మీ అకౌంట్లోకి ఉచితంగా డబ్బులు.. ఈ వారం డివిడెండ్ ఇవ్వబోతున్న టాప్ షేర్లు ఇవే!

స్టాక్ మార్కెట్ (Stock Market) ఇన్వెస్టర్లకు ఈ వారం చాలా బిజీగా మారబోతోంది. మన దేశంలోని కొన్ని పెద్ద పెద్ద దిగ్గజ కంపెనీలు తమ షేర్‌హోల్డర్లకు డివిడెండ్ (లాభాల్లో వాటా) రూపంలో అదనపు ఆదాయాన్ని పంచేందుకు సిద్ధమయ్యాయి. జూన్ 1 నుండి జూన్ 5 మధ్య రిలయన్స్ ఇండస్ట్రీస్, సిప్లా, బ్యాంక్ ఆఫ్ బరోడా వంటి ప్రముఖ కంపెనీల షేర్లు 'ఎక్స్-డివిడెండ్' (Ex-Dividend) గా మారబోతున్నాయి. అంటే, ఈ కంపెనీల నుండి డివిడెండ్ డబ్బులు పొందాలనుకుంటే.. ఎక్స్-డేట్ కంటే ముందే ఇన్వెస్టర్లు ఆ షేర్లను కొనుగోలు చేయాల్సి ఉంటుంది.

జూన్ 5న మార్కెట్ దిగ్గజాల సందడి!

ఈ వారంలో అత్యంత కీలకమైన రోజు జూన్ 5. ఎందుకంటే దేశంలోనే నంబర్ వన్ కంపెనీ అయిన రిలయన్స్ ఇండస్ట్రీస్ లిమిటెడ్ ఆ రోజున ఎక్స్-డివిడెండ్‌గా మారనుంది. ఒక్కో షేరుపై రూ. 6 ఫైనల్ డివిడెండ్‌ను కంపెనీ ప్రకటించింది. రాబోయే వార్షిక సర్వసభ్య సమావేశంలో దీనికి ఆమోదం లభించనుంది.

అదే రోజున ప్రముఖ ఫార్మా కంపెనీ 'సిప్లా' కూడా ఒక్కో షేరుకు రూ. 13 చొప్పున భారీ డివిడెండ్ ఇవ్వబోతోంది. అలాగే ప్రభుత్వ రంగ బ్యాంకింగ్ దిగ్గజం 'బ్యాంక్ ఆఫ్ బరోడా' ఒక్కో షేరుకు రూ. 8.50, , హెచ్‌డీఎఫ్‌సీ అసెట్ మేనేజ్‌మెంట్ కంపెనీ (HDFC AMC) ఏకంగా రూ. 54 భారీ డివిడెండ్‌ను జూన్ 5న చెల్లించేందుకు సిద్ధమయ్యాయి.

జూన్ 1 నుండి జూన్ 3 వరకు ఏ ఏ షేర్లు ఉన్నాయి?

ఈ వారం ప్రారంభంలోనే అంటే జూన్ 1వ తేదీన ప్రముఖ ఎఫ్‌ఎమ్‌సీజీ కంపెనీ కోల్‌గేట్-పామోలివ్ ఒక్కో షేరుపై రూ. 24 మధ్యంతర డివిడెండ్‌తో ఎక్స్-డేట్‌గా మారింది. కెమికల్స్ తయారీ సంస్థ ఎపిగ్రాల్ లిమిటెడ్ కూడా రూ. 5 డివిడెండ్‌తో రేసులో ఉంది.

ఇక జూన్ 2వ తేదీన ప్రముఖ కమర్షియల్ వాహనాల తయారీ సంస్థ అశోక్ లేలాండ్ ఒక్కో షేరుకు రూ. 2.50 డివిడెండ్ ఇవ్వనుంది. దాంతో పాటు ఆటో కాంపోనెంట్స్ కంపెనీ సెట్కో ఆటోమోటివ్ (రూ. 13 డివిడెండ్), ఆల్టియస్ టెలికాం ఇన్‌ఫ్రాస్ట్రక్చర్ ట్రస్ట్ లు కూడా జూన్ 2న ఎక్స్-డివిడెండ్‌గా ట్రేడ్ కానున్నాయి.

వారం చివర్లో మరికొన్నిPayouts..

జూన్ 4వ తేదీన టెక్నోక్రాఫ్ట్ ఇండస్ట్రీస్ ఇండియా లిమిటెడ్ ఒక్కో షేరుకు రూ. 20 మధ్యంతర డివిడెండ్ ఇవ్వబోతోంది. ఆ తర్వాత జూన్ 5న ఆర్కియన్ కెమికల్ ఇండస్ట్రీస్ కూడా రూ. 2.50 ఫైనల్ డివిడెండ్ ఎక్స్-డేట్‌ను కలిగి ఉంది.

స్టాక్ మార్కెట్ (Stock Market) లో కేవలం షేర్ల ధరలు పెరగడం వల్ల వచ్చే లాభాలే కాకుండా.. ఇలా కంపెనీలు ఇచ్చే డివిడెండ్ల ద్వారా కూడా ఇన్వెస్టర్లు మంచి లాభాలు ఆర్జించవచ్చు. మీ దగ్గర కూడా ఈ కంపెనీల షేర్లు ఉంటే, రికార్డు తేదీల కంటే ముందే అలర్ట్ అవ్వడం మంచిది!