Multibagger stock: ఇన్వెస్టర్లకు కాసుల వర్షం కురిపించిన మల్టీబ్యాగర్! ఏడాదిలో 164% రిటర్న్స్!

భారత స్టాక్ మార్కెట్‌లో కొన్ని షేర్లు సైలెంట్‌గా దూసుకుపోతూ ఇన్వెస్టర్ల పంట పండిస్తుంటాయి. అలాంటి వాటిలో మల్టీ కమోడిటీ ఎక్స్ఛేంజ్ ఆఫ్ ఇండియా (MCX) ఒకటి. ఈ మల్టీ బ్యాగర్ స్టాక్ (Multibagger stock) గత ఏడాది కాలంలో ఏకంగా 164 శాతం లాభాలను ఇచ్చి ఇన్వెస్టర్లను ఆశ్చర్యపరిచింది. అంటే ఏడాది క్రితం ఎవరైనా లక్ష రూపాయలు పెట్టి ఉంటే, అది ఇప్పుడు దాదాపు రూ. 2.64 లక్షలకు చేరిందన్నమాట. ఇక గత ఐదేళ్ల కాలాన్ని చూస్తే, ఈ స్టాక్ 956 శాతం పైగా పెరిగి అసలైన మల్టీబ్యాగర్‌గా నిలిచింది.

క్యూ4 ఫలితాల జోరు.. కానీ!

ఇటీవల వెల్లడైన నాలుగో త్రైమాసిక (Q4) ఫలితాలు అత్యద్భుతంగా ఉండటంతో ఈ షేరుపై మరింత పాజిటివ్ బజ్ క్రియేట్ అయ్యింది. అయితే, ఇక్కడే నిపుణులు ఒక చిన్న హెచ్చరిక చేస్తున్నారు. ఏడాది కాలంలోనే షేర్ విలువ విపరీతంగా పెరిగిపోవడంతో (Valuations), ఇప్పుడు కొనేవారికి రిస్క్-రివార్డ్ సమానంగా ఉన్నాయని విశ్లేషిస్తున్నారు. అంటే ధర ఇప్పటికే గరిష్ట స్థాయికి చేరిందని, ఇక్కడి నుండి కొత్తగా పెద్ద ఎత్తున పెరగడం కొంచెం కష్టమని కొందరు బ్రోకరేజ్ నిపుణుల అభిప్రాయం.

నిపుణుల టార్గెట్స్ ఇవే..

ఈ స్టాక్ భవిష్యత్తుపై వేర్వేరు బ్రోకరేజ్ సంస్థలు వేర్వేరు అంచనాలను ఇచ్చాయి..

• HDFC సెక్యూరిటీస్: ఈ సంస్థ చాలా పాజిటివ్‌గా ఉంది. ఆప్షన్స్ ట్రేడింగ్‌లో పెరుగుతున్న ఆసక్తి వల్ల ఈ షేర్ రూ. 3,750 మార్కును తాకుతుందని చెబుతూ 'బై' రేటింగ్ ఇచ్చింది.
• ఎలారా సెక్యూరిటీస్: స్టాక్ బాగా పెరిగిందని చెబుతూ తమ రేటింగ్‌ను 'అక్యుములేట్' కి మార్చింది. దీని టార్గెట్ ప్రైస్‌ను రూ. 3,409 గా నిర్ణయించింది.
• ICICI సెక్యూరిటీస్: ప్రస్తుత ధరలోనే భవిష్యత్తు లాభాలన్నీ ఇమిడి ఉన్నాయని చెబుతూ, దీనిని 'హోల్డ్' చేయమని సూచిస్తూ రూ. 3,150 టార్గెట్ ఇచ్చింది.
• మోతీలాల్ ఓస్వాల్: ఈ సంస్థ రూ. 2,850 టార్గెట్‌తో 'న్యూట్రల్' రేటింగ్ ఇచ్చింది.

మల్టీబ్యాగర్ అవ్వడానికి కారణం ఏంటి?

MCX ఇంతలా పెరగడానికి ప్రధాన కారణం ఆప్షన్స్ ట్రేడింగ్‌లో పెరిగిన రిటైల్ ఇన్వెస్టర్ల భాగస్వామ్యం. ముఖ్యంగా బంగారం (Bullion), క్రూడ్ ఆయిల్ (Crude Oil) వంటి విభాగాల్లో ట్రేడింగ్ వాల్యూమ్స్ భారీగా పెరిగాయి. కొత్త టెక్నాలజీ ఇన్వెస్ట్‌మెంట్స్, కొత్త ప్రొడక్టుల లాంచ్ , రెగ్యులేటరీ మార్పులు కూడా ఈ మల్టీ బ్యాగర్ (Multibagger stock) కు రెక్కలు తొడిగాయి.

ఇన్వెస్టర్లు ఏం చేయాలి?

ప్రస్తుతం ఈ షేర్ రూ. 3,200 పై చిలుకు వద్ద ట్రేడ్ అవుతోంది. మార్కెట్ నిపుణుల ప్రకారం, ఇప్పటికే మీ దగ్గర ఈ షేర్లు ఉంటే లాభాలను ఎంజాయ్ చేయండి. కానీ కొత్తగా ఇన్వెస్ట్ చేయాలనుకునే వారు మాత్రం కాస్త జాగ్రత్తగా ఉండాలి. మార్కెట్ వాల్యూయేషన్స్ ఎక్కువగా ఉన్నప్పుడు చిన్న కరెక్షన్ వచ్చే అవకాశం ఉంటుంది. కాబట్టి, దీర్ఘకాలిక లక్ష్యంతో ఆలోచించే వారు మాత్రమే ఈ స్టాక్‌ను పరిశీలించడం మంచిది.