NSE IPO: ఓపెన్ అయిన ఎన్ఎస్ఈ ఐపీఓ.. గ్రే మార్కెట్‎లో ప్రీమియంలో ట్రేడవుతున్న షేర్లు..

నేషనల్ స్టాక్ ఎక్స్ఛేంజ్ ఆఫ్ ఇండియా (NSE) IPO ఈ రోజు ప్రారంభం అయింది. ఐపీఓలో భాగంగా సెప్టెంబర్ 16న పలు ప్రముఖ దేశీయ, అంతర్జాతీయ పెట్టుబడిదారుల నుంచి రూ. 6,746.2 కోట్లు సమీకరించింది. లైఫ్ ఇన్సూరెన్స్ కార్పొరేషన్ ఆఫ్ ఇండియా (ఎల్ఐసి) అతిపెద్ద పెట్టుబడిదారుగా నిలిచింది. ఈ స్టాక్ ఎక్స్ఛేంజ్‌లో గవర్నమెంట్ పెన్షన్ ఫండ్ గ్లోబల్, మానిటరీ అథారిటీ ఆఫ్ సింగపూర్, ఫిడిలిటీ, అబుదాబి ఇన్వెస్ట్‌మెంట్ అథారిటీ (ఏడీఐఏ), నిప్పన్ లైఫ్, హెచ్‌డిఎఫ్‌సి లైఫ్ ఇన్సూరెన్స్ వంటి సంస్థల నుండి కూడా పెట్టుబడులు పెట్టాయి.

ఈ ఐపీఓలో భాగంగా రూ. 22,561.57 కోట్లను సేకరించనున్నారు. ఈ ఐపీఓ సెప్టెంబర్ 17 నుంచి సెప్టెంబర్ 21 వరకు పబ్లిక్ సబ్‌స్క్రిప్షన్ కోసం తెరవనుంది. ఇందులో ప్రస్తుత వాటాదారులు 12.64 కోట్ల ఈక్విటీ షేర్లను ఆఫర్-ఫర్-సేల్ పద్ధతిలో విక్రయించనున్నారు. ఈ ఆఫర్ కోసం ఒక్కో షేరు ధరను రూ. 1,700-1,785 మధ్య నిర్ణయించారు. OFSలో తమ షేర్లను విక్రయిస్తున్న వాటాదారులలో SBI, కెనడా పెన్షన్ ప్లాన్ ఇన్వెస్ట్‌మెంట్ బోర్డ్, అరండా ఇన్వెస్ట్‌మెంట్స్ (మారిషస్), MS స్ట్రాటజిక్ (మారిషస్), న్యూ ఇండియా అస్యూరెన్స్ కంపెనీ, స్టాక్ హోల్డింగ్ కార్పొరేషన్ ఆఫ్ ఇండియా, జనరల్ ఇన్సూరెన్స్ కార్పొరేషన్ ఆఫ్ ఇండియా ఉన్నాయి.

కంపెనీ 189 యాంకర్ ఇన్వెస్టర్లకు 3.77 కోట్ల ఈక్విటీ షేర్లను కేటాయించింది. ఇప్పటికే NSEలో 10.72 శాతం వాటాను కలిగి ఉన్న LIC, రూ. 465.3 కోట్ల విలువైన షేర్లను కొనుగోలు చేసి అతిపెద్ద యాంకర్ ఇన్వెస్టర్‌గా అవతరించింది. సెప్టెంబర్ 12న, NSE యాంకర్ బుక్‌లో LIC అతిపెద్ద ఇన్వెస్టర్‌గా నిలవవచ్చని, దాని తర్వాత నార్వేకు చెందిన నార్జెస్ బ్యాంక్ ఉంటుందని మనీకంట్రోల్ నివేదించింది. ఈ నివేదికలో ADIA, యూరప్‌కు చెందిన కార్మిగ్నాక్, లూనేట్, GIC, ఫిడిలిటీ, SBI పెన్షన్, SBI లైఫ్, HDFC లైఫ్‌లను ఇతర కీలక యాంకర్ బుక్ పెట్టుబడిదారులుగా పేర్కొన్నారు. యాంకర్ బుక్‌లో పాల్గొన్న ఇతర బీమా సంస్థలలో SBI పెన్షన్ ఫండ్స్, SBI లైఫ్, HDFC లైఫ్, HDFC పెన్షన్ ఫండ్, యాక్సిస్ మాక్స్ లైఫ్, UTI పెన్షన్ ఫండ్, కోటక్ మహీంద్రా లైఫ్, ఎడెల్వీస్ లైఫ్, యాక్సిస్ పెన్షన్ ఫండ్ ఉన్నాయి.

ప్రభుత్వ పెన్షన్ ఫండ్ గ్లోబల్ (రూ. 250 కోట్లు), సింగపూర్ ద్రవ్య అథారిటీ (MAS - రూ. 200 కోట్లు), అబుదాబి ఇన్వెస్ట్‌మెంట్ అథారిటీ - మాన్‌సూన్ (రూ. 200 కోట్లు), ఫిడిలిటీ, గోల్డ్‌మన్ సాక్స్, ఈస్ట్‌స్ప్రింగ్ ఇన్వెస్ట్‌మెంట్స్ ఇండియా, ఇంటిగ్రేటెడ్ కోర్ స్ట్రాటజీస్ (ఆసియా), కార్మిగ్నాక్ పోర్ట్‌ఫోలియో, అశోకా వైట్‌ఓక్, వాలియంట్ మారిషస్ పార్ట్‌నర్స్, సోసియేట్ జనరల్, BNP పారిబాస్, మోర్గాన్ స్టాన్లీ మరియు BofA సెక్యూరిటీస్‌తో సహా ప్రపంచ పెట్టుబడిదారులు కూడా యాంకర్ బుక్ ద్వారా దేశంలోని అతిపెద్ద స్టాక్ ఎక్స్ఛేంజ్‌లో పెట్టుబడి పెట్టాయి. మొత్తం యాంకర్ బుక్‌లో 36.98 శాతానికి సమానమైన 1.39 కోట్ల ఈక్విటీ షేర్లను ఎక్స్ఛేంజ్ 29 దేశీయ మ్యూచువల్ ఫండ్లకు కేటాయించింది. ఈ ఫండ్లలో ఎస్‌బిఐ ఎంఎఫ్, ఐసిఐసిఐ ప్రుడెన్షియల్ ఏఎంసి, హెచ్‌డిఎఫ్‌సి ఏఎంసి, నిప్పన్ ఇండియా, కోటక్ మహీంద్రా ఏఎంసి, యాక్సిస్ ఎంఎఫ్, ఆదిత్య బిర్లా సన్ లైఫ్ ఏఎంసి, యుటిఐ ఏఎంసి, మిరే అసెట్, టాటా ఎంఎఫ్, ఇన్వెస్కో, క్వాంట్ ఎంఎఫ్, వైట్‌ఓక్ క్యాపిటల్, హెచ్‌ఎస్‌బిసి ఎంఎఫ్ ఉన్నాయి. ఈ ఫండ్లు 98 పథకాల ద్వారా దరఖాస్తు చేసుకున్నాయి. ఎన్ఎస్ఈ షేర్లు గ్రే మార్కెట్ లో రూ.125 ప్రీమియంలో ట్రేవడవుతోన్నాయి

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.