Muhurat Trading 2026: ముహూరత్ ట్రేడింగ్ సెషన్ డేట్, టైమ్ ఎప్పుడంటే..!

చెడుపై మంచి సాధించిన విజయానికి ప్రతీకగా దీపావళి పండుగ జరుపుకుంటాం. దేశంలోని చాలా కుటుంబాలు దీనిని కొత్త ప్రారంభాలకు సమయంగా భావిస్తాయి. దీపాలు వెలిగించి పూజలు చేస్తారు. కొంతమంది తమ డబ్బుతో ఏదైనా కొత్తగా ప్రారంభించడం ద్వారా పండుగ జరుపుకుంటారు. స్టాక్ మార్కెట్‌కు సంబంధించి ప్రత్యేక సంప్రదాయం ఉంది. అదే ముహూరత్ ట్రేడింగ్. 2026 దీపావళి సందర్భంగా ఎన్ఎస్ఈ, బీఎస్ఈ ఈ ప్రత్యేక సెషన్‌ను నవంబర్ 8 ఆదివారం నాడు నిర్వహిస్తాయి. షేర్ ట్రేడింగ్ మధ్యాహ్నం 2:20 గంటలకు ప్రారంభమవుతుంది. మధ్యాహ్నం 2:20 నుంచి 3:30 వరకు ట్రేడ్ చేయవచ్చు.

క్లోజింగ్ ఆక్షన్ సెషన్ (CAS)లో భాగం కాని షేర్లకు ఇది ప్రధాన ట్రేడింగ్ విండో. CASలో చేర్చబడిన షేర్ల కోసం సాధారణ ట్రేడింగ్ ముందుగానే మధ్యాహ్నం 3:15 గంటలకు ముగుస్తుంది. ఆ తర్వాత ఆ షేర్లు ప్రత్యేక క్లోజింగ్ ఆక్షన్‌కు వెళ్తాయి. క్లోజింగ్ ఆక్షన్ సెషన్ అంటే.. ఫ్యూచర్స్ అండ్ ఆప్షన్స్ కాంట్రాక్టులు ఉన్న వాటితో సహా కొన్ని షేర్లు, వాటి ముగింపు ధరను నిర్ణయించడంలో సహాయపడటానికి క్లోజింగ్ ఆక్షన్‌కు గురవుతాయి. ఎన్ఎస్ఈ, బీఎస్ఈ ఈక్విటీ ఫ్యూచర్స్ అండ్ ఆప్షన్స్‌కు మధ్యాహ్నం 2:20 నుంచి 3:40 గంటల వరకు (IST) ప్రత్యేక సెషన్ ఉంటుంది. కొత్తగా లిస్ట్ అయిన, తక్కువగా ట్రేడ్ అయ్యే కొన్ని షేర్లకు కూడా వేర్వేరు విండోలు ఉంటాయి.

దీపావళి రోజు స్టాక్స్ కొంటే కలిసి వస్తుందని కొందరి నమ్మం అంతే. ఈ కొనుగోలుకు వ్యక్తిగత లేదా మతపరమైన ప్రాముఖ్యత ఉండవచ్చు. కానీ ఇది ఒక సాధారణ పెట్టుబడిగానే పరిగణించాలి. కేవలం ఒక శుభ ముహూర్త సమయంలో కొన్నంత మాత్రాన ఒక షేరు విలువ పెరగదని గుర్తుంచుకోవాలి. దీపావళి సందర్భంగా బ్రోకరజీలు పలు స్టాక్స్ ను సూచిస్తాయి. ఏంజెల్ వన్ రీసెర్చ్ రాబోయే 12 నెలల్లో పెట్టుబడిదారులు గమనించాల్సిన ఎనిమిది స్టాక్‌లను గుర్తించింది. వీటిలో ఆర్థిక సేవలు, ఆరోగ్య సంరక్షణ, వినియోగదారుల ఐచ్ఛికాలు, పారిశ్రామిక, రియల్ ఎస్టేట్, రక్షణ రంగాలు ఉన్నాయి.

దేశ వృద్ధి అవకాశాలు, మెరుగుపడుతున్న ప్రైవేట్ పెట్టుబడులు, నిలకడైన వినియోగం, కార్పొరేట్ ఆదాయాల పునరుద్ధరణ వల్ల భారతీయ ఈక్విటీలు ప్రయోజనం పొందుతాయని ఏంజెల్ వన్ అంచనా వేస్తోంది. సంపత్ 2083 కోసం ఇది సిఫార్సు చేసిన ఎనిమిది స్టాక్‌లలో ఐసిఐసిఐ బ్యాంక్, నార్తర్న్ ఆర్క్ క్యాపిటల్, ఆర్తి ఫార్మాల్యాబ్స్, శాంతి గోల్డ్ ఇంటర్నేషనల్, రత్నవీర్ ప్రెసిషన్ ఇంజనీరింగ్, ఇంజనీర్స్ ఇండియా, ఏజీఐ ఇన్ఫ్రా, అపోలో మైక్రో సిస్టమ్స్ ఉన్నాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.