రూ.200లోపు బెస్ట్ స్టాక్స్.. ఈ మూడు షేర్లపై ఫోకస్ పెట్టమంటున్నమెహుల్ కొఠారి..

భారత స్టాక్ మార్కెట్లు అంతర్జాతీయ సవాళ్లను అధిగమించి జూలై 17వ తేదీతో ముగిసిన వారంలో పటిష్టమైన లాభాలతో ముగిశాయి. పశ్చిమ ఆసియాలో పెరుగుతున్న భౌగోళిక రాజకీయ ఉద్రిక్తతలు, చమురు ధరల హెచ్చుతగ్గులు, విదేశీ సంస్థాగత పెట్టుబడిదారుల (FII) నిధుల ఉపసంహరణ వంటి ప్రతికూలతలు మార్కెట్‌ను కొంత మేర అస్థిరతకు గురిచేసినప్పటికీ, వారం చివరి సెషన్‌లో మార్కెట్ భారీగా పుంజుకుంది.

అమెరికాలో ఊహించిన దానికంటే తక్కువగా నమోదైన ద్రవ్యోల్బణ గణాంకాలు.. ఫెడ్ వడ్డీ రేట్ల కోతపై పునరుద్ధరించబడిన అంచనాలు, దేశీయ సంస్థాగత పెట్టుబడిదారుల (DII) నిరంతర కొనుగోళ్ల మద్దతుతో సూచీలు సరికొత్త రికార్డుల వైపు పయనించాయి. ముఖ్యంగా రిలయన్స్ ఇండస్ట్రీస్తో పాటు హెచ్‌డిఎఫ్‌సి బ్యాంక్, ఐసిఐసిఐ బ్యాంక్, కోటక్ మహీంద్రా బ్యాంక్, యాక్సిస్ బ్యాంక్ వంటి ప్రధాన ప్రైవేట్ బ్యాంకులు జూన్ త్రైమాసిక ఆదాయాల ప్రకటనకు ముందే అద్భుతమైన ప్రదర్శన కనబరచడం మార్కెట్ ర్యాలీకి ప్రధాన కారణమైంది. శుక్రవారం ముగింపు సమయానికి సెన్సెక్స్ 965 పాయింట్లు (1.25%) లాభపడి 78,151.45 వద్ద స్థిరపడగా.. నిఫ్టీ 50 సూచీ 262 పాయింట్లు (1.09%) పెరిగి 24,334.30 వద్ద ముగిసింది.

ఆనంద్ రాథీ టెక్నికల్ రీసెర్చ్ డిప్యూటీ వైస్ ప్రెసిడెంట్ మెహుల్ కోఠారి విశ్లేషణ ప్రకారం.. మార్కెట్ యొక్క విస్తృత నిర్మాణం ఇప్పటికీ సానుకూలంగానే (Bullish) ఉంది. వారంలో నిఫ్టీ పతనం కావడానికి ప్రయత్నించినప్పటికీ, 24 వేల స్థాయి అత్యంత బలమైన మద్దతుగా (Support) నిలిచింది. శుక్రవారం సూచీ బ్రేక్‌అవుట్‌కు ప్రయత్నించినప్పటికీ.. 24,350-24,400 జోన్ తక్షణ కీలక నిరోధక శ్రేణిగా (Resistance Zone) ఉంది.

Also Read

స్టాక్ మార్కెట్ ఇన్వెస్టర్లకు పండగే పండగ.. IPO మార్కెట్‌లోకి 210 కొత్త కంపెనీలు ఎంట్రీ..

ఇది గత గ్యాప్ ఏరియాతో పాటు 78.6 శాతం ఫిబొనాకీ రీట్రేస్‌మెంట్ స్థాయితో సరిపోలుతున్నందున.. నిఫ్టీ 24,400 పైన స్థిరంగా ముగిసేంత వరకు కొత్త అప్‌ట్రెండ్‌ను ఆశించలేమని, ఆలోపు దూకుడుగా కొనుగోళ్లు జరపడం కంటే వేచి చూడటం మంచిదని ఆయన అభిప్రాయపడ్డారు. ఒకవేళ మార్కెట్ పతనమైతే 24 వేలు తక్షణ మద్దతుగా, ఆపై 23,800-23,650 బలమైన కొనుగోలు జోన్‌గా పనిచేస్తాయి. ఈ స్థాయిలు బ్రేక్ కానంత వరకు తగ్గినప్పుడు కొనడం ఉత్తమ వ్యూహమని ఆయన సూచించారు.

ఇక బ్యాంక్ నిఫ్టీ విషయానికి వస్తే.. వారమంతా 57,000-59,000 శ్రేణిలోనే కదలాడిన ఈ సూచీ, శుక్రవారం ఏకంగా 900 పాయింట్లకు పైగా లాభపడి తిరిగి 58,000 మార్కును దాటడం మార్కెట్ సెంటిమెంట్‌ను బలపరిచింది. రాబోయే వారంలో ఐసిఐసిఐ, హెచ్‌డిఎఫ్‌సి, కోటక్ బ్యాంకుల త్రైమాసిక ఫలితాలు బ్యాంక్ నిఫ్టీ దిశను నిర్దేశిస్తాయి. సూచీ 59,000 పైన ముగిస్తే సరికొత్త ర్యాలీ ప్రారంభమవుతుందని, ఒకవేళ 57,000 మద్దతు స్థాయి కంటే దిగువకు పడిపోతే స్వల్పకాలిక కరెక్షన్ వచ్చే అవకాశం ఉందని కొఠారి విశ్లేషించారు.

రూ. 200 లోపు మెహుల్ కోఠారి సిఫార్సు చేసిన 3 స్వల్పకాలిక స్టాక్‌లు:

1. సుజ్లాన్ ఎనర్జీ (Suzlon Energy):

వ్యూహం: రూ. 51 సమీపంలో కొనుగోలు చేయవచ్చు.
స్టాప్ లాస్ (Stop Loss): రూ. 48
లక్ష్యం (Target): రూ. 57

2. ఐడిబిఐ బ్యాంక్ (IDBI Bank):

వ్యూహం: రూ. 86 సమీపంలో కొనుగోలు చేయవచ్చు.
స్టాప్ లాస్ (Stop Loss):రూ. 81
లక్ష్యం (Target): రూ. 95

3. జీ ఎంటర్‌టైన్‌మెంట్ (Zee Entertainment):

వ్యూహం: రూ. 105 సమీపంలో కొనుగోలు చేయవచ్చు.
స్టాప్ లాస్ (Stop Loss): రూ. 96
లక్ష్యం (Target):రూ. 112 - రూ. 117

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.