొత్త వివాహ ట్రెండ్‌లకు దారితీశాయి.