మార్కెట్ ఎలా ఉన్నా లాభాలు గ్యారెంటీ.. వచ్చే 2 వారాల్లో ఈ ఫార్మా, ఫైనాన్ష్ షేర్లపై ఓ లుక్కేయండి!

ప్రస్తుతం భారత స్టాక్ మార్కెట్ (stock market) ఒక వింతైన పరిస్థితిని ఎదుర్కొంటోంది. అంతర్జాతీయ మార్కెట్ల నుంచి వస్తున్న మిశ్రమ సంకేతాలు, యూఎస్-ఇరాన్ ఉద్రిక్తతలు, పెరుగుతున్న ముడిచమురు (Crude oil) ధరల వల్ల మార్కెట్ ఒడిదుడుకుల మధ్య ఫ్లాట్‌గా ముగుస్తోంది. గత ట్రేడింగ్ సెషన్‌లో నిఫ్టీ 50 కేవలం 4 పాయింట్లు నష్టపోయి 23,654 వద్ద స్థిరపడగా, సెన్సెక్స్ 135 పాయింట్లు తగ్గి 75,183 వద్ద ముగిసింది.

ఇలాంటి కన్సాలిడేషన్ ఫేజ్‌లో ఇండెక్స్ కంటే కూడా స్టాక్-స్పెసిఫిక్ (ఏ షేరుకు ఆ షేరు) ట్రేడింగ్ అప్రోచ్ పాటించడం మంచిదని రెలిగేర్ బ్రోకింగ్ రీసెర్చ్ వైస్ ప్రెసిడెంట్ అజిత్ మిశ్రా సూచిస్తున్నారు. నిఫ్టీకి ఎగువన 23,800-24,000 బలమైన రెసిస్టెన్స్ జోన్‌గా ఉందని, అది దాటితేనే సరికొత్త ర్యాలీ చూస్తామని ఆయన పేర్కొన్నారు. ఈ నేపథ్యంలో వచ్చే 1 నుండి 2 వారాల కాలానికి (Short Term) ఇన్వెస్టర్లు కొనుగోలు చేయదగ్గ 3 బెస్ట్ స్టాక్స్‌ను ఆయన రికమండ్ చేశారు. ఆ వివరాలు ఇవే..

1. ఏంజెల్ వన్ (Angel One)

ప్రస్తుతం క్యాపిటల్ మార్కెట్ స్టాక్స్‌కు మార్కెట్లో విపరీతమైన డిమాండ్ కనిపిస్తోంది. ఇందులో భాగంగా ఏంజెల్ వన్ షేరు మంచి బయ్యింగ్ మొమెంటంతో దూసుకుపోతోంది. గత కొన్ని రోజులుగా ఒకే రేంజ్‌లో ఉన్న ఈ స్టాక్, ఇప్పుడు భారీ వాల్యూమ్స్‌తో బ్రేక్ అవుట్ ఇచ్చింది. అంటే ఇది సరికొత్త అప్‌ట్రెండ్‌కు సంకేతం.

• ప్రస్తుత ధర (ముగింపు): రూ. 339.65
• టార్గెట్ ప్రైస్ (Target): రూ. 370
• స్టాప్ లాస్ (Stop Loss): రూ. 325

2. గ్లెన్‌మార్క్ ఫార్మాస్యూటికల్స్ (Glenmark Pharma)

ఫార్మా రంగానికి చెందిన ఈ స్టాక్ చాలా స్ట్రాంగ్ బుల్లిష్ ట్రెండ్‌లో ఉంది. అన్ని రకాల కీ మూవింగ్ యావరేజ్‌ల కంటే పైనే ఈ షేరు ట్రేడ్ అవుతోంది. మార్కెట్ పడుతున్న ప్రతిసారీ కింది స్థాయిల్లో ఇన్వెస్టర్లు ఈ షేరును కొనేస్తూ సపోర్ట్ ఇస్తున్నారు. కాబట్టి ఈ కరెంట్ ప్రైస్ రేంజ్‌లో లాంగ్ పొజిషన్స్ తీసుకోవడం మంచి ఆప్షన్.

• ప్రస్తుత ధర (ముగింపు): రూ. 2,393
• టార్గెట్ ప్రైస్ (Target): రూ. 2,590
• స్టాప్ లాస్ (Stop Loss): రూ. 2,290

3. మణప్పురం ఫైనాన్స్ (Manappuram Finance)

బంగారు రుణాల (Gold Loans) రంగంలో ఉన్న మణప్పురం ఫైనాన్స్ చార్ట్ స్ట్రక్చర్ చాలా పాజిటివ్‌గా ఉంది. గత కొన్ని రోజులుగా ఉన్న డౌన్‌ట్రెండ్ లైన్ రెసిస్టెన్స్‌ను బ్రేక్ చేసి ఈ స్టాక్ పైకి కదిలింది. బయ్యర్ల ఆసక్తి రోజురోజుకూ పెరుగుతుండటంతో రాబోయే రోజుల్లో ఈ షేరు మరింత పైకి వెళ్లే అవకాశం స్పష్టంగా కనిపిస్తోంది.

• ప్రస్తుత ధర (ముగింపు): రూ. 322.40
• టార్గెట్ ప్రైస్ (Target): రూ. 348
• స్టాప్ లాస్ (Stop Loss): రూ. 310

(గమనిక: ఈ వెబ్‌సైట్‌లోని అంశాలు సంబంధిత వ్యక్తుల లేదా విశ్లేషకుల వ్యక్తిగత అభిప్రాయాలు మాత్రమే. ఇవి " Goodreturns.in లేదా Greynium Information Technologies Private Limited " అధికారిక సలహాలు కావు. ఇందులో సమాచారం యొక్క ఖచ్చితత్వానికి మేము ఎలాంటి గ్యారెంటీ ఇవ్వము. మేము స్టాక్ మార్కెట్ పెట్టుబడి సలహాలు లేదా కొనుగోలు/అమ్మకాల సిఫార్సులు చేయము. ఈ కథనాలు కేవలం అవగాహన కోసం మాత్రమే ఉద్దేశించినవి. కాబట్టి, మీరు ఏదైనా పెట్టుబడి నిర్ణయం తీసుకునే ముందు తప్పనిసరిగా మీ ఆర్థిక సలహాదారుని సంప్రదించి తగిన నిర్ణయం తీసుకోగలరు. ఈ కథనాన్ని కేవలం సమాచారంగా మాత్రమే పరిగణించండి.)