Stock market: స్టాక్ మార్కెట్ ఇన్వెస్టర్లకు అలర్ట్! మే నెలలో మార్కెట్ మూత పడే రోజులివే..

మీరు రెగ్యులర్‌గా షేర్ మార్కెట్‌లో ట్రేడింగ్ చేస్తున్నారా? అయితే మీకు ఒక ముఖ్యమైన అప్‌డేట్. మే 1వ తేదీన భారతీయ స్టాక్ మార్కెట్ (Stock market) పని చేయదు. అవును, మీరు విన్నది నిజమే! మహారాష్ట్ర దినోత్సవం (Maharashtra Day) సందర్భంగా మన దేశంలోని ప్రధాన స్టాక్ ఎక్స్ఛేంజీలు అయిన BSE (బాంబే స్టాక్ ఎక్స్ఛేంజ్) , NSE (నేషనల్ స్టాక్ ఎక్స్ఛేంజ్) రెండూ మూసివేసి ఉంటాయి.

ఏయే విభాగాలు పని చేయవు?

చాలా మందికి ఒక సందేహం ఉంటుంది. కేవలం షేర్ల కొనుగోలు, అమ్మకాలు మాత్రమే ఆగుతాయా అని. కానీ, మే 1న ఈక్విటీ సెగ్మెంట్ మాత్రమే కాదు, డెరివేటివ్స్, కరెన్సీ డెరివేటివ్స్, సెక్యూరిటీస్ లెండింగ్ అండ్ బారోయింగ్ (SLB), , ఎలక్ట్రానిక్ గోల్డ్ రిసీట్స్ (EGR) వంటి అన్ని విభాగాల్లోనూ ట్రేడింగ్ పూర్తిగా నిలిచిపోతుంది. అంటే ఆ రోజు మీరు ఎలాంటి ఆర్డర్లు ప్లేస్ చేయలేరు.

MCX (కమోడిటీ మార్కెట్) పరిస్థితి ఏంటి?

కమోడిటీ మార్కెట్‌లో ట్రేడింగ్ చేసే వారికి కొంత ఊరట ఉంది. మల్టీ కమోడిటీ ఎక్స్ఛేంజ్ (MCX) ఉదయం సెషన్‌లో (ఉదయం 9 నుండి సాయంత్రం 5 వరకు) మూసి ఉంటుంది. అయితే, సాయంత్రం సెషన్‌లో మాత్రం ట్రేడింగ్ మళ్ళీ మొదలవుతుంది. అంటే రాత్రి 5:00 గంటల నుండి 11:30 గంటల వరకు మీరు యధావిధిగా ట్రేడింగ్ చేసుకోవచ్చు.

మే నెలలో మరిన్ని సెలవులు ఉన్నాయా?

మే నెలలో కేవలం మే 1 మాత్రమే కాకుండా, మే 28న 'బక్రీద్' (ఈద్-ఉల్-అధా) సందర్భంగా కూడా స్టాక్ మార్కెట్ కు సెలవు ప్రకటించారు. కాబట్టి మే నెలలో ట్రేడర్లకు రెండు అదనపు సెలవులు దొరుకుతున్నాయన్నమాట. ఈ లోపు మార్కెట్ ఒడిదుడుకులను గమనిస్తూ మీ ఇన్వెస్ట్‌మెంట్ ప్లాన్ సిద్ధం చేసుకోండి.

మే 2026 నెలలో ట్రేడింగ్ చేసేవారికి పండుగ సెలవులతో పాటు వారాంతపు సెలవులు కూడా కలిసి వస్తున్నాయి. అయితే పండుగ సెలవు రోజుల్లో అంటే మే 1వ తేదీ శుక్రవారంతోపాటు మే 28వ తేదీ గురువారం రోజున ఈక్విటీ, డెరివేటివ్స్ , సెక్యూరిటీస్ లెండింగ్ వంటి అన్ని విభాగాల్లో లావాదేవీలు నిలిచిపోతాయి.

అయితే, కమోడిటీ మార్కెట్ (MCX) ట్రేడర్లు మాత్రం ఒక విషయం గమనించాలి; మే 1న ఉదయం సెషన్ మాత్రమే సెలవు ఉంటుంది, సాయంత్రం సెషన్‌లో ట్రేడింగ్ యధావిధిగా కొనసాగుతుంది. ఇక సాధారణంగా వచ్చే శని, ఆదివారాలు (మే 2, 3, 9, 10, 16, 17, 23, 24, 30, 31) కలుపుకుని ఈ నెలలో మొత్తం 12 రోజులు మార్కెట్ పనిచేయదు. మే నెల తర్వాత మళ్ళీ జూన్ 26వ తేదీన మొహర్రం సందర్భంగా స్టాక్ ఎక్స్ఛేంజీలకు సెలవు ఉంటుంది. కాబట్టి ఇన్వెస్టర్లు ఈ తేదీలను బట్టి తమ ట్రేడింగ్ ప్లాన్ సిద్ధం చేసుకోవడం మంచిది.