Stock Market: భారీ లాభాల్లో ప్రారంభమైన స్టాక్ మార్కెట్లు.. రాణించిన ఐటీ షేర్లు..!

సెప్టెంబర్ 4 శుక్రవారం భారతీయ ఈక్విటీ సూచీలు లాభాలతో ప్రారంభమయ్యాయ. ప్రారంభ ట్రేడింగ్‌లో బీఎస్ సెన్సెక్స్ 500 పాయింట్లకు పైగా పెరిగింది. ఎన్ఎస్ఈ నిఫ్టీ 50 కూడా లాభాలతోనే ప్రారంభమైంది. ఉదయం 9:15 గంటలకు సెన్సెక్స్ 504.16 పాయింట్లు పెరిగి 76,657.02 వద్ద ట్రేడవుతోంది. నిఫ్టీ 56.80 పాయింట్లు పెరిగి 23,930.25 వద్ద కొనసాగుతోంది. ప్రారంభ ట్రేడింగ్‌లో ఇన్ఫర్మేషన్ టెక్నాలజీ (IT) షేర్లు అత్యుత్తమ పనితీరు కనబరిచాయి. నిఫ్టీ IT సూచీ 1.27 శాతం పెరిగి 31,230.20కి చేరింది. నిఫ్టీ మిడ్‌క్యాప్ IT కూడా 1.07 శాతం లాభపడింది.

నిఫ్టీ 50 షేర్లలో విప్రో అత్యధికంగా 1.25 శాతం పెరిగి రూ. 177.91కి చేరింది. ట్రెంట్ 1.12 శాతం లాభపడగా, ఇంటర్‌గ్లోబ్ ఏవియేషన్ (ఇండిగో) 1.05 శాతం పెరిగింది. రిలయన్స్ ఇండస్ట్రీస్ 0.94 శాతం, HDFC లైఫ్ 0.80 శాతం, జియో ఫైనాన్షియల్ సర్వీసెస్ 0.76 శాతం, ఇన్ఫోసిస్ 0.73 శాతం లాభపడ్డాయి. HDFC బ్యాంక్ 0.71 శాతం పెరగ్గా TCS 0.66 శాతం పెరిగింది. బజాజ్ ఆటో, డాక్టర్ రెడ్డీస్ లాబొరేటరీస్, శ్రీరామ్ ఫైనాన్స్, బజాజ్ ఫైనాన్స్, టెక్ మహీంద్రా, భారత్ ఎలక్ట్రానిక్స్ లాభాల్లో కొనసాగుతున్నాయి. ప్రారంభ ట్రేడింగ్‌లో నిఫ్టీ ఆటో సూచీ 0.31 శాతం తగ్గింది. నిఫ్టీ FMCG 0.17 శాతం క్షీణించగా, నిఫ్టీ ఫార్మా 0చ16 శాతం, నిఫ్టీ హెల్త్‌కేర్ 0.17 శాతం తగ్గాయి.

నిఫ్టీ కన్స్యూమర్ డ్యూరబుల్స్ సూచీ 0.57 శాతం తగ్గి, రంగాల వారీగా అత్యధిక నష్టాన్ని చవిచూసింది. నిఫ్టీ PSU బ్యాంక్ 0.08 శాతం తగ్గగా, నిఫ్టీ కెమికల్స్ 0.08 శాతం పడిపోయింది. వ్యక్తిగత షేర్ల విషయానికొస్తే ఐషర్ మోటార్స్ 0.94 శాతం తగ్గి నిఫ్టీ 50లో అత్యధిక నష్టాన్ని చవిచూసింది. టైటాన్ 0.65 శాతం, గ్రాసిమ్ 0.59 శాతం, సిప్లా 0.57 శాతం తగ్గాయి. మారుతి సుజుకి 0.54 శాతం, నెస్లే ఇండియా 0.47 శాతం, ONGC 0.38 శాతం తగ్గుదలని నమోదు చేశాయి. నిఫ్టీ స్మాల్‌క్యాప్ 100 సూచీ 0.45 శాతం, నిఫ్టీ మైక్రోక్యాప్ 250 సూచీ 0.44 శాతం, నిఫ్టీ స్మాల్‌క్యాప్ 50 సూచీ 0.33 శాతం పెరిగాయి. నిఫ్టీ మిడ్‌క్యాప్ సూచీలు దాదాపు 0.09 శాతం లాభపడ్డాయి.

విదేశీ సంస్థాగత పెట్టుబడిదారులు (FIIs) గురువారం నాడు క్యాష్ మార్కెట్‌లో రెండు రోజుల కొనుగోళ్లు తగ్గించారు. వారు రూ. 2,345 కోట్ల విలువైన షేర్లను విక్రయించారు. క్యాష్, ఇండెక్స్ ఫ్యూచర్స్ మరియు స్టాక్ ఫ్యూచర్స్ విభాగాలలో కలిపి, FIIలు నికరంగా రూ. 2,151 కోట్ల విలువైన అమ్మకాలు జరిపారు. FIIలు వరుసగా తొమ్మిదవ సెషన్‌లోనూ ఇండెక్స్ ఫ్యూచర్స్‌లో అమ్మకందారులుగా కొనసాగి, రూ. 926 కోట్ల నికర అమ్మకాలను నమోదు చేశారు. అయితే, వారి ఇండెక్స్ ఫ్యూచర్స్ 'లాంగ్ పొజిషన్లు' 9.77 శాతం నుండి 11.09 శాతానికి పెరిగాయి. దేశీయ సంస్థాగత పెట్టుబడిదారులు (DIIs) మార్కెట్‌కు మద్దతునిస్తూనే ఉన్నారు. భారత రూపాయి 48 పైసలు బలపడింది, డాలర్ విలువ రూ. 94.49 కంటే తక్కువ స్థాయిలో ట్రేడవుతోంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.