Jio: గురువారం 5 శాతం పెరిగిన జియో ప్లాట్‌ఫామ్స్.. ఐపీఓ వచ్చిన వారికి పండగే..!

ముఖేష్ అంబానీకి చెందిన టెలికాం, డిజిటల్ విభాగం జియో ప్లాట్‌ఫామ్స్ తన $3.2 బిలియన్ల ఐపీఓ తర్వాత బుధవారం నాడు ఎన్‌ఎస్‌ఈ, బీఎస్‌ఈలలో రూ.1,358 వద్ద లిస్ట్ అయిన సంగతి తెలిసిందే. ఇది రూ.1,119 ఆఫర్ ధర కంటే 21.36 శాతం ప్రీమియంలో లిస్ట్ అయింది. ఆ తర్వాత కూడా షేర్లు పెరిగాయి. గురువారం నాడు ఈ స్టాక్ తన లాభాల జోరును కొనసాగించి 5 శాతం పెరిగి రూ.1,489.70కి చేరుకుంది. ఈ కంపెనీ ఇప్పుడు మెటా, అలీబాబా వంటి ప్రపంచ టెక్నాలజీ దిగ్గజాలైన $100 బిలియన్ల ఎలైట్ క్లబ్‌లో చేరింది. అలాగే ప్రపంచవ్యాప్తంగా ఆరవ అత్యంత విలువైన టెలికాం సంస్థగా నిలిచింది.

ఈ ఐపీఓకు భారీగా డిమాండ్ వచ్చింది. ఈ నేపథ్యంలో మంచి లిస్టింగ్ ఉంటుందని భావించారు. జియో బుక్-బిల్డ్ ఇష్యూ విలువ రూ. 30,187.65 కోట్లు కాగా, దీనికి 22.19 రెట్లు అధికంగా సబ్‌స్క్రిప్షన్ లభించింది. మొదటి రోజే, కేవలం 100 నిమిషాల్లోనే ఇది పూర్తిగా సబ్‌స్క్రయిబ్ అయింది. మ్యూచువల్ ఫండ్స్, బీమా సంస్థల వంటి పెద్ద సంస్థాగత పెట్టుబడిదారులు తమకు కేటాయించిన వాటాలన్నింటినీ మొదటి 10 నిమిషాల్లోనే దక్కించుకున్నాయి. దశాబ్దం క్రితం, ఈ కంపెనీ టెలికాం రంగంలో ఒక విప్లవాత్మక సంస్థగా తన ప్రస్థానాన్ని ప్రారంభించింది. జియో మీకు ఉచిత సిమ్ ఇచ్చిన విషయం గుర్తుందా? దలాల్ స్ట్రీట్‌లోకి దాని ప్రవేశం ఆ ప్రయాణంలో ఒక సరికొత్త మైలురాయిని సూచిస్తుంది.

కంపెనీ పని తీరు స్టాక్ ప్రైస్ మూమెంటం ఉంటుందని నిపుణులు చెబుతున్నారు. కాగా యాంకర్ ఇన్వెస్టర్లకు జియో ఐపీఓ కోసం ఎగపడిన సంగతి తెలిసింది. వాల్యూవేషన్ పరంగా చూస్తే ఎయిర్ టెల్ తో పోలిస్తే జియో వాల్యూవేషన్ ఎక్కువగా ఉందని నిపుణులు చెబుతున్నారు. కాగా జియో ఐపీఓ అక్టోబర్ 21 ప్రారంభం అయింది. అక్టోబర్ 23న ముగిసింది. అక్టోబర్ 26న షేర్లు కేటాయింపు జరిగింది. అక్టోబర్ 27న షేర్లు క్రెడిట్ అయ్యాయి. ఐపీఓ రాని వారికి రీఫండ్ చేశారు. బుధవారం షేర్లు ఎక్సేంజ్ ల్లో లిస్ట్ అయ్యాయి. జియో లిస్టింగ్, మార్కెట్ విలువ పరంగా భారతదేశపు అతిపెద్ద సమ్మేళన సంస్థగా ఉన్న టాటా గ్రూప్‌ను కూడా అధిగమించింది. లిస్టింగ్ రోజున ఈ స్టాక్ 27 శాతం పెరిగింది.

దీంతో కంపెనీ విలువ ₹13.05 ట్రిలియన్లకు పైగా చేరింది. దీని మాతృ సంస్థ రిలయన్స్ ఇండస్ట్రీస్ రూ.15.80 ట్రిలియన్ల మార్కెట్ క్యాపిటలైజేషన్‌తో భారతదేశంలో అత్యంత విలువైన కంపెనీగా కొనసాగుతోంది. మోతీలాల్ ఓస్వాల్ ఫైనాన్షియల్ సర్వీసెస్ (MOFSL), ఎలారా క్యాపిటల్‌తో సహా పలు బ్రోకరేజ్ సంస్థలు, లిస్టింగ్ రోజే జియో ప్లాట్‌ఫామ్స్‌పై సానుకూల అభిప్రాయాలతో కవరేజీని ప్రారంభించాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.