Stock market: యుద్ధ భయాల్లోనూ దూసుకుపోతున్న షేర్లు.. ఇన్వెస్టర్లకు బంపర్ రిటర్న్స్ ఇచ్చిన పెన్నీ స్టాక్స్!

ప్రస్తుతం ప్రపంచవ్యాప్తంగా నెలకొన్న ఇరాన్-అమెరికా యుద్ధ వాతావరణం స్టాక్ మార్కెట్ (Stock Market) పై తీవ్ర ప్రభావాన్ని చూపుతోంది. లార్జ్ క్యాప్, మిడ్ క్యాప్ , స్మాల్ క్యాప్ అనే తేడా లేకుండా దాదాపు అన్ని రకాల షేర్లు ఒత్తిడికి లోనవుతున్నాయి. మార్కెట్ సూచీలు ఎర్ర సముద్రాన్ని తలపిస్తున్నప్పటికీ, కొన్ని స్టాక్స్ మాత్రం ట్రెండ్‌కు విరుద్ధంగా దూసుకుపోతున్నాయి. గత ఒక్క నెలలోనే దాదాపు 80 శాతం వరకు రిటర్న్స్ అందించి ఇన్వెస్టర్లను ఆశ్చర్యపరిచాయి. అవేంటో ఇప్పుడు వివరంగా చూద్దాం.

సోలార్, ఎలక్ట్రికల్ రంగంలో జోరు

పునరుత్పాదక ఇంధన రంగానికి ఉన్న డిమాండ్ కారణంగా వెబ్సోల్ ఎనర్జీ (Websol Energy) షేర్లు నెల రోజుల్లో 44.87 శాతం పెరిగాయి. దీని పీఈ (PE) రేషియో 14.29 గా ఉంది, అంటే ఇది ఇంకా తక్కువ విలువలోనే లభిస్తోందని అర్థం. అలాగే ట్రాన్స్‌ఫార్మర్ల తయారీ సంస్థ అట్లాంటా ఎలక్ట్రికల్స్ (Atlanta Electricals) కూడా 31.26 శాతం లాభాలను అందించింది. దీని మార్కెట్ క్యాప్ రూ. 9,546.74 కోట్లుగా ఉంది.

ఐటీ, ఇంజనీరింగ్ స్టాక్స్

టెక్నాలజీ రంగంలో యాక్సిస్ సొల్యూషన్ (Axis Solution) సుమారు 33.91 శాతం వృద్ధిని నమోదు చేసింది. దీని ఆర్‌ఓసిఈ (ROCE) 30.37 గా ఉండటం కంపెనీ పనితీరుకు నిదర్శనం. ఇక ఇన్‌ఫ్రాస్ట్రక్చర్ విభాగంలో ఓమ్నిటెక్ ఇంజనీరింగ్ (Omnitech Engg) ఏకంగా 46.50 శాతం లాభపడింది. అయితే దీని పీఈ రేషియో 58.54 వద్ద కొంత ఖరీదుగానే ట్రేడ్ అవుతోంది.

బయోటెక్, పవర్ సెక్టార్ హవా

ఈ జాబితాలో అన్నిటికంటే ఎక్కువగా లాభపడింది టైటాన్ బయోటెక్ (Titan Biotech). ఈ కంపెనీ షేర్లు నెల రోజుల్లోనే 82.44 శాతం జంప్ అయ్యాయి. కాకపోతే దీని పీఈ 80 దాటడం వల్ల వ్యాల్యుయేషన్ పరంగా కొంచెం రిస్క్ అని చెప్పవచ్చు. పవర్ సెక్టార్‌కు చెందిన డివైన్ పవర్ (Divine Power) కూడా 43.42 శాతం రిటర్న్స్ ఇచ్చింది.

ఇతర రంగాల పనితీరు

1. RPSG వెంచర్స్: త్రైమాసిక ఫలితాల్లో నష్టాలు వచ్చినప్పటికీ, ఈ షేర్ 60.57 శాతం పెరగడం విశేషం.
2. గణేశా ఎకోస్పియర్: రీసైక్లింగ్ రంగంలో ఉన్న ఈ సంస్థ 57.16 శాతం లాభాలను పంచింది.
3. కాన్ఫిడెన్స్ పెట్రో: ఎల్పీజీ సిలిండర్ల తయారీలో ఉన్న ఈ కంపెనీ 76.22 శాతం పెరిగింది. దీని పీఈ 22.71 వద్ద రీజనబుల్ గా ఉంది.
4. బి-రైట్ రియల్: రియల్ ఎస్టేట్ రంగంలో ఉన్న ఈ స్టాక్ 30.56 శాతం వృద్ధిని కనబరిచింది.

యుద్ధం వంటి క్లిష్ట పరిస్థితుల్లో కూడా కొన్ని స్టాక్స్ ఇంతటి భారీ లాభాలను అందించడం మార్కెట్ విశ్లేషకులను సైతం ఆశ్చర్యపరుస్తోంది. అయితే, ఇలాంటి భారీ లాభాలిచ్చిన స్టాక్స్‌లో ఇన్వెస్ట్ చేసేటప్పుడు కేవలం రిటర్న్స్ మాత్రమే చూడకుండా, వాటి పీఈ రేషియో , ఫండమెంటల్స్ గమనించడం చాలా ముఖ్యం. ముఖ్యంగా స్టాక్ మార్కెట్ (Stock market) తీవ్రమైన ఒడిదుడుకుల్లో ఉన్నప్పుడు, గుడ్డిగా పెట్టుబడులు పెట్టకుండా నిపుణుల సలహా తీసుకోవడం ఉత్తమం. ఈ 10 స్టాక్స్ మార్కెట్ పతనాన్ని తట్టుకుని నిలబడటమే కాకుండా ఇన్వెస్టర్ల సంపదను రెట్టింపు చేసే దిశగా అడుగులు వేయడం గమనార్హం.