Diwali Stocks: ఈ దీపావళికి జెఫరీస్, పిఎల్ క్యాపిటల్ సూచించిన స్టాక్స్ ఇవే..!

దీపావళికి ముందు పలు బ్రోకరేజ్ సంస్థలు స్టాక్స్ ను చూచిస్తుంటాయి. బ్రోకరేజ్ సంస్థ పిఎల్ క్యాపిటల్ పెట్టుబడి కోసం 10 స్టాక్‌లను సిఫార్సు చేసింది. ఈ కంపెనీల షేర్లు గణనీయంగా పెరిగే సామర్థ్యాన్ని కలిగి ఉన్నాయని పేర్కొంది. ఈ స్టాక్‌ల జాబితాను దీర్ఘకాలిక పెట్టుబడి కోసం ఎంపిక చేశారు. పెట్టుబడిదారులకు మెరుగైన అవగాహన కోసం షేర్ టార్గెట్ ధరలను కూడా అందించారు. నిర్దిష్ట స్టాక్‌లపై 'బై రేటింగ్' ప్రారంభిస్తూ, బ్రోకరేజ్ ప్రతి స్టాక్‌కు టార్గెట్ ధర, స్టాప్-లాస్‌ను అందించింది. టార్గెట్ ధర అనేది ఒక కౌంటర్ ఎంత స్థాయికి పెరుగుతుందని బ్రోకరేజ్ అంచనా వేస్తుందో ఆ స్థాయి. స్టాప్-లాస్ అనేది ఒక ధర స్థాయి, ఒకవేళ స్టాక్ ధర ఆ స్థాయి కంటే తక్కువకు పడిపోతే.. నష్టాలను పరిమితం చేయడానికి పెట్టుబడిదారులు ఆ స్థాయి వద్ద తమ పొజిషన్ నుండి నిష్క్రమించడాన్ని పరిగణించవచ్చు.

పీఎల్ క్యాపిటల్ అపోలో హాస్పిటల్స్, డీఎల్ఎఫ్, జీఈ వెర్నోవ, హెచ్ బీఎల్ ఇంజినీరింగ్, జిందాల్ స్టీల్, మెరైన్ ఎలక్ట్రికల్స్, శిల్ప మెడికేర్ స్టాక్స్ ను సూచించింది. దీపావళి, లక్ష్మీ పూజ సందర్భంగా భారత స్టాక్ మార్కెట్ ఆదివారం, నవంబర్ 08, 2026న ముహూర్త ట్రేడింగ్‌ను నిర్వహిస్తుంది. ఈసారి ముహూర్త ట్రేడింగ్ సెషన్ మధ్యాహ్నం 2:20 నుంచి 3:30 వరకు జరుగుతుంది. దీపావళి సందర్భంగా మార్కెట్లు మూసి ఉంటాయి. అయితే ప్రతి సంవత్సరం ముహూర్త ట్రేడింగ్ కోసం మార్కెట్లు తెరుచుకుంటాయి. ఒక శుభ సమయంలో (ముహూర్తం) మార్కెట్లు పరిమిత కాలం పాటు తెరుచుకుంటాయి. ఇది కొత్త సంవత్సరం (హిందూ క్యాలెండర్ సంవత్సరం) ప్రారంభంలో స్టాక్‌లను ట్రేడ్ చేయడానికి పెట్టుబడిదారులకు వీలు కల్పిస్తుంది.

ప్రపంచ బ్రోకరేజ్ సంస్థ అంచనా ప్రకారం నేషనల్ స్టాక్ ఎక్స్ఛేంజ్ షేర్లు పెరిగే అవకాశం ఉంది. ఎందుకంటే, FY27, FY29 మధ్య ఎక్స్ఛేంజ్ నిర్వహణ రాబడి 15 శాతం సమ్మేళన వార్షిక రేటుతో వృద్ధి చెందుతుందని అంచనా వేసింది. అలాగే FY30 నాటికి కొత్త వ్యాపారాలు ఆదాయాలకు మరో 15 శాతం జోడించే అవకాశం ఉంది. గతంలో నియంత్రణపరమైన అడ్డంకులు ఉన్నప్పటికీ FY27-29e మధ్య కాలంలో ఆదాయం 15% CAGR వృద్ధిని సాధిస్తుందని అంచనా వేస్తున్నామని జెఫరీస్ తన నివేదికలో పేర్కొంది. ఈ బ్రోకరేజ్ సంస్థ అంచనా ప్రకారం నిర్వహణ ఆదాయం FY26లో రూ. 166,013 కోట్ల నుంచి FY27లో రూ. 173,929 కోట్లకు, FY28లో రూ. 198,442 కోట్లకు, FY29లో రూ. 230,294 కోట్లకు పెరుగుతుంది. జెఫరీస్, ఎన్‌ఎస్‌ఈ షేరు ధర లక్ష్యాన్ని రూ. 2,085గా అంచనా వేసింది.

రాడికో ఖైతాన్ పై కూడా జెఫరీస్ బుల్లిష్ గా ఉంది. ఈ మద్యం తయారీ సంస్థ బలమైన వృద్ధి, మెరుగైన ఉత్పత్తి మిశ్రమం, పెరిగిన మార్జిన్‌ల కారణంగా స్టాక్ పెరుగుతుందని జెఫరీస్ అభిప్రాయపడింది.
జెఫరీస్, రాడికో ఖైతాన్ షేర్లను రూ. 5,200 లక్ష్య ధరతో కొనుగోలు చేయమని సలహా ఇచ్చింది. ఇవి కేవలం బ్రోకరేజ్ లు సిఫార్సులు మాత్రమే.. కచ్చితమైన హామీ కాదని గుర్తుంచుకోవాలి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.