చాలా కూల్గ ఉండే రతన్ టాటాకు కోపం ఎందుకు వచ్చింది.. సీన్ రివర్స్.. తర్వాత ఏం జరిగిందంటే.

రతన్ టాటా అభిమానులకు ఈరోజు గొప్ప రోజు. ఎందుకంటే నేడు రతన్ టాటా పుట్టినరోజు, అయన 28 డిసెంబర్ 1937న జన్మించారు. కానీ అతను ఇప్పుడు మన మధ్య లేకపోయినా, అతని గురించి చెప్పాలంటే చాలా విషయాలు ఉన్నాయి. టాటా గ్రూప్‌ను ఉన్నత శిఖరాలకు తీసుకెళ్లడం నుండి సమాజాన్ని మెరుగుపరచడం వరకు అతను దేశ అభివృద్ధికి ఎంతో కృషి చేసాడు.

ఉప్పు నుండి కారు వరకు
టాటా గ్రూప్ ఉప్పు నుండి కార్ల వరకు ప్రతిదీ తయారు చేస్తుంది. ఎయిర్ ఇండియా ద్వారా విమానయాన రంగంలో కూడా ఈ గ్రూప్ అడుగు పెట్టింది. టాటా గ్రూప్ సాధించిన ఈ విజయాలన్నింటిలో రతన్ టాటా కీలక పాత్ర పోషించారు. రతన్ టాటా తన ప్రశాంత స్వభావానికి, జంతువుల పట్ల అతని ప్రేమకు ఫెమస్. అతనికి కోపం రావడం చాలా అరుదు, కానీ ఒకప్పుడు ఎవరి మాటల వల్ల అతనికి కోపం వచ్చింది, ఆ తర్వాత ఎం జరిగింది...

ఈ ఘటన 90's నాటిది. రతన్ టాటా నేతృత్వంలోని టాటా మోటార్స్ కార్లు పెద్దగా విజయం సాధించలేదు. స్వదేశీ కంపెనీకి భారతదేశపు మొట్టమొదటి కారు ఇండికాను 30 డిసెంబర్ 1998న మార్కెట్‌లో లాంచ్ చేసింది, అయితే ఈ కారు అమ్మకాల గణాంకాలు ప్రారంభ రోజుల్లో అంత ఆశించినంతగా లేవు. దీని తర్వాత రతన్ టాటా తన ప్యాసింజర్ వాహన వ్యాపారాన్ని విక్రయించాలని నిర్ణయించుకున్నారు. ఇందుకోసం అమెరికా కార్ కంపెనీ ఫోర్డ్ మోటార్స్‌తో చర్చలు ప్రారంభించింది.

గేమ్ ఛేంజర్ సమావేశం
రతన్ టాటా, ఫోర్డ్ చైర్మన్ బిల్ ఫోర్డ్ మధ్య సమావేశం జరిగింది. ఈ మీటింగ్‌లో టాటాకు చాలా కోపం వచ్చింది, కానీ అతను తన కోపాన్ని చూపించుకోలేదు. అసలు విషయం ఏంటంటే బిల్ ఫోర్డ్ టాటాను ఎగతాళి చేశాడు, మీకు ఎం తెలియకపోతే మీరు ప్యాసింజర్ కార్ల వ్యాపారం ఎందుకు ప్రారంభించారు ? అంతే కాదు, మీ ఈ వ్యాపారాన్ని మేము కొంటె అది మీకు అనుకూలంగా ఉంటుందని కూడా రతన్ టాటాతో అన్నారు.

బిల్ ఫోర్డ్ అన్న ఈ మాటలు నిజంగా టాటాకి కోపాన్ని తెప్పించాయి. ఇంకా టాటా షాక్ అయ్యాడు అలాగే బాధపడ్డాడు కూడా, అయినప్పటికీ తన కోపాన్ని మాత్రం చూపించుకోలేదు. కొన్నేళ్ల తర్వాత ఈ కోపానికి ఫలితంగా బిల్ ఫోర్డ్‌కు షాకిచ్చింది. రతన్ టాటా కార్ల వ్యాపారాన్ని ఫోర్డ్‌కు విక్రయించే ఆలోచన వొదిలేసి భారతదేశ ఆటోమొబైల్ రంగంలో విప్లవాత్మక మార్పులను తేవాలని లక్ష్యం పెట్టుకున్నారు.

మొత్తం సీన్ మారిపోయింది
రతన్ టాటా తన దృష్టిని టాటా మోటార్స్‌ను గొప్ప ఎత్తులకు తీసుకెళ్లేందుకు అంకితం చేశారు. ఈ సంఘటన జరిగిన దాదాపు తొమ్మిదేళ్ల తర్వాత, టాటా మోటార్స్ రతన్ టాటా చూడాలనుకున్న చోటికి చేరుకుంది. మరోవైపు, ఫోర్డ్ మోటార్స్ పరిస్థితి బలహీనంగా మారింది. ఈ సమయంలోనే రతన్ టాటా ఫోర్డ్ జాగ్వార్ & ల్యాండ్ రోవర్ బ్రాండ్‌లను కొనేందుకు ముందుకొచ్చారు. మరోసారి రతన్ టాటా అండ్ బిల్ ఫోర్డ్ మధ్య సమావేశం జరిగింది, కానీ అపుడు సీన్ పూర్తిగా మారిపోయింది.

అప్పుడు బిల్ ఫోర్డ్ స్వరం పూర్తిగా మారిపోయింది. రతన్ టాటాకు కృతజ్ఞతలు తెలుపుతూ, మీరు జాగ్వార్-ల్యాండ్ రోవర్ (జెఎల్‌ఆర్) కొనడం ద్వారా మాకు మేలు చేస్తున్నారని అన్నారు. ఈ విధంగా, రతన్ టాటా కోపం టాటా మోటార్స్‌ను కొత్త శిఖరాలకు తీసుకెళ్లాలనే అభిరుచిగా రూపాంతరం చెందింది. నేడు టాటా ఆటో రంగం దిగ్గజాలలో ఒకటి. ఈ ఏడాది అక్టోబర్‌లో రతన్ టాటా మరణించిన సంగతి మీకు తెలిసిందే.