Hospital Stocks: ఆస్పత్రి స్టాక్‎ల్లో ఇప్పుడు పెట్టుబడి పెట్టొచ్చా.. నిపుణులు ఏం చెబుతున్నారు..!

ఇండియాలో కొన్ని వ్యాపారాలకు డిమాండ్ తగ్గదు. ముఖ్యంగా విద్య, వైద్యం ఇప్పుడు వ్యాపారంగా మారిపోయాయి. పిల్లలకు మంచి చదువులు కావాలని మంచి స్కూళ్లలో చదివిస్తుంటారు. అలాగే ఆరోగ్యం బాగా లేకుంటే డబ్బును లెక్క చేయకుండా చికిత్స చేయిస్తుంటారు. ఈ నేపథ్యంలోనే హాస్పిటల్ స్టాక్స్ పై చాలా మంది కన్నేశారు. ప్రస్తుతం చాలా ఆస్పత్రి స్టాక్స్ అధిక వాల్యూవేషన్ లో కొనసాగుతున్నాయి. ఈ క్రమంలోనే సుప్రీం కోర్టు వ్యాఖ్యలు.. ఈ స్టాక్స్ లో ఒత్తిడిని పెంచాయి. మందులు, వైద్య వినియోగ వస్తువులపై ధరల నియంత్రణకు సంబంధించిన ఆందోళనలు కఠినమైన నియంత్రణలుగా మారితే, భారతీయ ఆసుపత్రి స్టాక్‌లు మరింత లోతైన వాల్యుయేషన్ రీసెట్‌ను ఎదుర్కోవచ్చని నిపుణులు అంచనా వేశారు.

ఈ రంగంలోని అధిక వాల్యుయేషన్లు మార్జిన్ ఒత్తిడికి పెద్దగా ఆస్కారం ఇవ్వవని బ్రోకరేజ్ సంస్థలు చెబుతున్నాయి. ఆసుపత్రుల లాభదాయకత గరిష్ట స్థాయికి చేరుకుందని ఇప్పటికే సూచిస్తున్న అనేక నిర్మాణాత్మక ఒత్తిళ్లకు, ఇటీవలి సుప్రీంకోర్టు వ్యాఖ్యలు మరింత ఆజ్యం పోయవచ్చని అంచనా వేస్తున్నారు. సెప్టెంబర్ 30న ఆసుపత్రి స్టాక్‌లలో భారీ అమ్మకాలు జరిగాయి. అపోలో హాస్పిటల్స్ 6 శాతం, ఫోర్టిస్ హెల్త్‌కేర్ 6 శాతం పడిపోగా, మణిపాల్, మాక్స్ హెల్త్‌కేర్, ఆస్టర్ డిఎమ్ స్టాక్‌లు సుమారు 5 శాతం చొప్పున తగ్గాయి. మెదాంత 4 శాతం, కిమ్స్ 3 శాతం పడిపోయాయి.

అయినప్పటికీ ఆస్పత్రి స్టాక్స్ అధిక వాల్యూవేషన్ లోనే ఉన్నాయని చెబుతున్నారు. ఇప్పుడు ఆస్పత్రుల స్టాక్స్ లో పెట్టుబడి పెట్టాలంటే.. ఇంకా ఆగాల్సిందేనని నిపుణులు చెబుతున్నారు. అధిక మొత్తంలో కాకుండా క్రమ క్రమంగా పెట్టుబడి పెడితే మంచిదని నిపుణులు సూచిస్తున్నారు. గత ఐదేళ్లలో భారతీయ ఆసుపత్రి స్టాక్‌లు తీవ్రమైన రీ-రేటింగ్‌కు గురయ్యాయి. డిసెంబర్ 2019 నుంచి సెప్టెంబర్ 2026 మధ్య భారతీయ ఆసుపత్రుల సగటు వాల్యుయేషన్ మల్టిపుల్ 81 శాతం పెరిగిందని గుర్తు చేస్తున్నారు. అదే కాలంలో అంతర్జాతీయ ఆసుపత్రుల సగటు వాల్యుయేషన్ మల్టిపుల్ 30 శాతం తగ్గింది.

ప్రస్తుతం హాస్పిటల్ స్టాక్‌లు 20ల మధ్య నుండి అధిక స్థాయి EV/EBITDA వద్ద ట్రేడ్ అవుతున్నాయని నిపుణులు గుర్తు చేస్తున్నారు. అయితే వాటి సరసమైన విలువ సుమారు 20x EV/EBITDA వద్ద ఉంటుందని పేర్కొన్నారు. నియంత్రణలు ప్రారంభంలో ఆసుపత్రుల లాభదాయకతను ఎలా దెబ్బతీస్తాయో లేదో చూడాలని పేర్కొన్నారు. 2017లో కరోనరీ స్టెంట్లపై విధించిన ధరల పరిమితి విధించారు. స్టెంట్ ధరల పరిమితి తరువాత FY18లో అపోలో హాస్పిటల్స్ ప్రతి త్రైమాసికానికి సుమారు రూ.10 కోట్ల ఆదాయం, ఎబిట్డా A తగ్గుదలను చవిచూసింది. దాని ఎబిట్డా మార్జిన్ FY17లో 12 శాతం నుంచి FY18లో 11.6 శాతానికి తగ్గింది. ఆస్పత్రుల స్టాక్స్ కంటే డయాగ్నోస్టిక్స్, ఫార్మసీ కంపెనీల్లో పెట్టుబడి పెట్టొచ్చని చెబుతున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.