HDFC Vs ICICI Vs Axis: ప్రైవేట్ బ్యాంకుల ఫలితాలు ఎలా ఉన్నాయంటే..!

2027 ఆర్థిక సంవత్సరం సెప్టెంబర్ త్రైమాసికంలో దేశంలోని మూడు అతిపెద్ద ప్రైవేట్ రంగ బ్యాంకులు మిశ్రమ పనితీరును కనబరిచాయి. ఐసీఐసీఐ బ్యాంక్ బలమైన ఆదాయ వృద్ధిని నమోదు చేయగా, HDFC బ్యాంక్ మార్జిన్ ఒత్తిళ్లు, నాయకత్వ మార్పును అధిగమించింది. యాక్సిస్ బ్యాంక్ మెరుగైన ఆస్తి నాణ్యతతో పాటు లాభంలో గణనీయమైన పెరుగుదలను నమోదు చేసింది. బ్రోకరేజీలు ఈ మూడు స్టాక్‌లపై సానుకూలంగా ఉన్నాయి. నువామా ఇన్‌స్టిట్యూషనల్ ఈక్విటీస్ ప్రతి దానిపై 'బై' రేటింగ్‌ను కొనసాగిస్తోంది. అయితే రుణ వృద్ధి, లాభదాయకత, మార్జిన్ ధోరణులలోని తేడాలు పెట్టుబడిదారుల ఎంపికలను ప్రభావితం చేయవచ్చని పేర్కొంది. FY27 రెండవ త్రైమాసికంలో ఐసీఐసీఐ బ్యాంక్ స్టాండ్‌అలోన్ నికర లాభం గతేడాదితో పోలిస్తే 20.1 శాతం పెరిగి రూ.14,843 కోట్లకు చేరినట్లు నివేదించింది.

బలమైన రుణ వృద్ధి మద్దతుతో నికర వడ్డీ ఆదాయం (NII) 17.7% పెరిగి రూ.25,339 కోట్లకు చేరగా, నికర వడ్డీ మార్జిన్ (NIM) వరుసగా 12 బేసిస్ పాయింట్లు తగ్గి 4.18%కి చేరింది. నువమా ఇన్‌స్టిట్యూషనల్ ఈక్విటీస్, ఐసిఐసిఐ బ్యాంక్‌పై తన 'బై' రేటింగ్‌ను కొనసాగిస్తూ రూ.1,850 టార్గెట్ ధరను నిర్దేశించింది. ఈ బ్రోకరేజ్ సంస్థ సంవత్సరానికి 30 శాతం, త్రైమాసికానికి 12% రుణ వృద్ధిని హైలైట్ చేసింది. విదేశీ కరెన్సీ నాన్-రెసిడెంట్ (FCNR) డిపాజిట్లను మినహాయించిన తర్వాత కూడా ఈ వృద్ధి బలంగానే ఉందని పేర్కొంది. తక్కువ నిర్వహణ ఖర్చులు, కేటాయింపులు, నువమా అంచనాల కంటే 7% అధిక లాభాన్ని అందించడంలో బ్యాంకుకు సహాయపడ్డాయి.

హెచ్‌డిఎఫ్‌సి బ్యాంక్ స్టాండ్‌అలోన్ నికర లాభం గతేడాదితో పోలిస్తే 4.7 శాతం పెరిగి రూ.19,510 కోట్లకు చేరిందని నివేదించింది. కాగా ఆర్జించే ఆస్తులపై నికర వడ్డీ మార్జిన్ (NIM) వరుసగా ఎనిమిది బేసిస్ పాయింట్లు తగ్గి 3.32%కి చేరింది. బ్యాంకు స్థూల నిరర్థక ఆస్తుల నిష్పత్తి గత త్రైమాసికంలోని 1.17 శాతం నుంచి 1.11 శాతానికి మెరుగుపడింది. ఇది ఆస్తుల నాణ్యత మెరుగుపడిందని సూచిస్తుంది.
ఈ బ్యాంకు నాయకత్వ మార్పుకు కూడా సిద్ధమవుతోంది. అనూప్ బాగ్చి మేనేజింగ్ డైరెక్టర్, చీఫ్ ఎగ్జిక్యూటివ్‌గా బాధ్యతలు స్వీకరించనున్నారు. యాజమాన్య స్థిరత్వం, మార్జిన్ల పునరుద్ధరణ, వృద్ధిని కొనసాగించగల బ్యాంకు సామర్థ్యంపై పెట్టుబడిదారులు దృష్టి సారించిన సమయంలో ఆయన నియామకం జరిగింది.

నువమా ఇన్‌స్టిట్యూషనల్ ఈక్విటీస్ ₹950 లక్ష్య ధరతో తన 'బై' రేటింగ్‌ను కొనసాగించింది. సిస్టమాటిక్స్ ఇన్‌స్టిట్యూషనల్ రీసెర్చ్ కూడా తన 'బై' రేటింగ్‌ను ₹875 లక్ష్య ధరతో యథాతథంగా కొనసాగించింది. యాక్సిస్ బ్యాంక్ FY27 రెండవ త్రైమాసికంలో స్టాండ్‌అలోన్ నికర లాభంలో వార్షిక ప్రాతిపదికన 37.6% పెరుగుదలను నమోదు చేసి రూ.7,003 కోట్లకు చేరుకుంది. నికర వడ్డీ ఆదాయం (NII) 12 శాతం పెరిగి రూ.15,371 కోట్లకు చేరగా, నికర వడ్డీ మార్జిన్ (NIM) 3.36% వద్ద నిలిచింది. నిర్వహణ లాభం 6% పెరిగి రూ.11,083 కోట్లకు చేరింది. నువమ ఇన్‌స్టిట్యూషనల్ ఈక్విటీస్ రూ.1,650 లక్ష్య ధరతో తన 'కొనుగోలు' రేటింగ్‌ను కొనసాగించింది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.