దాచుకున్న డబ్బుతో స్టార్ట్ చేసిన బిజినెస్.. వామ్మో రోజుకు ఇన్ని వేల ఆదాయమా..?

ఉద్యోగం మానేసి వ్యాపారంలో అడుగు పెడుతున్నవారు ఈ రోజుల్లో చాలా మంది ఉన్నారు. అయితే సరైన ఆలోచనతో బిజినెస్ స్టార్ట్ చేస్తే ప్రతిరోజు మంచి సంపాదన వస్తుంది. అంతేకాదు వ్యాపారాన్ని పెంచుకుంటే వెళ్తే ఇంకా ఎక్కువ రాబడి పొందిచ్చు. ఉద్యోగం వద్దు వ్యాపారం ముద్దు అనే పాలసీని పాటించే వారిలో యువతనే ఎక్కువగా ఉంది. ఎందుకంటే మన దేశంలో స్టార్ట్ అప్స్ కి మంచి ఆదరణ ఉంది.

ఉద్యోగం చేస్తే ప్రతినెల జీతం వస్తుంది, అది కూడా నెలంతా ఖర్చులకే సరిపోతుంది. కాని తెలివైన వ్యాపారంలో ఒక్కసారి పెట్టుబడి పెట్టి బిజినెస్ స్టార్ట్ చేస్తే తరువాత లాభాలు వాటంతట అవే వస్తాయి. అలంటి బిజినెస్ ద్వారా సక్సెస్ అయిన వారిలో రాజన్న సిరిసిల్ల జిల్లా యువకుడు ఒకడు. రాజన్న సిరిసిల్ల జిల్లా చందుర్తి మండలం సనుగుల గ్రామానికి చెందిన పల్లి మనోజ్ అనే 23 ఏళ్ల యువకుడు సొంత ఊర్లో ఉపాధి లేక గల్ఫ్ వెళ్ళాడు. అక్కడ 9 నెలలు మాత్రమే ఉపాధి ఉండడంతో మళ్లీ సొంతురికి వచ్చేసాడు. చిన్నప్పటి నుంచే ఒక మంచి హోటల్ పెట్టి సక్సెస్ కావాలనే ఆలోచన, కోరిక ఉండేదని మనోజ్ చెప్పారు.

గల్ఫ్ నుండి 9 నెలలకే తిరిగివచ్చిన మనోజ్ మనసులో ఎలా ఆయిన బిజినెస్ చేయాలనీ బలంగా అనుకున్నాడు. ఈ క్రమంలోనే హైదరాబాద్ మహానగరంలోని పలు రెస్టారెంట్లలో 2 సంవత్సరాల పాటు పని చేసి టేస్టీ ఫుడ్ తయారు చేసే మెలుకువలన్నీ నేర్చుకొని పని మొదులు పెట్టినట్లు మనోజ్ తెలిపారు.

తన దగ్గర సేవింగ్స్ చేసుకున్న డబ్బుతో సొంత ప్రాంతమైన వేములవాడ పట్టణంలోని కోరుట్ల బస్టాండ్ ప్రాంతంలో 'మాధురి కేఫ్' పేరుతో వ్యాపారాన్ని ఏర్పాటు చేసుకున్నాడు. కేవలం రూ.2లక్షల 20 వేల పెట్టుబడితో బిజినెస్ స్టార్ట్ చేస్తే ఇప్పుడు రోజుకు సుమారు రూ.3500 నుంచి రూ.4 వేల వరకు గిరాకీ ఉంటున్నట్లు మనోజ్ అన్నారు. తన దగ్గర ఒక్కసారి వచ్చి శాండ్విచ్,బర్గర్,పిజ్జాలు టెస్ట్ చూస్తే..మీరే మళ్ళీ మళ్ళీ 'మాధురి కేఫ్' కు వస్తారనే చెబుతున్నాడు మనోజ్. స్పెషల్ ఆర్డర్ మీద కూడా పిజ్జా,బర్గర్,శాండ్విచ్,పావ్ బజ్జి తయారు చేసి ఇస్తానని కూడా చెప్పారు.

చదువు విషయంలో ఇంటర్మీడియట్ పూర్తి చేసి డిగ్రీ మధ్యలోనే ఆపివేసి..హోటల్ మేనేజ్మెంట్ చేసి ఫుడ్ బిజినెస్ ఉపాధిగా మార్చుకొని 'మాధురి కేఫ్' ఏర్పాటు చేసి, పట్టణంలో కస్టమర్స్ టెస్ట్ కి అనుగుణంగా తయారు చేసి సకాలంలో అందిస్తున్నట్లు మనోజ్ చెప్పారు. టెస్ట్ చూసిన కస్టమర్స్ చాలా బాగుందని మెచ్చుకున్నారని కూడా తెలిపారు. ఈ కేఫ్‌ను మరింత సక్సెస్ చేసి మిగతా ప్రాంతాల్లో కూడా..ఫ్రాంచైజ్ లాగా ఇచ్చేందుకు ప్లాన్స్ ఉన్నట్లు మనోజ్ వివరించారు.