TCS Results: అదరగొట్టిన టీసీఎస్ ఫలితాలు.. ఒక్కో షేరుకు రూ.12 డివిడెండ్..!

దేశంలో అతిపెద్ద ఐటీ సేవల సంస్థ అయిన టాటా కన్సల్టెన్సీ సర్వీసెస్ (టీసీఎస్) 2026-27 ఆర్థిక సంవత్సరం రెండవ త్రైమాసికం ఫలితాలను ప్రకటించింది. కంపెనీ రూ. 13,884 కోట్ల నికర లాభాన్ని నివేదించింది. ఇది 2026 ఆర్థిక సంవత్సరం మొదటి త్రైమాసికంలోని రూ. 12,075 కోట్ల లాభంతో పోలిస్తే 14.9 శాతం అధికం. కంపెనీ ఆదాయం నివేదిత గణాంకాల ప్రకారం రెండో త్రైమాసికంలో 11.2 శాతం వృద్ధితో రూ. 73,188 కోట్లకు చేరింది. గతేడాది ఇదే కాలంలో ఇది రూ. 65,799 కోట్లుగా ఉంది. త్రైమాసిక ప్రాతిపదికన చూస్తే, నికర లాభం 4 శాతం పెరిగింది. ఆదాయం, లాభం విషయంలో కంపెనీ పనితీరు అంచనాలను అధిగమించింది.

ప్రపంచ అనిశ్చితి, ఏఐ (AI) ఆధారిత మార్పుల కారణంగా ఈ త్రైమాసికంలో ఫలితాలు అంచనాలను అందుకోలేదని భావించారు. కంపెనీ పనితీరు అంచనాలకు మించి ఉంది. ముఖ్యంగా కంపెనీ తన ఏఐ (AI) ఆదాయంలో కూడా వృద్ధిని చూసింది. వార్షిక ఏఐ ఆదాయం $3.1 బిలియన్లుగా ఉంది. ఇది మొత్తం ఆదాయంలో 10 శాతాన్ని దాటింది. FY27 మొదటి త్రైమాసికంలో టీసీఎస్ వార్షిక ఏఐ ఆదాయం $2.6 బిలియన్లుగా నమోదైంది. రెండో త్రైమాసికంలో ఆర్డర్ బుక్ యొక్క మొత్తం కాంట్రాక్ట్ విలువ (TCV) $9 బిలియన్లుగా ఉంది. మొదటి త్రైమాసికంలో, TCV $9.5 బిలియన్లుగా ఉంది.

FY26 రెండో త్రైమాసికంలో టీసీఎస్ $10 బిలియన్ల విలువైన ఒప్పందాలపై సంతకాలు చేసింది. తమ అన్ని అంతర్జాతీయ మార్కెట్లలో, చాలా పరిశ్రమ విభాగాలలో సాధించిన విస్తృత వృద్ధి పట్ల మేము సంతోషంగా ఉన్నామని ముఖ్య కార్యనిర్వహణాధికారి, మేనేజింగ్ డైరెక్టర్ అయిన కె. కృతివాసన్ అన్నారు. ఈ త్రైమాసికంలో మేము పోర్షే, బెస్ట్ బైలతో రెండు ప్రత్యేకమైన ఒప్పందాలను ప్రకటించామన్నారు.
కంపెనీ రెండవ త్రైమాసికంలో, దాని ప్రధాన మార్కెట్లన్నింటిలో వృద్ధి కనిబరిచింది. ఈ ఫలితాలలో సానుకూల అంశం ఏమిటంటే, అంతర్జాతీయ మార్కెట్లలో వృద్ధి నమోదవ్వడం. ఇక్కడ ఆదాయం 1.2 శాతం పెరిగింది. వివిధ రంగాల పరంగా చూస్తే, కంపెనీ అన్ని విభాగాలలో వృద్ధిని సాధించింది.

అత్యధిక ఆదాయాన్ని అందించే BFSI విభాగం గతేడాదితో పోలిస్తే 3.9 శాతం, త్రైమాసికంతో పోలిస్తే 2.5 శాతం వృద్ధిని సాధించింది. కంపెనీకి అతిపెద్ద భౌగోళిక ప్రాంతమైన యూఎస్, గతేడాదితో పోలిస్తే 1.5 శాతం వృద్ధిని సాధించగా, త్రైమాసికంతో పోలిస్తే 0.4 శాతం వృద్ధితో దాదాపు స్థిరంగా ఉంది. కాంటినెంటల్ యూరప్ గతేడాదితో పోలిస్తే 3.3 శాతం వృద్ధిని సాధించగా, యూకే 4.5 శాతం వృద్ధిని సాధించింది. టీసీఎస్ త్రైమాసిక ఫలితాలతో పాటు ఒక్కో షేరుకు రూ.12 డివిడెండ్ ప్రకటించింది.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి.