Stock market Holidays: ఏప్రిల్‌లో వరుస సెలవులు.. స్టాక్ మార్కెట్ క్లోజ్ అయ్యే రోజులు ఇవే!

క్రైస్తవలకు అత్యంత పవిత్రమైన ఈస్టర్ పండుగ సమయం వచ్చేస్తోంది. 2026 సంవత్సరంలో ఈస్టర్ ఎప్పుడు వస్తుంది? లెంట్ డేస్ ఎప్పుడు ప్రారంభమవుతాయి? అలాగే ఏప్రిల్ నెలలో స్టాక్ మార్కెట్ సెలవులు ఎప్పుడెప్పుడు ఉన్నాయనే పూర్తి వివరాలు ఇప్పుడు తెలుసుకుందాం.

2026 ఈస్టర్ ఎప్పుడు? (Easter 2026 Date)

ప్రతి ఏటా ఈస్టర్ పండుగ తేదీ మారుతూ ఉంటుందని మనందరికీ తెలిసిందే. 2026లో ఈస్టర్ పండుగను ఏప్రిల్ 5వ తేదీన (ఆదివారం) జరుపుకోనున్నారు. ప్రపంచవ్యాప్తంగా జరుపుకునే ఈ పండుగ క్యాలెండర్‌లో అత్యంత ముఖ్యమైన రోజు. సాధారణంగా మార్చి 22 నుంచి ఏప్రిల్ 25 మధ్యలో ఏదో ఒక ఆదివారం ఈస్టర్ వస్తుంది.

తేదీలు ఎందుకు మారుతుంటాయి?

చాలామందికి ఒక సందేహం ఉంటుంది, ఈస్టర్ డేట్ ఎందుకు మారుతుందని? దీనికి ఖగోళ శాస్త్ర లెక్కలు కారణం. వసంతకాలపు విషువత్తు (Spring Equinox) తర్వాత వచ్చే మొదటి పౌర్ణమి తర్వాతి ఆదివారాన్ని ఈస్టర్‌గా నిర్ణయిస్తారు. 2026లో మార్చి 20న విషువత్తు, ఏప్రిల్ 1న పౌర్ణమి రావడంతో, ఏప్రిల్ 5న ఈస్టర్ సండే వచ్చింది.

ఏప్రిల్ 2026లో స్టాక్ మార్కెట్ సెలవులు (Stock Market Holidays)

ఇన్వెస్టర్లు, ట్రేడర్లకు ఇది చాలా ముఖ్యమైన సమాచారం. ఏప్రిల్ నెలలో స్టాక్ మార్కెట్‌కు (NSE, BSE) వరుసగా సెలవులు రానున్నాయి. ఈ సెలవుల వల్ల ట్రేడింగ్‌లో మార్పులు ఉంటాయి.

1. ఏప్రిల్ 3, 2026 (శుక్రవారం): గుడ్ ఫ్రైడే సందర్భంగా దేశవ్యాప్తంగా స్టాక్ మార్కెట్లు , బ్యాంకులు పనిచేయవు. ఇది శుక్రవారం కావడంతో, శని, ఆదివారాలతో కలిపి లాంగ్ వీకెండ్ వస్తుంది.

2. ఏప్రిల్ 14, 2026 (మంగళవారం): డాక్టర్ బి.ఆర్. అంబేద్కర్ జయంతి సందర్భంగా భారతీయ ఈక్విటీ మార్కెట్లకు సెలవు ప్రకటించారు.

ఏప్రిల్ 2026లో బ్యాంక్ సెలవుల జాతర..

కేవలం స్టాక్ మార్కెట్ మాత్రమే కాదు, ఏప్రిల్ నెలలో బ్యాంకింగ్ పనుల కోసం వెళ్లేవారు కూడా ముందే ప్లాన్ చేసుకోవాలి. కొత్త ఆర్థిక సంవత్సరం ప్రారంభం కావడంతో, ఏప్రిల్ 1న వార్షిక ఖాతాల ముగింపు (Annual Closing) సందర్భంగా బ్యాంకులు కస్టమర్లకు సేవలు అందించవు. ఆ తర్వాత వరుస పండుగలు, వారాంతపు సెలవులతో కలిపి ఏప్రిల్ నెలలో వివిధ రాష్ట్రాల్లో దాదాపు 14 రోజుల వరకు బ్యాంకులు మూసివేసి ఉంటాయి. ఏప్రిల్ 3న గుడ్ ఫ్రైడే, ఏప్రిల్ 14న అంబేద్కర్ జయంతి మరియు బైసాఖీ వంటి పండుగలతో పాటు.. ఏప్రిల్ 5, 12, 19, 26 తేదీల్లో ఆదివారాలు, అలాగే ఏప్రిల్ 11 (రెండో శనివారం), ఏప్రిల్ 25 (నాలుగో శనివారం) బ్యాంకులకు సెలవు ఉంటుంది. కాబట్టి నగదు డిపాజిట్లు లేదా చెక్కుల క్లియరెన్స్ వంటి పనులు ఉన్నవారు ఈ సెలవుల జాబితాను చూసుకుని ముందే అలర్ట్ అవ్వడం మంచిది.

ఇన్వెస్టర్లు తమ పెట్టుబడి ప్రణాళికలను ఈ సెలవుల ఆధారంగా ముందే ప్లాన్ చేసుకోవడం మంచిది. ముఖ్యంగా ఫ్యూచర్స్ అండ్ ఆప్షన్స్ ట్రేడర్లు ఈ తేదీలను గుర్తుంచుకోవాలి. ఆధ్యాత్మికంగా ఈస్టర్ ఎంతో ప్రాముఖ్యత కలిగినది. ఆశ, పునరుజ్జీవనం , విజయానికి ఇది చిహ్నం. అదే సమయంలో ఆర్థిక పరంగా చూస్తే ఏప్రిల్ నెలలో వచ్చే స్టాక్ మార్కెట్ సెలవులను గమనిస్తూ ఇన్వెస్టర్లు అప్రమత్తంగా వ్యవహరించాలి. వచ్చే ఏడాది 2027లో ఈస్టర్ మార్చి 28నే రానుండటం విశేషం.