IT Stocks: దూసుకెళ్తున్న ఐటీ స్టాక్స్.. 6 శాతం పెరిగిన టీసీఎస్..!

దేశీయ ఐటీ దిగ్గజం టీసీఎస్ అంచనాలకు మించిన సెప్టెంబర్ త్రైమాసిక (Q2FY27) ఫలితాలను ప్రకటించడంతో అక్టోబర్ 9, శుక్రవారం ఉదయం ట్రేడింగ్‌లో ఐటీ స్టాక్‌లు భారీగా పెరిగాయి. దీంతో వాటి రంగ సూచీ నిఫ్టీ ఐటీ 3 శాతం పైగా పెరిగింది. ఉదయం ట్రేడింగ్‌లో నిఫ్టీ ఐటీ 3% పైగా ఎగబాకింది. ఇందులో టీసీఎస్ దాదాపు 6 శాతం పెరిగి ముందంజలో ఉంది. గురువారం టీసీఎస్ రెండో త్రైమాసిక ఆదాయం రూ.73,188 కోట్లుగా ప్రకటించింది. ఇది గతేడాదితో పోలిస్తే (YoY) 11.20% అధికం. ఏకీకృత నికర లాభం గతేడాదితో పోలిస్తే 15% పెరిగి రూ.13,884 కోట్లకు చేరింది. ఉపాధి ఆధారిత గ్రీన్ కార్డ్ కార్యక్రమం నుండి తమను, ఇతర ప్రధాన ఐటీ సంస్థలను అమెరికా ప్రభుత్వం సస్పెండ్ చేసినప్పటికీ, తమ ఉద్యోగుల వ్యూహంపై గానీ, క్లయింట్లతో ఒప్పందాలపై గానీ ఎలాంటి ప్రభావం ఉండదని తాము భావిస్తున్నట్లు టీసీఎస్ తెలిపింది.

శుక్రవారం ఉదయం ట్రేడింగ్‌లో ఇన్ఫోసిస్, ఎల్‌టిఎమ్, విప్రో, ఎంఫసిస్, హెచ్‌సిఎల్, ఒరాకిల్, టెక్ మహీంద్రా మరియు కోఫోర్జ్ షేర్లన్నీ పెరిగాయి. టిసిఎస్ షేరు ధర దాదాపు 6% పెరిగి, నిఫ్టీ ఐటి సూచీలో అతిపెద్ద లాభాన్ని నమోదు చేసింది. విప్రో, కోఫోర్జ్, పెర్సిస్టెంట్ సిస్టమ్స్, ఎల్‌టిఎమ్, ఎంఫసిస్ షేర్లు దాదాపు 4 శాతం చొప్పున పెరిగాయి. ఇన్ఫోసిస్ షేరు ధర 3 శాతానికి పైగా పెరిగింది. టెక్ మహీంద్రా, హెచ్‌సిఎల్ టెక్ షేర్లు దాదాపు 3% చొప్పున పెరిగాయి. ఉదయం సెషన్‌లో ఒరాకిల్ ఫైనాన్షియల్ సర్వీసెస్ సాఫ్ట్‌వేర్ (ఓఎఫ్‌ఎస్‌ఎస్) షేరు ధర 2% పైగా పెరిగింది.

స్థూల ఆర్థిక ఒత్తిళ్లు, వడ్డీ రేట్ల పెంపు, ఏఐ సంబంధిత అంతరాయాలు, భౌగోళిక రాజకీయ ప్రతికూలతల కారణంగా, క్యూ2ఎఫ్‌వై27లో డిమాండ్ గణాంకాలు బలహీనంగానే కొనసాగుతాయని బ్రోకరేజ్ సంస్థ మోతీలాల్ ఓస్వాల్ ఫైనాన్షియల్ సర్వీసెస్ అంచనా వేస్తోంది. Q2FY27 ఫలితాలు మందకొడి స్థూల ఆర్థిక వాతావరణాన్ని ప్రతిబింబించవచ్చని అంచనా వేసింది. లార్జ్-క్యాప్ కంపెనీలకు త్రైమాసిక ప్రాతిపదికన స్థిర కరెన్సీ (CC) వృద్ధి -0.5% నుంచి 3.0% పరిధిలో ఉంటుందని పేర్కొంది. మిడ్-క్యాప్ కంపెనీలు మరోసారి మెరుగైన పనితీరును కనబరచవచ్చని తెలిపింది. వాటి వృద్ధి దాదాపు స్థిరంగా (ఫ్లాట్) నుంచి 12% వరకు ఉండవచ్చని తెలిపింది.

జాగ్రత్తతో కూడిన డిమాండ్ వాతావరణం మధ్య Q2FY27లో ఐటీ సేవల వృద్ధి మితంగానే ఉండవచ్చని యాక్సిస్ సెక్యూరిటీస్ పేర్కొంది. పెద్ద డీల్స్ వేగవంతం కావడం, ఫలితాల ఆధారిత ఒప్పందాలు,ఏఐ-ఆధారిత వ్యయం వంటివి ఈ వృద్ధికి పాక్షికంగా మద్దతు ఇవ్వవచ్చని అంచనా వేసింది. వేతనాల పెంపు, ఏఐ పెట్టుబడులు, ఒప్పందాల వేగవంతం, కొనుగోలు ఖర్చుల ప్రభావంతో మార్జిన్లు మిశ్రమంగా కొనసాగుతాయని అంచనా వేస్తున్నప్పటికీ, భారత రూపాయి విలువ తరుగుదల, ఉత్పాదకత లాభాల వల్ల ఇది పాక్షికంగా భర్తీ అవుతుందని యాక్సిస్ సెక్యూరిటీస్ పేర్కొంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.