LT Foods: 10 శాతం పెరిగిన ఎల్టీ ఫుడ్స్ స్టాక్.. ఐదేళ్లలో 545 శాతం రాబడి..!
అమెరికాకు చెందిన ప్యాకేజ్డ్ ఫుడ్స్ తయారీ సంస్థ ఎంకే ఫుడ్స్ హోల్డింగ్స్ ఇంక్ను కొనుగోలు చేయనున్నట్లు ఎల్టీ ఫుడ్స్ ప్రకటించింది. దీంతో గురువారం నాడు ఆ సంస్థ షేర్లు 10 శాతం పెరిగాయి. ఈ కొనుగోలుతో అమెరికా మార్కెట్లో కంపెనీ ఉనికి బలపడుతుందని, అలాగే రెడీ-టు-ఈట్, రెడీ-టు-కుక్, రెడీ-టు-హీట్ ఉత్పత్తులకు అదనంగా, భారతీయ స్ఫూర్తితో కూడిన ప్యాకేజ్డ్ ఫుడ్ ఉత్పత్తుల పోర్ట్ఫోలియో విస్తరిస్తుందని భావిస్తున్నారు. బీఎస్ఈలో ఈ షేరు 10 శాతం పెరిగి ఇంట్రాడేలో గరిష్టంగా రూ.461.15కు చేరుకుంది. దీంతో ఇది ఆగస్టు 2026లో నమోదైన తన 52 వారాల గరిష్ట స్థాయి రూ.490.65కు 6 శాతందూరంలోకి వచ్చింది. దీని 52 వారాల కనిష్ట స్థాయి జనవరి 2025లో రూ.332.25గా నమోదైంది.
దావత్, రాయల్ వంటి ప్రముఖ బాస్మతి రైస్ బ్రాండ్లను కలిగి ఉన్న ఎల్టీ ఫుడ్స్ 2026లో ఇప్పటివరకు విస్తృత మార్కెట్ కంటే మెరుగైన పనితీరును కనబరిచింది. ఈ కాలంలో నిఫ్టీ 50 3.7% క్షీణించగా, దీని షేర్లు 16 శాతం లాభపడ్డాయి. ఈ స్టాక్ ఒక నెలలో 8 శాతం, మూడు నెలల్లో 2 శాతం, ఆరు నెలల్లో 6.5 శాతం పెరిగింది. గత ఏడాది కాలంలో ఇది 8 శాతం రాబడిని అందించగా మూడేళ్లలో పెట్టుబడిదారులు 121 శాతం పెరిగింది. ఐదేళ్ల కాలంలో 545 శాతం రాబడి ఇచ్చింది. ఎల్టి ఫుడ్స్ ఎంకె ఫుడ్స్ హోల్డింగ్స్ ఇంక్ను $5.8 మిలియన్లు అంటే దాదాపుగా రూ.54.2 కోట్లకు సమానమైన ధరకు కొనుగోలు చేయనుంది.

ప్రీమియం ఇండియన్-ప్రేరిత ప్యాకేజ్డ్ ఫుడ్ బ్రాండ్ అయిన మాయా కైమల్ను కలిగి ఉన్న ఎంకె ఫుడ్స్ హోల్డింగ్స్లో 100 శాతం వాటాను కొనుగోలు చేయడానికి కంపెనీ యుఎస్ అనుబంధ సంస్థ, ఎల్టి ఫుడ్స్ అమెరికాస్ ఇంక్ ఒక ఒప్పందం కుదుర్చుకుంది. ఈ లావాదేవీ మూడు నెలల్లో పూర్తవుతుందని భావిస్తున్నట్లు ఎల్టి ఫుడ్స్ పేర్కొంది. ఎంకే ఫుడ్స్ తన పూర్తి యాజమాన్యంలోని అనుబంధ సంస్థ అయిన మాయా కైమల్ ఫుడ్స్ LLC ద్వారా, ఎక్కువ కాలం నిల్వ ఉండే సాస్లు, తక్షణమే తినడానికి వీలైన కూరలు, అన్నం ఉత్పత్తులతో సహా, భారతీయ శైలిలో తయారుచేసిన అనేక రకాల ప్రీమియం ప్యాకేజ్డ్ ఆహార ఉత్పత్తులను అందిస్తుంది.
ఈ కొనుగోలు తమ రెడీ-టు-ఈట్ (RTE), రెడీ-టు-కుక్ (RTC), రెడీ-టు-హీట్ (RTH) ఉత్పత్తి పోర్ట్ఫోలియోను బలోపేతం చేసే దిశగా ఒక ముఖ్యమైన వ్యూహాత్మక అడుగు అని ఎల్టి ఫుడ్స్ తెలిపింది. ఎల్టి ఫుడ్స్కు యూఎస్ వ్యూహాత్మకంగా ఒక ముఖ్యమైన వృద్ధి మార్కెట్గా మిగిలి ఉందని ఎల్టి ఫుడ్స్ యాజమాన్యం పేర్కొంది.
డిస్క్లైమర్: ఈ వెబ్సైట్లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్సైట్లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.


Click it and Unblock the Notifications