Rule 72: పెట్టుబడి డబుల్ కావడానికి ఎంత టైమ్ పడుతుందంటే? ఇలా తెలుసుకోండి

రూల్ 72

ఉదాహరణకు PPF వడ్డీ రేటు 7.1 శాతంగా ఉంటే రూల్ 72 కాలిక్యులేటర్ ప్రకారం 10.14 సంవత్సరాలు పడుతుంది. అయితే పీపీఎఫ్ వడ్డీ రేటు స్థిరంగా ఉంటే మాత్రమే ఇది వర్తిస్తుంది. బ్యాంకులో 6 శాతం వడ్డీ రేటుతో మీరు రూ.5 లక్షల మొత్తాన్ని ఫిక్స్డ్ డిపాజిట్ చేస్తే ఇది పన్నెండు సంవత్సరాలు తీసుకుంటుంది. 72ను వడ్డీరేటుతో భాగించాలి. ఒకవేళ మూడేళ్లలోనే మీ మొత్తానికి రెండింతలు కావాలనుకుంటే 72/3 చేయాలి. అప్పుడు 24 వస్తుంది. అంటే వడ్డీ రేటు 24 ఉంటే మాత్రమే మూడేళ్లలో రెండింతలు అవుతుంది.

బ్యాంకు FD

ప్రస్తుతం SBI, HDFC, యాక్సిస్, ICICI వంటి బ్యాంకులు ఫిక్స్డ్ డిపాజిట్ల పైన 5 శాతం వడ్డీ రేటును అందిస్తున్నాయి. అంటే ఇక్కడ 72/5 అయితే 14 వస్తుంది. అంటే మీ మొత్తం వడ్డీ రేటు 5 శాతం వద్ద స్థిరంగా ఉంటే మీ మొత్తం రెట్టింపు కావడానికి 14 సంవత్సరాలు పడుతుంది.

PPF

ప్రస్తుతం PPF (పబ్లిక్ ప్రావిడెంట్ ఫండ్) వడ్డీ రేటు 7.1 శాతంగా ఉంది. 72/7.1తో భాగిస్తే 10.14 సంవత్సరాలు. అంటే పీపీఎఫ్ అకౌంట్లోని మొత్తం రెండింతలు కావాలంటే స్థిర వడ్డీ రేటుతో 10.14 సంవత్సరాలు పడుతుంది.

SSY, KVP, NSC

సుకన్య సమృద్ధి యోజనపై(SSY) వడ్డీ రేటు 7.6 శాతంగా ఉంది. 72/7.6ను భాగిస్తే 9.47 సంవత్సరాలు అవుతుంది.

కిసాన్ వికాస్ పత్ర(KVP) వడ్డీ రేటు 6.9 శాతంగా ఉంది. దీని ప్రకారం మీ మొత్తం వడ్డీ రేటు రెండింతలు కావడానికి 10.43 సంవత్సరాలు పడుతుంది.

నేషనల్ సేవింగ్స్ సర్టిఫికెట్ (NSC) ప్రకారం వడ్డీ రేటు 6.8 శాతంగా ఉంది. దీని ప్రకారం మీ మొత్తం రెండింతలు కావడానికి 10.5 సంవత్సరాలు పడుతుంది.