Tata Capital IPO: రూ. 15 వేల కోట్లు టార్గెట్‌.. టాటా క్యాపిటల్ ఐపీఓ ప్రస్తుత పరిస్థితి ఇదే..

టాటా గ్రూప్‌కు చెందిన ప్రముఖ ఆర్థిక సేవల సంస్థ టాటా క్యాపిటల్ ఐపీఓ ప్రారంభమైంది. అక్టోబర్ 8 వరకు పెట్టుబడిదారులు ఈ కంపెనీ షేర్ల కోసం బిడ్ చేయవచ్చు. ఈ ఐపీఓ మొత్తం విలువ రూ.15,511 కోట్లు. దీనిలో షేర్ల ధర ఒక్కో షేరుకు రూ.310 నుండి రూ.326గా నిర్ణయించారు. ఈ ఐపీఓలో రూ.6,846 కోట్ల విలువైన కొత్త షేర్లు జారీ చేయనుంది కంపెనీ. అలాగే, ప్రస్తుత వాటాదారులు రూ.8,665 కోట్ల విలువైన షేర్లను ఆఫర్ ఫర్ సేల్ (OFS) కింద విక్రయిస్తారు. కంపెనీ షేర్లను అక్టోబర్ 13న స్టాక్ మార్కెట్లో జాబితా చేయవచ్చు.

Tata Capital IPO ప్రారంభమైన గంటలో ఇష్యూ 17 శాతం మాత్రమే సబ్‌స్క్రైబ్ అయింది. మొత్తం 33.34 కోట్ల షేర్ల ఆఫర్‌కు గాను కేవలం 5.58 కోట్ల షేర్లకు మాత్రమే బిడ్‌లు వచ్చాయి. మూడు రోజుల పాటు ఐపీఓ అందుబాటులో ఉంటుంది. బుధవారం నాడు క్లోజ్ అవుతుంది. ఈ ఇష్యూ BSE, NSE రెండింటిలోనూ జాబితా చేసింది కంపెనీ. ఈ ఏడాది వచ్చిన అది పెద్ద IPO ఈవెంట్‌లలో ఒకటిగా నిలిచింది టాటా క్యాపిటల్ ఐపీఓ. గత సంవత్సరం హ్యుందాయ్ మోటార్ ఇండియా రూ.27,859 కోట్ల IPO జారీ చేసింది. దాని తర్వాత వచ్చిన అతిపెద్ద IPO ఇదేనని చెప్పుకోవచ్చు.

కాగా స్టాక్ మార్కెట్లోకి అందుబాటులోకి రాకముందే ఈ IPO దుమ్మురేపింది. టాటా క్యాపిటల్ అక్టోబర్ 3న ఏకంగా 135 యాంకర్ పెట్టుబడిదారుల నుండి దాదాపు రూ.4,641.8 కోట్లు సమీకరించింది. వీటిలో, లైఫ్ ఇన్సూరెన్స్ కార్పొరేషన్ (LIC) అతిపెద్ద యాంకర్ పెట్టుబడిదారుగా నిలిచిందని కంపెనీ ఎక్స్ఛేంజ్ ఫైలింగ్ తెలిపింది.

LICతో పాటుగా మోర్గాన్ స్టాన్లీ, గోల్డ్‌మన్ సాచ్స్, నార్వే సావరిన్ వెల్త్ ఫండ్ వంటి ప్రసిద్ధ సంస్థలు ఉన్నాయి. తాజా సమాచారం ప్రకారం చూసుకున్నట్లయితే టాటా క్యాపిటల్ IPO షేర్లు ఈరోజు స్టాక్ మార్కెట్లో రూ.9 ప్రీమియంతో ట్రేడవుతున్నాయి. ఈ ధర ఎగువ ధర బ్యాండ్ కంటే దాదాపు 3 శాతం ఎక్కువ అని చెప్పవచ్చు. అయితే ఇది GMP అధికారిక లిస్టింగ్ ధర కాదని, మార్కెట్ సెంటిమెంట్ ఆధారంగా హెచ్చుతగ్గులకు లోనవుతుందని అర్థం చేసుకోవాల్సి ఉంటుంది.

టాటా క్యాపిటల్ IPO ప్రారంభ రోజు ఇప్పటివరకు 0.19 రెట్లు సబ్‌స్క్రిప్షన్ పొందింది. మొదటి రోజు అర్హత కలిగిన సంస్థాగత కొనుగోలుదారులు (QIB) 0.29 రెట్లు, రిటైల్ 0.17 రెట్లు, నాన్-ఇన్‌స్టిట్యూషనల్ ఇన్వెస్టర్లు (NII) 0.11 రెట్లు సబ్‌స్క్రయిబ్ చేశారు. రిటైల్ భాగంలో కనీసంగా 46 షేర్లకు దరఖాస్తు చేయవచ్చు, అంటే రూ. 14,996 పెట్టుబడితో ప్రారంభం చేయవచ్చు.

తక్కువగా NII పెట్టుబడితో రూ. 2 లక్షలతో 644 షేర్ల 14 లాట్లు, ఇక పెద్ద NII రూ. 10 లక్షలతో 3,082 షేర్ల 67 లాట్లు గా ఇన్వెస్ట్ చేయవచ్చు IPOకి ముందు, టాటా సన్స్ కంపెనీలో 88.6 శాతం వాటాను కలిగి ఉండగా, IFC 1.8 శాతం వాటా కలిగి ఉంది. OFSలో టాటా సన్స్ 23 కోట్ల షేర్లను, IFC 3.58 కోట్ల షేర్లను విక్రయించనుంది. దీని అర్థం, IPOలో ఎక్కువ భాగం తాజా మూలధన ఇన్ఫ్యూషన్ కంటే ప్రస్తుత వాటాదారుల నిష్క్రమణకు వెళ్తుంది.

మార్చి 31, 2025తో ముగిసిన సంవత్సరానికి, టాటా క్యాపిటల్ మొత్తం ఆదాయం రూ. 28,370 కోట్లు, పన్ను తర్వాత లాభం రూ. 3,655 కోట్లు, EBITDA రూ. 20,338 కోట్లు, నికర విలువ రూ. 32,588 కోట్లు. కంపెనీ భారతదేశం అంతటా 1,516 శాఖలతో విస్తరించి ఉంది. 97 శాతం రుణాల కోసం డిజిటల్ చానెల్స్ ఉపయోగిస్తూ, FY25లో ప్రతి షేరు ఆదాయం రూ. 9.3గా నమోదు చేసింది. నికర NPA 0.98%ని నిర్వహించింది.

టాటా క్యాపిటల్ విస్తృత ఉత్పత్తి పోర్ట్‌ఫోలియో కలిగి ఉంది, ఇందులో రిటైల్, SME, హౌసింగ్, కార్పొరేట్ ఫైనాన్స్, సంపద, నిధి నిర్వహణ వ్యాపారాలు ఉన్నాయి. కంపెనీ పెట్టుబడిదారులకు IPOని దీర్ఘకాలిక పెట్టుబడి అవకాశంగా పరిగణించవచ్చు. NBFC రంగం FY19లో రూ. 23 లక్షల కోట్ల నుండి FY25లో రూ. 48 లక్షల కోట్ల AUMతో 13.2% CAGRతో పెరిగింది.

FY25-FY28 మధ్య, NBFC క్రెడిట్ 15-17% CAGR, రిటైల్ క్రెడిట్ 14-16% CAGR పెరుగుతుందని అంచనా. IPO ద్వారా సేకరించిన నిధులను ప్రధానంగా టైర్-1 మూలధన స్థావరాన్ని బలోపేతం చేయడానికి ఉపయోగిస్తారు, RBI నియంత్రణ అవసరాలను తీర్చడానికి, రుణాలు, ఇతర వ్యాపారాల వృద్ధికి మద్దతుగా ఉంటుంది.

ఈ కంపెనీ టాటా మోటార్ ఫైనాన్స్ కొనుగోలు చేసి ప్రయాణీకులు, వాణిజ్య వాహన ఫైనాన్సింగ్ విభాగంలో ఉనికిని పెంచుకుంది. భౌతిక ఫుట్‌ప్రింట్, డిజిటల్ చానెల్స్ ద్వారా టాటా క్యాపిటల్ మార్కెట్ వాటాను మెరుగుపరచడం లక్ష్యంగా పెట్టుకుంది. FY23-FY25లో లోన్ బుక్ 37% CAGR, NII 42%, PPoP 33.2% CAGRతో పెరిగింది. ఏదేమైనా టాటా క్యాపిటల్ IPO పెట్టుబడిదారులకు విశ్వసనీయ వృద్ధి, బలమైన ఫైనాన్షియల్ ప్రొఫైల్స్, విస్తృత మార్కెట్ ఉనికిని కలిగిన ద్రవ్య పెట్టుబడి అవకాశాన్ని అందిస్తుందని చెప్పవచ్చు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి