NSE IPO: గ్రే మార్కెట్‎లో పడిపోతున్న ఎన్ఎస్ఈ షేర్లు.. అయినా ఐపీఓకు తగ్గని డిమాండ్..!

నేషనల్ స్టాక్ ఎక్స్ఛేంజ్ ఆఫ్ ఇండియా (NSE) ఇనిషియల్ పబ్లిక్ ఆఫరింగ్ (IPO) బిడ్డింగ్ చివరి రోజున కూడా జోరును కొనసాగించింది. సెప్టెంబర్ 21న మధ్యాహ్నం 12:50 గంటల సమయానికి ఈ ఇష్యూ 2.34 రెట్ల సబ్‌స్క్రిప్షన్‌ను అయింది. సాయంత్రం వరకు ఇది ఇంకా పెరిగే అవకాశం ఉంది. రూ. 22,569 కోట్ల విలువైన ఈ ఐపీఓలో అమ్మకానికి ఉంచిన 8,86,42,911 షేర్లకు గాను 20,70,42,680 షేర్లకు బిడ్లు దాఖలయ్యాయి. అర్హత కలిగిన సంస్థాగత కొనుగోలుదారుల (QIBs) నుంచి అత్యధికంగా 3.72 రెట్ల సబ్‌స్క్రిప్షన్ రాగా, తర్వాతి స్థానంలో నాన్-ఇన్‌స్టిట్యూషనల్ ఇన్వెస్టర్లు 3.60 రెట్ల సబ్‌స్క్రిప్షన్‌తో నిలిచారు. రిటైల్ ఇన్వెస్టర్ల విభాగం 1.01 రెట్ల సబ్‌స్క్రిప్షన్‌ను నమోదు అయింది.

గ్రే మార్కెట్‌లో షేర్ల GMP (గ్రే మార్కెట్ ప్రీమియం) తగ్గుముఖం పట్టింది. సెప్టెంబర్ 21 ఉదయానికి ఉన్న తాజా ప్రీమియం సుమారు 3 శాతం లిస్టింగ్ లాభాన్ని సూచిస్తోంది. GMP అనేది అధికారిక మార్కెట్ సూచిక కాదని, ఇది లిస్టింగ్ ధర లేదా రాబడికి ఎటువంటి హామీ ఇవ్వదని పెట్టుబడిదారులు గమనించాలి. దీనిని కంపెనీ ఆర్థిక పనితీరు లేదా ప్రాథమిక అంశాలకు కొలమానంగా పరిగణించకూడదు. సెప్టెంబర్ 16న ఈ కంపెనీ పలు ప్రముఖ దేశీయ, అంతర్జాతీయ పెట్టుబడిదారుల నుంచి రూ. 6,746.2 కోట్లను సమీకరించింది. ఇందులో లైఫ్ ఇన్సూరెన్స్ కార్పొరేషన్ ఆఫ్ ఇండియా (LIC) అతిపెద్ద పెట్టుబడిదారుగా నిలిచింది.

రూ. 4.42 లక్షల కోట్ల విలువను ఆశిస్తున్న ఎన్ఎస్ఈ ధరల శ్రేణి గరిష్ట స్థాయి వద్ద 189 మంది యాంకర్ ఇన్వెస్టర్లకు 3.77 కోట్ల ఈక్విటీ షేర్లను కేటాయించింది. ఎక్స్ఛేంజ్ ఆశిస్తున్న ఈ విలువతో మార్కెట్ క్యాపిటలైజేషన్ పరంగా ఇది టాప్ 15 కంపెనీల జాబితాలో చేరే అవకాశం ఉంది. పబ్లిక్ సబ్‌స్క్రిప్షన్ ప్రక్రియ సెప్టెంబర్ 17 నుంచి సెప్టెంబర్ 21 వరకు కొనసాగుతుంది. ఇది పూర్తిగా ప్రస్తుత వాటాదారులు 12.64 కోట్ల ఈక్విటీ షేర్లను విక్రయించే 'ఆఫర్-ఫర్-సేల్' (OFS) విధానంలో జరుగుతోంది. ఈ ఆఫర్ కోసం ధరల శ్రేణిని ఒక్కో షేరుకు రూ. 1,700-1,785గా నిర్ణయించారు. ఇది పూర్తిగా 'ఆఫర్-ఫర్-సేల్' కాబట్టి ఈ ఐపీఓ ద్వారా ఎన్ఎస్ఈకి ఎటువంటి నిధులు రావు.

ఈ ఆఫర్ ద్వారా వచ్చే మొత్తం ఆదాయం షేర్లను విక్రయించే వాటాదారులకే చెందుతుంది. ఎక్స్ఛేంజ్ తన ఉద్యోగుల కోసం రూ. 70 కోట్ల విలువైన షేర్లను రిజర్వ్ చేసింది. తుది ఇష్యూ ధరపై ఒక్కో షేరుకు రూ. 170 డిస్కౌంట్‌తో ఆ షేర్లను వారికి ఆఫర్ చేయనున్నారు. కోటక్ మహీంద్రా క్యాపిటల్ కంపెనీ, జేఎం ఫైనాన్షియల్, మోర్గాన్ స్టాన్లీ ఇండియా కంపెనీ, సిటీగ్రూప్ గ్లోబల్ మార్కెట్స్ ఇండియా, హెచ్‌ఎస్‌బిసి సెక్యూరిటీస్ అండ్ క్యాపిటల్ మార్కెట్స్ (ఇండియా), జేపీ మోర్గాన్ ఇండియా, ఎస్‌బిఐ క్యాపిటల్ మార్కెట్స్, ఆనంద్ రాఠీ అడ్వైజర్స్, అవెండస్ క్యాపిటల్, యాక్సిస్ క్యాపిటల్, డీఏఎం క్యాపిటల్ అడ్వైజర్స్, ఈక్విరస్ క్యాపిటల్, హెచ్‌డిఎఫ్‌సి బ్యాంక్, ఐసిఐసిఐ సెక్యూరిటీస్, ఐడిబిఐ క్యాపిటల్ మార్కెట్స్ & సెక్యూరిటీస్, ఐఐఎఫ్‌ఎల్ క్యాపిటల్ సర్వీసెస్, మోతీలాల్ ఓస్వాల్ ఇన్వెస్ట్‌మెంట్ అడ్వైజర్స్, నువమ వెల్త్ మేనేజ్‌మెంట్, పాంటోమాత్ క్యాపిటల్ అడ్వైజర్స్, 360 వన్ వామ్ సంస్థలు ఎన్‌ఎస్‌ఈ ఐపిఓ నిర్వహణకు మర్చంట్ బ్యాంకర్లుగా వ్యవహరిస్తున్నాయి. ఐపిఓ షేర్ల కేటాయింపు సెప్టెంబర్ 22న ఖరారు కాగా, ఎన్‌ఎస్‌ఈ షేర్లు సెప్టెంబర్ 24 నుంచి బిఎస్‌ఇలో లిస్ట్ అయ్యే అవకాశం ఉంది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.