ఈ షేర్స్ పై మీరు ఓ లుక్కేయండి.. ఇన్వెస్టర్లకి లాభాలు కురిపిస్తున్న స్టాక్స్..

గత రెండు రోజుల్లో స్టాక్ మార్కెట్ ఊహించని రీతిలో మలుపు తిరిగింది. అమెరికా సుంకాల భయాలు వెంటాడుతున్న సమయంలో స్టాక్ ఏప్రిల్ 2న లాభాల్లో ముగియగా నిన్న ఇన్వెస్టర్ల సెంటిమెంట్ దెబ్బతీస్తూ కటష్ అయ్యింది. ఈ సమయంలో ఫార్మ్స్ షేర్స్ మాత్రం జోరందుకున్నాయి. అమెరికా అధ్యక్షుడు డోనాల్డ్ ట్రంప్ నిన్న వివిధ దేశాల పై ప్రతీకార సుంకాలు ప్రకటించాక భారత స్టాక్ మార్కెట్ గురువారం నష్టాలతో ముగిసింది. ట్రేడింగ్ ముగిసే సమయానికి సెన్సెక్స్ 322 పాయింట్లు అంటే 0.42 శాతం తగ్గి 76,295 వద్ద, నిఫ్టీ 82 పాయింట్లు తగ్గి 23,250 వద్ద ముగిశాయి. డొనాల్డ్ ట్రంప్ విధించిన ప్రతీకార సుంకాలే మార్కెట్ పతనానికి కారణమని ఇన్వెస్టర్లు, నిపుణులు భావిస్తున్నారు.

లార్జ్‌క్యాప్‌లకు భిన్నంగా మిడ్‌క్యాప్‌లు, స్మాల్‌క్యాప్‌లలో కొనుగోళ్లు కనిపించాయి. నిఫ్టీ మిడ్‌క్యాప్ 100 ఇండెక్స్ 108 పాయింట్లు అంటే 0.21 శాతం పెరిగి 52,162 వద్ద ముగిసింది, నిఫ్టీ స్మాల్‌క్యాప్ 100 ఇండెక్స్ 93 పాయింట్లు అంటే 0.58 శాతం పెరిగి 16,255 వద్ద ముగిసింది. సెక్టార్ల వారీగా చూస్తే PSU బ్యాంక్, ఫార్మా, FMCG, మీడియా, ఎనర్జీ, ప్రైవేట్ బ్యాంక్, కమోడిటీస్ సూచీలు లాభాల్లో ముగిశాయి. ఆటో, ఐటీ, ఫైనాన్షియల్ సర్వీసెస్ అత్యధికంగా నష్టపోయాయి. మార్కెట్ సెంటిమెంట్ సానుకూలంగా ఉంది. బాంబే స్టాక్ ఎక్స్ఛేంజ్ (BSE)లో, 2,813 స్టాక్‌లు లాభాలతో ముగిశాయి, 1,169 స్టాక్‌లు నష్టాలతో ముగిశాయి ఇంకా 141 స్టాక్‌లలో ఎటువంటి మార్పులు లేకుండా ముగిశాయి.

ఏ షేర్లు పెరిగాయి, ఏవి తగ్గాయి : సెన్సెక్స్ ప్యాక్‌లో పవర్ గ్రిడ్, సన్ ఫార్మా, అల్ట్రాటెక్ సిమెంట్, ఎన్‌టిపిసి, ఆసియన్ పెయింట్స్, నెస్లే, ఇండస్‌ఇండ్ బ్యాంక్, టైటాన్, యాక్సిస్ బ్యాంక్, ఎస్‌బిఐ, అదానీ పోర్ట్, హెచ్‌యుఎల్ అత్యధికంగా లాభపడ్డాయి. టీసీఎస్, టెక్ మహీంద్రా, హెచ్‌సీఎల్ టెక్, ఇన్ఫోసిస్, టాటా మోటార్స్, బజాజ్ ఫైనాన్స్, కోటక్ మహీంద్రా బ్యాంక్ అత్యధికంగా నష్టపోయాయి.

ఈ షేర్లలో కనిపించనున్న కొనుగోలు : వర్ధమాన్ టెక్స్‌టైల్స్, తేజస్ నెట్‌వర్క్స్, ట్రైడెంట్, జూబిలెంట్ లైఫ్, రేమండ్, ఇప్కా ల్యాబ్స్, ఐడిఎఫ్‌సి ఫస్ట్ బ్యాంక్ వంటి స్టాక్‌లు బలమైన కొనుగోళ్లను చూస్తున్నాయి. 72కి పైగా స్టాక్‌లు వాటి 52 వారాల గరిష్ట స్థాయిని దాటాయి. ఇది ఈ స్టాక్‌లలో పెరుగుదలను సూచిస్తుంది.

ఈ స్టాక్‌లలో మాంద్యం సంకేతాలు: పెర్సిస్టెంట్ సిస్టమ్స్, కోఫోర్జ్, కెపిఐటి టెక్నాలజీస్, డాబర్ ఇండియా, కెఇసి ఇంటర్నేషనల్, టిమ్కెన్ ఇండియా, జెన్సార్ టెక్నాలజీస్ లకు ఎంఎసిడి బేరిష్ సిగ్నల్ ఇచ్చింది. అంటే ఇప్పుడు ఈ షేర్లలో క్షీణత ప్రారంభమైంది.

Disclaimer: The recommendations made above are by market analysts and are not advised by either the author, nor Greynium Information Technologies or GoodReturns. The author, nor the brokerage firm nor GoodReturns would be liable for any losses caused as a result of decisions based on this write-up. Goodreturns.in advises users to consult with certified experts before making any investment decision.