Multibagger Stocks: ఏడాది కాలంలో మల్టీబ్యాగర్ రిటర్న్స్ అందించిన స్టాక్స్ ఇవే..!

పెరుగుతున్న చమురు ధరలు, తీవ్రమవుతున్న మధ్యప్రాచ్య యుద్ధం, ఏఐ (AI) ఆందోళనలు పెట్టుబడిదారులను భయపెడుతున్నాయి. స్టాక్ మార్కెట్లు ఒత్తిడి లోను అవుతున్నప్పటికీ కొన్ని స్టాక్స్ రాణిస్తున్నాయి. మల్టీబ్యాగర్ రిటర్న్స్ అందిస్తున్నాయి. కొన్ని స్టాక్‌లు అమ్మకాల నుంచి తప్పించుకుని గత ఏడాది కాలంలో 100-250 శాతం భారీ రాబడులను అందించాయి. గత ఏడాది కాలంలో 100 శాతం పైగా రాబడులను అందించిన నిఫ్టీ 500లోని స్టాక్స్ ఇవే. ఈవీ స్కూటర్ల తయారీ సంస్థ ఏథర్ ఎనర్జీ షేర్లు గత ఏడాది కాలంలో నిఫ్టీ 500 సూచీలోని అన్ని స్టాక్‌లలోకెల్లా అత్యధిక రాబడులను అందించాయి.
ఏకంగా 248 శాతం పెరిగాయి. ఈ స్టాక్ ఒక నెలలో 19 శాతానికి పైగా లాభపడింది. 2026లో ఇప్పటివరకు 96 శాతం పెరిగింది. ఈ కంపెనీ మార్కెట్ క్యాపిటలైజేషన్ రూ. 56,957 కోట్లుగా ఉంది.

హెచ్‌ఎఫ్‌సిఎల్ షేర్లు గత ఏడాది కాలంలో 224 శాతం రాబడిని అందించాయి. కేవలం 2026లోనే ఈ స్టాక్ సుమారు 250 శాతం పెరిగింది. ఈ కంపెనీ షేర్లు మూడేళ్లలో 235 శాతం, ఐదేళ్లలో 269 శాతం పెరిగాయి. ప్రస్తుతం ఈ కంపెనీ మార్కెట్ క్యాపిటలైజేషన్ సుమారు రూ. 36,609 కోట్లుగా ఉంది. వెల్స్‌పన్ కార్ప్ షేర్లు గత ఏడాది కాలంలో 171 శాతం రాబడి ఇచ్చింది. కేవలం 2026లోనే ఈ స్టాక్ దాదాపు 200 శాతం పెరిగింది. దీర్ఘకాలంలో వెల్స్‌పన్ కార్ప్ షేర్లు మూడేళ్లలో 640 శాతం, ఐదేళ్లలో 1,852 శాతంతో రాణించింది. స్టెల్లంట్ సెక్యూరిటీస్ లిమిటెడ్ స్టాక్ ఈ సంవత్సరం ఇప్పటి వరకు దాదాపు 180 శాతం పెరిగింది. ఒక సంవత్సరంలో స్టెల్లంట్ సెక్యూరిటీస్ లిమిటెడ్ రాబడి 857 శాతంగా ఉంది.

మీరు ఒక సంవత్సరం క్రితం ఇందులో రూ. 1 లక్ష పెట్టుబడి పెట్టి ఉంటే ఈ రోజు దీని విలువ రూ. 9.50 లక్షల కంటే ఎక్కువగా ఉండేది. కేవలం 22 నెలల్లోనే రూ.1 లక్ష పెట్టుబడిని రూ.1 కోటిగా మార్చింది. అంటే రూ.1 లక్ష పెట్టుబడి పెట్టిన పెట్టుబడిదారులు కోటీశ్వరులు అయ్యారు. ప్రభుత్వ రంగాలలో నిఘా సాంకేతికత, స్మార్ట్ భద్రతా పరిష్కారాలు, డిజిటల్ మౌలిక సదుపాయాలకు పెరుగుతున్న డిమాండ్ కారణంగా ఆదిత్య ఇన్ఫోటెక్ షేర్లు గత ఏడాది కాలంలో 151 శాతం పెరిగాయి. హిందుస్థాన్ కాపర్ షేర్లు గత ఏడాది కాలంలో 141 శాతం పెరిగాయి. ప్రభుత్వ యాజమాన్యంలోని రాగి ఉత్పత్తి సంస్థ, పెరుగుతున్న ప్రపంచ రాగి ధరలు, బలమైన డిమాండ్ వల్ల లాభపడింది. ప్రభుత్వం ఆఫర్ ఫర్ సేల్ ద్వారా తన వాటాలో కొంత భాగాన్ని విక్రయిస్తున్నందున, ఈ స్టాక్ రెండు రోజుల పాటు వార్తల్లో నిలిచింది.

గత ఏడాది కాలంలో ఆర్ఆర్ కేబుల్ షేర్లు 136 శాతం లాభాలను అందించాయి. వైర్లు, కేబుళ్ల తయారీ సంస్థ షేరు ధర 2026లో ఇప్పటివరకు 91 శాతం పెరిగింది. ఈ కంపెనీ ప్రస్తుత మార్కెట్ క్యాపిటలైజేషన్ రూ. 31,670 కోట్లుగా ఉంది. నెట్‌వెబ్ టెక్నాలజీస్ ఇండియా షేర్లు గత ఏడాది కాలంలో 135 శాతం పెరిగాయి. డేటా సెంటర్ విస్తరణలు, ఏఐ (AI) విస్తరణలు, క్లౌడ్ ఇన్‌ఫ్రాస్ట్రక్చర్ వృద్ధి కారణంగా ఈ హై-పెర్ఫార్మెన్స్ కంప్యూటింగ్ (HPC) సంస్థ వేగవంతమైన డిమాండ్‌ను చూసింది. గత ఏడాది కాలంలో అక్యూటాస్ కెమికల్స్ షేర్లు 123 శాతం పెరిగాయి. ఈ స్టాక్ 2026లో ఇప్పటివరకు 89 శాతానికి పైగా మూడేళ్లలో 149% లాభపడింది. ఈ కంపెనీ మార్కెట్ క్యాపిటలైజేషన్ రూ. 27,089 కోట్లుగా ఉంది. గత ఏడాది కాలంలో మల్టీబ్యాగర్ రాబడులను నమోదు చేసిన ఇతర స్టాక్‌లలో కిర్లోస్కర్ ఆయిల్ ఇంజన్స్ (118%), చెన్నై పెట్రోలియం కార్పొరేషన్ (114%), నేషనల్ అల్యూమినియం కంపెనీ లేదా నాల్కో (113%), ఎంసిఎక్స్ లేదా మల్టీ కమోడిటీ ఎక్స్ఛేంజ్ ఆఫ్ ఇండియా (105%), లారస్ ల్యాబ్స్ (105%), అపార్ ఇండస్ట్రీస్ (104%), ప్రైమ్ ఫోకస్ (103%) ఉన్నాయి.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.