HCL Tech: హెచ్‌సీఎల్ టెక్నాలజీస్ ఫలితాలు.. రూ.12 డివిడెండ్ ప్రకటన..

ప్రముఖ ఐటీ సేవల సంస్థ హెచ్‌సీఎల్ టెక్నాలజీస్ సెప్టెంబర్ 30, 2026తో ముగిసిన త్రైమాసికానికి రూ. 5,132 కోట్ల ఏకీకృత నికర లాభాన్ని అక్టోబర్ 12న ప్రకటించింది. ఈ లాభం గత త్రైమాసికం కంటే 11 శాతం ఎక్కువ. గత త్రైమాసికంలో ఈ సంస్థ రూ. 4,626 కోట్ల నికర లాభాన్ని నివేదించింది. గతేడాదితో పోలిస్తే (YoY) నికర లాభం 21.2 శాతం పెరిగింది. ఈ ఐటీ కంపెనీ కార్యకలాపాల ద్వారా వచ్చే ఆదాయం Q1FY27లోని రూ. 34,579 కోట్ల నుంచి Q2FY27లో 3 శాతం పెరిగి రూ. 35,620 కోట్లకు చేరింది. గతేడాదితో పోలిస్తే (YoY), ఆదాయం 11.5 శాతం పెరిగింది. Q2లో నిర్వహణ మార్జిన్లు 18.2 శాతంగా ఉన్నాయి. ఇది త్రైమాసికంతో పోలిస్తే (QoQ) 131 బేసిస్ పాయింట్లు, గతేడాదితో పోలిస్తే (YoY) 71 బేసిస్ పాయింట్లు పెరిగింది.

ఈ కంపెనీ అధునాతన ఏఐ ద్వారా $219 మిలియన్ల ఆదాయాన్ని నివేదించింది. ఇది త్రైమాసికంతో పోలిస్తే (QoQ) 28.4 శాతం, గతేడాదితో పోలిస్తే (YoY) 78 శాతం పెరిగింది. ఫలితంగా, HCLTech తన పూర్తి సంవత్సర ఆదాయ వృద్ధి అంచనాను గతంలో ఉన్న 1-4 శాతం నుంచి 2.5 - 4 శాతానికి తగ్గించింది. తద్వారా అంచనాలోని దిగువ స్థాయిని పెంచింది. FY27 పూర్తి సంవత్సరానికి నిర్దేశించిన ఆపరేటింగ్ మార్జిన్‌ను 17.5 - 18.5 శాతంగానే కొనసాగించింది. మెర్సిడెస్-బెంజ్ నుంచి వచ్చిన $1.14 బిలియన్ల మెగా AI డీల్‌తో సహా, Q2లో కంపెనీ నికర కొత్త డీల్ విజయాలు $3.24 బిలియన్ల వద్ద బలంగా నిలిచాయి.

తాము $3.3 బిలియన్ల కొత్త బుకింగ్‌లతో ఒక బలమైన త్రైమాసికాన్ని అందించామని హెచ్‌సీఎల్ టెక్నాలజీస్ సీఈఓ, ఎండీ సి విజయ్ కుమార్ అన్నారు. ఇది గత ఏడాదితో పోలిస్తే 27% ఎక్కువ. దీంతో మొదటి అర్ధభాగ బుకింగ్‌లు రికార్డు స్థాయికి చేరుకున్నాయన్నారు. EBIT మార్జిన్ త్రైమాసికంతో పోలిస్తే 131 బేసిస్ పాయింట్లు పెరిగి 18.2%కి చేరుకుందని పేర్కొన్నారు. సేవల రంగం త్రైమాసికంతో పోలిస్తే 3.0% వృద్ధి చెందింది, అన్ని రంగాలలో మరియు భౌగోళిక ప్రాంతాలలో వృద్ధి నమోదైంది. మొత్తం ఆదాయం త్రైమాసికంతో పోలిస్తే 2.3% పెరిగింది. స్థిర కరెన్సీలో అడ్వాన్స్‌డ్ ఏఐ ఆదాయం త్రైమాసిక ప్రాతిపదికన 28.4% మరియు వార్షిక ప్రాతిపదికన 78.0% వృద్ధి చెందింది.

తమ ఏఐ ప్రతిపాదనలు మా క్లయింట్‌లకు బాగా నచ్చుతున్నాయని విజయ్ అన్నారు. ఇది తమ వృద్ధి పథంపై తమకు విశ్వాసాన్ని ఇస్తోందన్నారు. భద్రత, సైబర్‌సెక్యూరిటీ, పాలనపై దృష్టి సారించి, ప్రపంచవ్యాప్తంగా ఉన్న సంస్థలలో ఏజెంటిక్ ఏఐ వినియోగాన్ని వేగవంతం చేయడానికి, హెచ్‌సీఎల్‌టెక్ ఆర్టిఫిషియల్ ఇంటెలిజెన్స్ కంపెనీ ఆంత్రోపిక్‌తో గ్లోబల్ ప్రీమియర్ భాగస్వామ్యాన్ని కూడా ప్రకటించింది. ఈ ఐటీ కంపెనీ రూ. 2 ముఖ విలువ గల ప్రతి ఈక్విటీ షేరుకు రూ. 12 మధ్యంతర డివిడెండ్‌ను ప్రకటించింది. అక్టోబర్ 12న హెచ్‌సీఎల్ టెక్ షేర్లు 0.5% పెరిగి ఒక్కో షేరుకు రూ. 1,223 వద్ద ముగిశాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.