ఇన్వెస్టర్లకు బిగ్ అలర్ట్.. స్టాక్ మార్కెట్‌కి మార్చి నెలలో 12 రోజులు సెలవులు... పూర్తి లిస్ట్ ఇదిగో..

భారత స్టాక్ మార్కెట్ మార్చి నెలలో దాదాపు సగం రోజుల పాటు మూతపడనుంది. స్టాక్ మార్కెట్ చరిత్రలో ఒకే నెలలో ఎక్కువ రోజులు మార్కెట్ మూసివేయబడటం చాలా అరుదైన విషయం. అయితే మార్చి 2026 లో ఇదే జరగబోతోంది. సాధారణ వారాంతాలకే కాకుండా అదనంగా మూడు ట్రేడింగ్ సెలవులు రావడంతో, మొత్తం నెలలో 12 రోజులు బీఎస్ఈ, ఎన్ఎస్ఈలో ట్రేడింగ్ ఉండదు.

అంటే దాదాపు 40 శాతం సమయం మార్కెట్లో ఎటువంటి కార్యకలాపాలు జరగవు. ఇది ముఖ్యంగా యాక్టివ్ ట్రేడర్లు, డెరివేటివ్ ప్లేయర్లు, షార్ట్ టర్మ్ ఇన్వెస్టర్లకు ముందుగా తెలుసుకోవాల్సిన కీలక సమాచారం.

మార్చి 2026 లో నాలుగు శనివారాలు, ఐదు ఆదివారాలు ఉన్నాయి. ఈ కారణంగా సాధారణంగా ఉండే వారపు సెలవులే తొమ్మిది రోజులు అవుతాయి. వీటితో పాటు ట్రేడింగ్ హాలిడే క్యాలెండర్ ప్రకారం మరో మూడు ప్రధాన పండుగల రోజుల్లో కూడా Stock Market లు పూర్తిగా మూసివేయబడతాయి. ఈ మూడు ప్రత్యేక ట్రేడింగ్ సెలవులు మార్చి 3, మార్చి 26, మార్చి 31 తేదీల్లో వస్తాయి. ఈ రోజుల్లో ఈక్విటీ, డెరివేటివ్స్, కరెన్సీ సెగ్మెంట్లు అన్నీ మూసివుంటాయి. ఒక్క ట్రాన్సాక్షన్ కూడా జరగదు.

మార్చి 3, 2026 మంగళవారం హోలీ పండుగ సందర్భంగా మార్కెట్‌కు సెలవు ప్రకటించారు. హోలికా దహన్ తరువాతి రోజే హోలీ కావడంతో.. దేశవ్యాప్తంగా వేడుకలు జరగనున్నాయి. ఈ రోజున Bombay Stock Exchange, National Stock Exchange రెండూ పూర్తిగా మూసివుంటాయి. అయితే మరుసటి రోజు అయిన మార్చి 4న మార్కెట్లు తిరిగి సాధారణ సమయానికి తెరుచుకుంటాయి. ఉదయం 9:15 గంటలకు ట్రేడింగ్ ప్రారంభమై మధ్యాహ్నం 3:30 వరకు కొనసాగుతుంది. చాలా ప్రాంతాల్లో ఆ రోజు కూడా హోలీ సంబరాలు కొనసాగుతున్నా, మార్కెట్ మాత్రం పూర్తిగా యాక్టివ్‌గా ఉంటుంది.

Stock market: స్టాక్ మార్కెట్ ఇకపై 24 గంటలూ పనిచేస్తుందా? ఇది సాధ్యమేనా? ఇన్వెస్టర్లు ఏమంటున్నారు?

తర్వాతి ట్రేడింగ్ సెలవు మార్చి 26న వస్తుంది. ఈ రోజు రామనవమి పండుగ సందర్భంగా మార్కెట్ మూసివేయబడుతుంది. రాముడి జన్మదినంగా పరిగణించే ఈ పండుగ దేశవ్యాప్తంగా పెద్ద ఎత్తున జరుపుకుంటారు. ఈ కారణంగా ట్రేడింగ్‌కు విరామం ఇవ్వబడింది. నెల చివర్లో మరో ముఖ్యమైన సెలవు మార్చి 31న ఉంటుంది. ఆ రోజు శ్రీ మహావీర్ జయంతి సందర్భంగా మార్కెట్లు మూసివుంటాయి. ఇది ఆర్థిక సంవత్సరం ముగింపు సమయానికి దగ్గరగా ఉండటం వల్ల ఇన్వెస్టర్లకు మరింత ప్రాధాన్యం సంతరించుకుంటోంది.

ఈ పరిస్థితుల్లో ట్రేడర్లు, పెట్టుబడిదారులు ముందస్తు ప్రణాళిక తప్పనిసరిగా చేయాలి. ప్రత్యేకంగా షార్ట్ టర్మ్ ట్రేడింగ్, ఆప్షన్స్ ఎక్స్‌పైరీలకు సంబంధించిన పొజిషన్లు, పోర్ట్‌ఫోలియో రీబ్యాలెన్సింగ్ వంటి పనులు సెలవుల ముందు పూర్తిచేయడం మంచిది. ఉదాహరణకు హోలీ సెలవుకు ముందు మార్చి 2 నాటికి అవసరమైన ట్రేడింగ్ పూర్తి చేసుకోవాలి. సెలవు రోజుల్లో ఎలాంటి కొనుగోలు లేదా అమ్మకాలు సాధ్యం కావు కాబట్టి, ఆలస్యం జరిగితే అవకాశాలు చేజారే ప్రమాదం ఉంది.

క్లుప్తంగా చూసినట్లయితే.. మార్చి 2026 భారత స్టాక్ మార్కెట్‌కు చాలా ప్రత్యేకమైన నెలగా నిలవనుంది. ఒకే నెలలో 12 రోజులు ట్రేడింగ్ లేకపోవడం అరుదైన పరిణామం. అందుకే ఈ నెలలో మార్కెట్‌లో ఉన్నవారంతా క్యాలెండర్‌ను దృష్టిలో ఉంచుకుని, తమ పెట్టుబడి నిర్ణయాలను జాగ్రత్తగా తీసుకోవడం అత్యంత అవసరం.