SBI Card కస్టమర్లకు మరింత ఈజీ, జియో పేపై SBI కార్డ్ ట్రాన్సాక్షన్స్

జియో పే సేవల ప్లాట్‌ఫాం ద్వారా ఎస్బీఐ కార్డ్ కస్టమర్లు ట్రాన్సాక్షన్స్ నిర్వహించవచ్చు. ఈ మేరకు SBI కార్డ్స్ అండ్ పేమెంట్ సర్వీసెస్ (SBI Card) బుధవారం ప్రకటించింది. క్రెడిట్ ద్వారా జియో పే పైన కస్టమర్లు తమ ట్రాన్సాక్షన్స్ నిర్వహించే వీలు కల్పించామని తెలిపింది. మంగళవారం నుండే జియో పే సేవలను అనుమతిస్తున్నట్లు రెగ్యులేటరీ ఫైలింగ్‌లో ఎస్బీఐ కార్డ్స్ తెలిపింది.

ప్రస్తుతం దేశంలో జారీ చేసిన కార్డులతో మాత్రమే జియో పే సేవలను వినియోగించుకునే అవకాశం ఉంది. ఇక అంతర్జాతీయంగా కూడా జియో పే సేవల ద్వారా SBI కార్డు వినియోగంతో ట్రాన్సాక్షన్స్ నిర్వహించుకోవచ్చు. కాగా, బుధవారం ఎస్బీఐ కార్డ్స్ షేర్ 1.02 శాతం ఎగిసి రూ.1,096 వద్ద క్లోజ్ అయింది. నేడు మాత్రం మధ్యాహ్నం గం.3 సమయానికి స్వల్పంగా క్షీణించి రూ.1,087 వద్ద ట్రేడ్ అయింది.

ఎస్బీఐ కార్డ్స్ టార్గెట్ ధరను ప్రముఖ రేటింగ్ ఏజెన్సీ క్రెడిట్ సూసీ రూ.1250గా అంచనా వేస్తోంది. గత కొన్నేళ్లుగా భారత్‌లో క్రమంగా డిజిటల్ అడాప్షన్ పెరుగుతోందని, ఇది మరింత వేగవంతమవుతుందని పేర్కొంది. ఎస్బీఐ కార్డ్ మార్కెట్ షేర్ 2016లో 15 శాతం కాగా, ఇప్పుడు 20 శాతానికి పెరిగింది.