IT Stocks: రాణిస్తున్న ఐటీ స్టాక్స్.. ఇప్పుడు పెట్టుబడి పెట్టొచ్చా..!

భారత్-అమెరికా వాణిజ్య ఒప్పందంపై నెలకొన్న సానుకూల వాతావరణం నేపథ్యంలో బుధవారం ఉదయం ట్రేడింగ్ నుంచి భారత ఐటీ స్టాక్‌లు పుంజుకున్నాయి. ప్రముఖ భారత ఐటీ దిగ్గజాలైన టాటా కన్సల్టెన్సీ సర్వీసెస్ (టీసీఎస్), ఇన్ఫోసిస్, హెచ్‌సీఎల్ టెక్నాలజీస్, విప్రో, టెక్ మహీంద్రా మొదలైన వాటి షేర్లు భారీగా పెరిగాయి. అయితే, ఇంట్రాడే సెషన్‌లో 10% వరకు పెరిగిన ఎల్&టి టెక్నాలజీస్ సర్వీసెస్ షేర్లు బుల్స్ దృష్టిని ఎక్కువగా ఆకర్షించాయి. గురువారం మాత్రం అమ్మకాల ఒత్తిడి ఎదుర్కుంటున్నాయి. భారత ఐటీ స్టాక్‌లలో ఈ భారీ ర్యాలీకి భారత్-అమెరికా వాణిజ్య ఒప్పందంపై నెలకొన్న సానుకూల వాతావరణమే కారణం.

భారత రూపాయి స్థిరంగా ఉండటం, ఏఐ రంగంలో నెలకొన్న సంక్షోభం కూడా భారత స్టాక్‌ల పునరుజ్జీవనానికి ఆజ్యం పోస్తున్నాయని నిపుణులు చెబుతున్నారు. భారత ఐటీ స్టాక్‌లలో పునరుజ్జీవన ర్యాలీకి భారత్-అమెరికా వాణిజ్య ఒప్పందమే ప్రధాన కారణమని పేర్కొంటున్నారు. అమెరికా విదేశాంగ కార్యదర్శి మార్కో రూబియో భారత పర్యటన, ఓవల్ ఆఫీస్‌లో డొనాల్డ్ ట్రంప్ చేసిన ప్రకటన భారత్-అమెరికా వాణిజ్య ఒప్పందంపై సానుకూల వాతావరణాన్ని సృష్టించాయి. భారత్, అమెరికా ఒక వాణిజ్య ఒప్పందానికి 'చాలా దగ్గరగా' ఉన్నాయని, ఇది గత ఒప్పందాల కన్నా చాలా భిన్నంగా ఉంటుందని అమెరికా అధ్యక్షుడు చెప్పారు. అమెరికా విదేశాంగ కార్యదర్శి మార్కో రూబియో కూడా సమీప భవిష్యత్తులో ఈ ఒప్పందం కుదురుతుందని సంకేతాలు ఇచ్చారు.

ట్రంప్ సుంకాల తర్వాత ఈ ఒప్పందం స్పష్టతను అందిస్తుంది కాబట్టి, భారత్-అమెరికా వాణిజ్య ఒప్పందం భారత ఐటీ కంపెనీలకు ఒక సానుకూల పరిణామమని నిపుణులు పేర్కొంటున్నారు. ఐటీ స్టాక్స్ ర్యాలీకి భారత రూపాయి స్థిరత్వం కూడా ఒక కారణంగా చెబుతున్నారు. భారతీయ ఐటీ కంపెనీలు యూఎస్ డాలర్ (USD) రూపంలో లావాదేవీలు జరుపుతాయి కాబట్టి, భారత రూపాయి నిరంతరం క్షీణించడం వారి సేవల ధరల విషయంలో అనిశ్చితిని సృష్టించినందున, స్థానిక కరెన్సీ స్థిరంగా ఉండటం వల్ల ఒప్పందాల గెలుపుపై మెరుగైన రాబడులు లభిస్తాయని భావిస్తున్నారు.

ఏఐ పతనం గురించి ప్రచారం జరుగుతున్నప్పటికీ, ఏఐ-ఆధారిత ఆస్తుల నుంచి పెట్టుబడులను ఉపసంహరించుకుంటున్న వారు ఇప్పుడు తమ డబ్బును వర్ధమాన మార్కెట్ల వైపు మళ్లిస్తున్నారని చెబుతున్నారు. కాగా ఐటీ కంపెనీల త్రైమాసిక ఫలితాలు అంచనాలకు మించి ఉండడం కూడా ఐటీ స్టాక్స్ రాణిస్తున్నాయని అంచనా వేస్తున్నారు. టీసీఎస్, హెచ్ సీఎల్ టెక్, ఎల్ అండ్ టీ టెక్నాలజీ సర్వీస్ ఫలితాలు అంచనాలకు మించి వచ్చాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.